بنااااات امريكاااا ... Come Here Plz

[فراولة^فوشيا]

هااي بنات شلونكم

انشالله هالسنه اخوي راح يتخرج من الثانويه وانشالله بيدرس في امريكا

واحتمال في منطقه اسمها روشستر (اذا سامعين فيها ؟) في نيويورك

واحنا راح نروح معاه منها نشوف امريكا اول مره ومنها نشوف مكانه ونتطمن عليه ،، واحتمال بعد نروح واشنطن عشان السفاره واتحاد الطلبه وهالسوالف

انزين اذا بنقعد في نيويورك شنو احسن الأماكن ،، الفنادق او الشقق

خاصه ان راح نقعد شهر ف اتوقع بنقعد بشقه

وشنو المجمعات وهل يفضل نأجر سياره والا نقزرها تاكسي عادي ؟؟؟

 

[bnt q8 in usa]

اول شي الله يكون بعونه وبعونكم علي نيويورك لانها غاليه نار
يعني اذا بحصل له شقه غرفة وحمام مكرمه ومطبخ يطلع اجاره فوقه 1300$ اذا مو اكثر وايد غاليه .......................وانشالله تحصلون ارخص

الاماكن عندج منهاتن عجيبه المولات احاول اجيكلج انشالله واعطيج خبر
تأجرون سياره طبعا افضل شي لانه التكسي بينهبكم

والله يوفقه يارب

 

[فراولة^فوشيا]

بعد قلبي Dalo3a in Texas و bnt q8 in usa

تسلموون

ايه والله سمعنا ان نيويورك حدها نار شنسوي بعد يحن على امريكا الله يعينا

شسم المول الكبير في واشنطن وباجي المولات

ناطرتكم :eh_s(8):

 

[MyLittleBerry]

امريكا يبيلها فان وخريطه مثل مااحنا سوينا شرينا فان وسافرنا من ولاية تكساس لي كاليفورنيا بالسياره طبعا امريكا اذا رحتيلها مره تبين تروحيلها كل مره شي خيالي

 

[rawona]

الله يوفق اخوج انشالله ويسهل امره ... ليش اختار نيويورك؟ في ولايات وايد احسن وارخص؟ واذا يبي شي يم واشنطن دي سي في فيرجينيا ووست فرجينيا اقراب يم دي سي ..

على العموم مثل ماقالوا الخوات يبيلكم سياره ليش امريكا لازم سياره وانشالله تلاقون شقق ارخيصه مثل ماقالت بنت كويت ان يو اس اي غرفه وصاله وحمام ومطبخ فوق ال $1000 دولار ..
والله يوفقه انشالله ويرده لكم سالم :eh_s(8):
​

 

[فراولة^فوشيا]

مشكوووريييين بنات ما تقصرووون

والله اهو قدم على كذا جامعه ويقول هذي احسن وحده انقبل فيها

انزين اذا انا بسوق هناك لازم اطلع رخصه دوليه ؟ ماتدرون من وين؟؟

و هم في سؤال بعد اذا بنتنقل بكذا ولايه غير نيويورك وواشنطن اشتنصحون فيه وشنو احسن الفنادق

مادري ليش خايفه من امريكا احس مو متشوقة لها

 

[انا كويتية]

امريكا روعة بس بكل ولاية وخري دايما عن الداون تاون او وسط المدينة ... وفي نيويورك بس روحي الفيفث افنيو وهو شارع التسوق وكل شي تبينه فيه وكل ماركات العالم حتى المحلات department stores مثل ساكس فيفث افنيو ...يلومينغ ديل وغيرها
وواشنطن فيها مول كبير خبري فيه من زمان اسمه تايسون كورنر على بعد نص ساعة تقريبا من الداون تاون

 

[فراولة^فوشيا]

ثانكيوووووووو انا كويتيه

الله السالفه فيها سوووق

 

[mrmr mrmora]

الله يوفقه اخوج إن شاء الله وإن شاء الله تستانسون بأمريكا

نيورك حلوه وايد رحت لها بشهر 10 وحضرنا مؤتمر إتحاد الطلبه الكويتين وقعدنا فيها 4 أيام

ومثل ماقالو البنات وايد غاليه والسوق يهبل وكل الولايات فيها نفس المحلات

ويتراوالي إن أجار السياره بنيويورك صعب لأن شوارعهم اتضيع ومواقف السيارات غاليه بس إذا بره الداون تاون أوكي

وواشنطن وايد حلوه بعد والمجمعات إللي قالو عنها البنات اسمهم تايسن 1 وتايسن 2 حلوين وفيهم كل شي

