-{بنآت كلية التربية الأسآسية حيآكم الله بتجمعنآ الرآبع •●

[* fojy *]

الله يبارك فيج حبيسبتي ,,
بنآت اللحين يعني نآخذ كلناآ المستجدآت جدول ثآبت ولا شلون ؟

تراني ما اعرف شي كلش كلش ..

 

[Anestazya]

اي ثابت اتوقع


بنات متى تسجيلنا ؟؟؟؟؟؟؟؟؟؟؟؟؟؟ وحطولي رابط الموقع مادري ليش مايطلع لي

 

[ɱêɱȅ^7êĹώά]

الله يبارك فيج تووفي

 

[~Rou7~]

مســـــــاء الخير
شخباركم بنات
انشاءالله فطرتوا عدل
مبروك للمقبولين مره ثانيه واتوقع دوامكم الاسبوع الجاي لان بالعاده 23 بس راح يكون عيد
لا تحاتون اول كورس ما بيدكم شي تسوونه الجدول يعطونكم جاهز 15 وحده او اقل موجود فيه كل شي الدكاتره والقاعات
الي ما عندها سايق يوديها ويجيبها لازم تسجل بالباص
ولازم تسوين بطاقة الكليه عند مكتب التوجيه والارشاد تحت ولازم على نهايه الكورس تقريبا تاخذين الباسوورد واسم الدخول مالج عشان تدشين موقع الكليه وتسجلين المواد على راحتج الكورس الثاني
اما الي بتحول تشد حيلها بالمواد الي ماخذتهم اول كورس وتروح لمكتب التسجيل غرفه 18 يعطونها ورقه تكتب فيها اسمها والرقم المدني والتخصص الي تبيه ويصير تكتب تخصصين وتروح لرئيس القسم الي اهيا فيه يوقعها والمرشد مالها الي راح يكون اسمها موجود عنده وترد الورقه لمكتب التسجيل يعطونها نسخه لها ونسخه ياخذونها والنتايج الكورس الثاني مع بدايه قبول المستجدات اليدد اذا كانت مقبوله انجليزي راح يسون لها امتحان القدرات غير عن امتحان المستوى الي ياخذونه كل البنات اول الكورس ومقابله شخصيه
وبالتوفيق للجميع
سوري طولت عليكم بس حبيت اقولكم الي عندي!

 

[~..MiMiNi..~]

^^^^

يعطيج العافيه فدتينا ..

بس ع التحويل و 15 وحده لازم جم اييب فيهم وجم يكون معدلي عشان احول ؟؟

 

[ام اللقافه]

هذاك اول 15 وحده
احنا الكورس اللي طاف عطونا 9 وحدات بس

 

[~Rou7~]

هذاك اول 15 وحده
احنا الكورس اللي طاف عطونا 9 وحدات بس

صاجه
انا كتبت 15 وحده او اقل
ما في مواد كلش ما ادري شفيهم

 

[~Rou7~]

^^^^

يعطيج العافيه فدتينا ..

بس ع التحويل و 15 وحده لازم جم اييب فيهم وجم يكون معدلي عشان احول ؟؟

معدل التحويل يختلف اذا كنتي كويتيه او لا اذا كويتيه 2 ونص تقريبا اما اذا غير كويتيه 3 ونص
عموما لازم يكون معدلج مرتفع 3 زين واول كورس دايما المواد سهله وخفيفه نظمي وقتج بس ولا تخلين شي يتراكم عليج
عشان تجيبين معدل حلو
:tomato2:

 

[Anestazya]

بنات ماقلتوولي متى نسجل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[~Rou7~]

بنات ماقلتوولي متى نسجل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تسجلين شنو ؟
الدوام راح يحطونه بالجرايد
تداومين اول يوم تسوين المقابله وامتحان المستوى كل واحد بيوم ما ادري اي واحد قبل
بس اكيد هذا اول شي تسوينه لما تسجلين بس لازم يحطون بالجرايد متى تداومون
تحري الجرايد هاليومين واول ما يحددون روحي لما تخلصين المقابله وامتحان المستوى راح يطلعون نتيجة امتحان المستوى
تروحين للمسرح الي بالكلية تلقين البنات صافين بالدور ياخذون الجدول كل وحده على حسب تخصصها
جيبي معاج اوراقج لا تنسين
يعني بطاقتج المدنيه واوراق الكليه الي عطوج اول ما قدمتي

 

[Anestazya]

