بناااااات الفنانه طالبتكم اتواسونها واتريحونها تكفوووون

[الفنانه79]

السلام عليكم




اشلونكم بنات




الله يسلمكم انا طبعا قاعده اراجع علشان احمل



المهم ان دكتورتي عطتني الابره التفجيريه يوم الاربعا12-12


والحين تنزل علي افرازات تكرمون (بيضااااا)


وعوار مثل النقزات اخر بطني


وعوار ظهري يروح ويرجع


ونفس العروق اتعورني بصدري



ومااقدر احلل الحين وماادري اذا حامل ولا لا؟؟


وبكلا الحالتين الحمدلله والشكر انا عندي اعيالي اسم الله عليهم عمرهم 3 سنين ونص


بس اخر مره حسيت اني تعبانه وبعدها يتلي الدوره بس منو بنات صار معاها جذي واطلعت حامل اتطمني



واتهقون اسوي تحليل باجر يصيرلي 10 ايام ولا اصبر وانطر والله كريم ؟؟؟؟




بنات تكفون ريحوني وطمنوني لاني حيل نفسيتي تعباااااااااااااااااااانه

 

[رفرف]

لا اتعبين نفسيتج حبيبتي ولا شي اذا مو هالشهر انشالله اللي عقبه توج صغيرة لا تحاتين ترى النفسية اتأثر ..

وانتي تستاهلين كل خير والله قبل لا اقرا موضوعج طريتي على بالي (قاعدة اسوي اكله من اكلاتج ) ودعيتلج وييت شفت موضوعج ..

وانشالله تكونين حامل هالشهر لا اتحللين الحين
ذكرتيني لما كنت ابي احمل حللت امبجر طلع ماكو شي تأزمت تالي تأخرت علي الدورة وطلعت حامل بنفس الشهر لا اتعبين نفسيتج ونطري والله يرزقج بلي اتمنينه ..

 

[الفنانه79]

ياحبيبتي يارفرف عسى يعطيج على قد نيتج يارب


والله كريم



شنو الاكله اللي مسويتها

 

[الفنانه79]

اشدعوه 11 وحده ولاوحده ردت الا رفرف

 

[QT]

تصبري يا رئييسة قسمنا


ربي يرزقج الذرية الصالحة

 

[هوى الدار]

والله يالفنانه ماعرف بهالسوالف لكن من كل قلبي ادعيلج عسى الله يرزقج ويعطيج الي تتمنينه وان شاءالله باذن واحد احد ما يمر هالشهر الا انتي حامل

 

[رفرف]

مسوية صينية الروستو بالمشروم والخضار واي ادمنتهااااااااااا يامال العافية على هالاكلة العجيبة حصلتي دعوة حلوة بسبتها

 

[الفنانه79]

عليج بألف الف عااااااااااااااافيه ياحياتي (رفرف)

مشكورين بنات على ردودكم ياحياتي ماقصرتوا على المرور

 

[مظلومه ياناس]

يارب تفرحينا وتبشرينا بحملج يارب وتكونين فاتحة خير على هالقسم لانه بصراحه من زماااااان ماسمعنا خبر حمل وحده من المتاخرات ...........انشاءالله يارب حامل يااااااااااااااااااااااااااااارب

 

[الفنانه79]

حبيبتي مظلومه الله كريم وان شاء الله انا مع معاج مع بعض انحمل


اشدعوه واااااااااااااايد بنات ادخلوا حتى مافي ردود للموضوع

 

[الغاليه نونو]

يامال العافيه وعسا ربي يرزقج بالذريه الصالحه ويعطيج علي قد نيتج ياقلبي انشاء الله وبإذن الواحد احد تكونين حامل وتبشرينا بس صبري جم يوم وتالي حللي وخليج قنوعة باللي يكتبه لج رب العالمين احمدي ربج واشكريه بكل الاحوال وماعليج الا العافيه

 

[الفنانه79]

يعطيكم العافيه على المرور


والحمدلله

 

[Dloo3at^Ahaly]

روحى يالفنانه يابنت الاجاويد ان شاءالله باذن واحد احد انتى حامل هالشهر واذا مو هالشهر الشهر الياى بالكثير ونفرح بحمالج كلنا بالمنتدى وتيبين بنت ونزوجها حق ولدى ترا ها احنا بس اندز عشرة الاف اكثر مانعطى

 

[الفنانه79]

هههههههههههههههههههههه


ياحلوج يابنت اهلي

حبيبتي والله بس مانرضى ترى مهرنا خمسين الف وسيارة مرسيدس وفيلا على البحر

 

[foozia_87]

الله كريم ويرزقج باللي يشيلونج تالي عمرج ان شاء الرحمن وننتضر منج الابشاره
وصدقيني اذا كانوا خير لج ولابوهم ربي يكتبهم لج

 

[Dloool_q8]

الله يرزقج ان شاء الله

 

[ذكريات]

صبري شوي لا تسوين مبجر و تطلع لج القراءة خطا و تتازم نفسيتج اكثر

ترى انا بولدي سويت التحليل قبل الدورة ب 3ايام في مستشفى و طلع لي مو حامل مت من البجي

 

[أم الطيب]

ادعي بهالايام الفضيلة ان الله يرزقج ويرزقني قولي ااااااااااااااااامين

وان شاءالله تبشرينا حبيبتي بحمالج
ويخليلج ولدج بعد

 

[لولي**]

الله يرزقج ويرزق كل محرومه
ويخلي لج اللي عندج
والله مااعرف بهالسوالف
لانه لسه بنت بس دخلت ادعيلج

 

[*سكون*]

حبيبتي الفنانة وينج من زمان فاقدينج من غير شر

لا تحاتين ترا طول ما تفكرين بالحمال تحسين بأعراض الحمل عادي ساعات يكون نفسياً وساعات صج تكونين حامل وان شا الله يا رب حامل .. بس عموما انا مرة عطتني الدكتورة الابرة التفجيريه وصج تعبت وحسيت بأعراض نفس أعراضج

الله كريم ويرزقج بنوته حلوة تفرحج