بنآت آنآ حدي مصدومه من دكتورتي ؟؟؟

[فتون7]

سلآم عليكم شلونكم بنآت ؟؟


آخوآتي آلعزيزآت آنآ متزوجه صآرلي سنتين و4 شهور وآلحين آسوي آلحقن آلمجهري عند دكتورة مآجده آليتآمى وسويت معآهآ كل آللي تقوله حبوب وآكلت وآبر وطقيت وصلت معآهآ لآخر شي قبل آسبوع آلعمليه جآن تفحصني قآلت لي آوووووووووووووه فيج بويضه وحده مآنقدر نحملج جسمج مآقآعد يستجآب جآن آنصدم بنآت منو مرت نفس تجربتي لآني بصرآحه خفت حدي لمآ قآلت لي بويضه وحده وربي مصدومه منهآ
وعطتني آبرتين بنفس آلوقت وزآدت جرعة وحده من آلآبر لي 400 وآطقهآ تحت آلجلد وفوق هآلآبرتين عطتني بودر ومآي آخلطهم وهم آطقهم تحت آلجلد بس آلصبح وربي خآآآآآآآآآآآآآآآيفه حدي ومتوتره من هآلآبر آللي كل يوم آطقهم وشنو بنآت يعني بويضه وحده يعني طول عمري مآرآح آحمل ولآ شنو ؟؟؟؟؟؟؟؟؟؟؟؟؟؟؟؟؟​

 

[++The DuchesS++]

لا تخافين
الحقن المجهري يفضل ان تكون عدد البويضات اكثر من واحد
عشان تزيد فرصه الحمل اكثر
لانه الحمل بالحالات الطبيعيه تكفيه بويضه وحده
بس الحقن وطفل انبوب يفضل انه تكون البويضات اكثر
عشان تزيد فرصه نجاح العمليه

 

[الأصل والذوق]

الله يشفيج ويهديج ويعينج ويرزقج بالذريه الصالحه وبدال الجاهل تجيبين درزن جهال

ويبعد عنج كل شر انشالله

اللي تقرى تقول امين

 

[$غــ(ز)ــل$]

حبيبتي لاتحاتين ومثل ماقالت غفران الحمل الطبيعيبس يحتاج بويضه وحده
اما الحقن المجهري يحتاجون اكثر من بويضه عشان تزيد فرص الحمل
ولان لو سحبوا منج البويضه بيتعبونج على الفاضي لان احتمال كبير مايصير حمل

فلاتخافين حبيبتي ووكلي امرج لله
وان شاءالله تبشرينا بحملج قرريب

 

[أسيل]

انحاشي من ماجده اليتامى كلش موشي شغل حي الله وايدها ثقييييييييييييييييله انا افضل تستشيرين خالده المجيبل في رويال حياة صج دكتوره بس ماتسوي لج طفل انبوب بس تلقيح صناعي واذا تبين طفل انبوب اهي تعرف وحده عندهم بالمستشفى نفسه تهبل بحرينيه اسمها نسيت اسمها بس عايلتها ( بو عركي ) هم شاطره ومارست الطب مدة خمس سنين في امريكا............

 

[نسايم دبى]

الله يرزقج
وياليت تروحين حق منصور العرف

 

[اهات الصمت]

الله يرزقج

 

[سارا ديور]

مممممممممم

عنوان موضوعج انج مصدومه من دكتورتج ؟؟؟ إهيا اشعليها

اهيا عطتج العلاج لكن مبيضج ما انتج إلى بويضه وحده

طبعا مايصير لأن لازم اكثر من بويضه

لأن هالبويضه إللى طلعت منج موشرط ان تتلقح فلازم اكثر من وحده علشان يكون في فرصه اكبر لنجاح

العمليه

والله يرزقج الذريه الصالحه

 

[سارا ديور]

والدكتوره ماجده اليتامى ماعليها

شااااااااااااااااااااطره

ومسويه هالعمليه قد شعر الراس

 

[@@@ام حمووودي@@@]

الله يوفقج حبيبتي ويرزقج انشاء الله

 

[تمر حنا]

حبيتي لا تنصدمين ولا شي اصلا مرات يمر شهر بدون تبويض يعني البويضات صفر والشهر الي وراه يصير تبويض سبحان الله..........والله يرزقج

 

[eng.q8]

وكلي امرج لله
وان شاءالله تبشرينا بحملج قرريب

 

[Emanova]

حبيبتي ... كانت الدكتوره لتسويلج سونار من اليوم العاشر ؟ كل يوم و ترك؟

انتي متينه ؟ عندج تكيس؟ و لا عندج ضعف تبويض؟ هرموناتج زينه؟

و الله يرزقج.. لا تتوترين و لا تفكرين

 

[babloo]

انتي فهمتي الدكتوره شنو تقصد حبيبتي ؟؟

مو ان مبيضج ما فيه الا بويضه وحده لااااااا

اهيا مو قاعده تعطيج ابر ؟؟ ليش ؟؟ لانها تبي تسحب من البويضات الي موجودين بالمبيض اكثر من وحده عشان تلقحهم اظمن من لمن تسحب وحده وتلقحها .... فهمتي ؟؟ يعني في الوضع الطبيعي جسم المره يطلع بويضه وحده كل شهر اذا تلقحت يصير حمل واذا ما تلقحت تييج الدوره ... اهيا تبي تطلع اكثر من بويضه


لا تخافين انشالله مافيج الا كل خير وعافيه


وانتي الله يهداج يوم ما فهمتي ليش ما سألتهيها قعدت تاكلين بنفسج جذي !!!

 

[هتووف]

الله يعينج ترى بطنج راااح يعورج عوار ما تقدرين تمشين منه ((اذا على كلامج زادت عليج لابر))
لان انا صار لي عندها جذي عطتني ابر نفسج بغيت اموووت ((نصيحتي روحي حق فوزيه القطان او اي دكتور شاطر

 

[كندوش]

حبيبتي عادي حتى لو بويضه وحده مومشكله بس اهما يبون اكثر علشان اتزيد من فرص الحمل
وانا اعرف وحد جذيه كانت تاخذ وايد جرعات من الابر وكانت اتطول بالكورس تغريبا 25 يوم وسبحان الله تنزل بس بويضه وحده والحمدالله وماشالله اهيا الحين حامل الله يتمم عليها

 

[نور الكويت$$]

بنــــــات رووحووا لمنصوور العرف خالتي 8 سنين ما حملت والحين عندهااا 5!! الله يرزقكم يااا رب قولوا امين

 

[الـفـجـر الـبـعـيـد]

الله يرزقج ان شالله بالذرية الصالحة يارب

وعليج بالعسل مع حبة البركة على الريج مع علاجج زين للتبويض

 

[ام حمد انشالله]

ربي يسهل عليج شكلج مو مرتاحه للدكتوره غيريهااا وربي يرزقج الجمل الثابت

 

[LaSt WoMeN]

الله يرزقج ياااارب