لاحبيبتي انا 3 سنه بالكليه بس بسأل انا ماسجلت حق الكورس الاول متى اسجل؟؟؟

 

[~Rou7~]

http://www.paaet.edu.kw
هذا الرابط مال موقع الكليه

 

[~Rou7~]

لاحبيبتي انا 3 سنه بالكليه بس بسأل انا ماسجلت حق الكورس الاول متى اسجل؟؟؟

sorry عبالي مستجده
دوامنا راح يكون 4-10
راح يحطون مواعيد التسجيل بموقع الكليه دشي بالباسوورد واسم المستخدم مالج وراح يحطون الوقت
انا دشيت مو حاطين المواعيد للحين
بس تسجيلنا اول الدوام اتوقع سحب واضافه

 

[BroKeN GiRL]

4\\10 هالاسبوع كله تسجيل ماكو دوامات معروف سحب والاضاافه محد يداوم

.
.

يعني يبدا الدواام والالتراام 11\10 @@


:؛:d

 

[لؤلؤة الكويتْ]

السلآآآآآآم عليكم ~

 

[ɱêɱȅ^7êĹώά]

وعليكم السلآم يا هلا لولو

 

[لؤلؤة الكويتْ]

هلآآآ بج حبيبتي
ها شفتي اسمج في موضوعي
منور الصفحه هااا
هههههههههههه

 

[el.dl3_kla ana]

هاي بنات شلونكم حبايب قلبي ودي اعرف متى امتحان قدرات انجليزي ومتى تكون المقابله
اللي عندهااا خبر بهالشي او معرفه تقولي .... واذا رحت المقابله او حق الامتحان
شنو اخذ معاي يبون ارواق شي جذي ...ومدة امتحان القدرات جم مدته واسئلة امتحان القدرات
شلون نظامه ؟؟؟؟؟

بناااات بليز ابي وقفتكم معاي لاني مستجده وما اعرف ولا شي ..؟؟؟
وما اعرف شي عن سوالف الكليات لاني اكبر وحده من خواتي ...؟؟؟

 

[لؤلؤة الكويتْ]

الدلع كله انا

قبل انا سآآآئله مس سمووره عن تخصص الانقلش
وماشاءالله قالت لي كل شي عن التخصص وامتحآن
القدرآآآتـ ,, بس للأسفـ مانقبلت بالانجليزي
انقبلت بتخصص ثآآني

وهذااا كلاآآمها حافظته عندي في المسودات ونسخته لج وان شاءالله تستفيدين


مبروووووووووك التخرج
وحياج الله بينا في كليتج التربية الاساسية..
بالنسبة لتخصص الانجليزي
اهوا وايد ممتع بس يبيله جرأه والقدرة على المناقشه
لأن في برزنتيشن وشرح بالانجليزي
الامتحانات ماقدر اقولج سهلة
كل واحد ومستواه وكل دكتور يختلف عن الثاني
بس اهيا بحدود المتوسط
موصعبه ولا سهلة

امتحان القدرات الكل يدشله بس يعتمد على الكلمات و(القواعـــــــــد)
وتقريبا كله اختياري بس دقيق وايد ويبيله شوية سرعه
لان الوقت قصير والاوراق اللهم زيد وبارك

المقابلة اهيا اللي تحدد كل شي
ما اخوفج منها بس الاغلبية يسقطون فيها
ادشين مكتب فيه دكتورين او دكتور ودكتوره
وراح ينرفزونج ويحرجونج بنظراتهم بس خلي الوضع
عــــــــــــــــــــــــادي
يسألونج :
اسمج ؟!!
عمرج ؟!!
ليش اخترتي اللغة الانجليزية كتخصص ؟!!
شتسوين اذا انقطيتي بمدرسه الصبيان والكلاس كله مشاغبين ؟!!
تقرين فقرة من كتاب من عندهم ويسألونج عن معاني الكلمات واذا كانت جمع شنو مفردها والعكس
أو
يخلونج تشرحين اي قاعده من قواعد الانجليزي

وبـــــــــــــس
طبعا راح يكون عدد البنات واااااااااااااايد
وماينقبل منهم الا شويه

شدي حيلج وخلي عندج ثقة وانتي تتحجين
ولا تتسرعين بالاجابات اخذي وقتج
وموفقه

 

[[PINK]]

بنات شسالفه موقع الكليه انا صارلي جم يوم ادخل ابي اشوف متى موعد السحب والاضافه
بس الموقع معلق مو قادره ادخل اليوزر نيم والباسورد؟؟؟


فــي احد نفســي؟؟