السياقه بواشنطن سهله وبعدين الاندر غراوند سهل

والفندق يتوقف على أنتوا شنو تبون يعني لما كنا بروحنا أنا وزوجي كنا ناخذ الفنادق الكبيره بس يوم يبنا عيال ندور الفنادق إللي تصير سويت صاله وغرفتين ومطبخ وايد عجبنا ماريوت الرزدنس إن

وإذا عندج أي أسئله ثانيه إحنا بالخدمه

 

[فراولة^فوشيا]

حبيبتي مروموره مشكووووره ما قصرتي

كفيتوا ووفيتوا بنات بس بغيت اسأل بعد عن غير السوق ابي الأماكن السياحيه

وانشالله كل ردودكم راح اسجلها

 

[mrmr mrmora]

هلا فراوله

هذا السايت الرئيسي مال نيويورك وفيه عن السياحه والأماكن الرئيسيه
http://www.nyc.gov/portal/site/nycgov/menuitem.e2a1b26d9be35ff6a62fa24601c789a0/

وهذا موقع سياحي عن نيويورك
http://www.iloveny.com/

وواشنطن فيها اماكن أكثر للسياحه وتقدرون أتروحون الوايت هاوس وقروبات سياحيه
أحب واشنطن وايد

 

[mrmr mrmora]

وإذا اباكم ولايات ثانيه قوليلي لأنه إحنا مفترين بأمريكا ويمكن اكون زايره الوالايه إللي بتروحون لها

 

[كشموووشه]

حبيبتي بس بغيت اوضحلج شغله يمكن تفيدج ترى روشستر تبعد عن نيويورك وايد وتروحيلها بالطياره وروشستر راحلها زوجي مع ابوه للعلاج بشهر 12

 

[فراولة^فوشيا]

يسلمووو قلبووووووو
مشكوووووره مرمر على السايتات حلوه

كشموووشه
هلا والله
تصدقين قال اخوي ترى تبعد عن نيويورك سيتي
نروح لها بالطياره او قطار

والله تصدقون شكلنا حدنا ضايعين بالطوشه ماندري وين بنروح ماندري متى بنسافر

اول شي اخوي ينطر لما يخلص امتحانات عشان يروح حق التعليم العالي شهر 6 يعطيهم الشهاده ويقدم على منحه
ويقولون التعليم العالي يطول على ما تطلع نتيجة البعثات
ومايندرى في بعثه والا لأ لول الله يستر على هالخبه عسى بس يقبلونه

ماندري يبيلها تخطيط اكثر
الناس صكه على الحجز خاصه بالرجعه كل من بيرجع شهر 9 قبل المدارس ورمضان

 

[irresistible]

walla al banat ma gasarow but new yourk its to expensive we are in pennsylvania about 1 hore frome new yourk its very nice specially manhattan we went last month it was nice dont panec you will finde alot of malls there just search in the web site by the zip coad its more easier

 

[فراولة^فوشيا]

thaanx totaaa
yeah they told me about manhattan i listed down
what other states close to NYC??
they said las vigas is not too far and we must see it

i think i have to take a look on US map lol

 

[فراولة^فوشيا]

ثاااااااااانكس دلوووووعه

اذا جذيه خوش سهاله ،، قالولي لازم مكتب مادري وين صاير مكانه جنه بالخالديه اسمه K T ??

بس اذا بالسفريات زين

مشكووره عمري

 

[mrmr mrmora]

هاي فراوله

أنا أسوق بالإجازه الدوليه وأضمن لج من الإجازه الكويتيه لأنهم مرات يصيرون عسرين وجنه مكان الكي تي بالخالديه

ونيويورك واااايد بعيده عن لاس فيغاس بس لاتطوفكم لانها صج حلوه ووناسه، الفنادق أشكال وألوان عالم ثاني

 

[D.asmaa]

الله يعينكم على نيويورك غاليه ووايد سود وجرايم بس الجامعات فيها قويه شنو بيدرس اخوووج؟؟

 

[D.asmaa]

وبالنسبه للسياقه وايد صعب بنيويورك يعني احنا لما وصلنا صفطنا سيارتنا بالباركنج مال الفندق وكان اسمه (( hudson )) وما طلعناها الا حق الروحات البعيده مثل (تمثال الحريه ) والمولات البعيده بس التسوق ما ينفع الا مشيا على الاقدام مانهاتن وايييد زحمه ما تقدرين تسوقين فيها روحي بعد منطقه اسمها ((سوهو)) هذي احسن منطقه حق التسوق محلات تخرع من الشي الي عندها وروحو الحي اليطالي والحي الصيني يعني في وااايد اماكن بنيويورك اما واشنطن وااايد حلوه توني راده منها وتقدرين تستخدمين الاندر جراوند بالتنقل سهل