بنااااات لحقوني .. ماني عارفه شسوي ؟؟!

[يا رب]

تقبل الله طاعتكم مقدماً بنات ..

أنا قلت محد بيفيدني ويساعدني وينقذني إلا بنات كويتيات .. تكفووون بناااااااااااااااااااااات

عرسي تحدد 15/9 .. وأنا للحين مااااااااااااااااااااااا شريت أي شي ولا جهزت ولا حجزت ولاشي ولا شي !!

ماني عارفه شسوي ولا وين أروح ؟؟!

امبيه صج وهقه .. عساكم ما تتوهقون نفسي :rgewrg:..

ألحين بنات بليييز اللي عرسها جريب ومخلصه تجهيز بليز تفيدني وتساعدني وتنصحني شسوي

كلكم بنات ادري ما تقصرون معاي


شنو أبلش اشتري ؟؟

أنا بجر أمي والكبيرة وأول عروس من جذي ماكو خبرة مييييييييح ..

من وين أحجز نفنوف العرس ؟ زياد انطوان ولا رشا شيك !!

وين احط الميك آآب والشعر .؟

والمصورة .. في مدحولي الفيصل أحد مجربه ؟؟ شنو تنصحوني ؟؟

والمسكة من وين !!

وباجي التجهيز ببجي لوول !!​

 

[ترانيم انثى]

البدله البيضاء روحي رشا شيك ولا زياد ولا هيثم ..البرجوازي ..ماي بوتيك..شادز
المهم اختاري اللي يعجبج..والتصوير عندج معرفي وفوتو جيت روووعه
الميك اب شوفي رشا ولا حنان دشتي ولا ساس على حسب ذوقج

 

[!الجادل الصعب!]

الله يعينج يا قلبي كسرتي خآطري يا قلبي ..

انتي سويليج جدول وان شالله آمورج بتمشي تمآم ان شالله ..

والبنات مآراح يقصرون ..

 

[غير كل الناس]

الفيصل الكوش والتزيين اوكي بس التصوير فاشل

 

[شذى الحب]

حبيبي لا تنسين تروحين اي صالون تحجزين تقولين لهم ابي برنامج عروس

عندج حمام مغربي شيره منيكير وبدكير

الله يوفقج بس لازم سألتي من زماان حرام عليج مابقى شىء

 

[يا رب]

ترانيم انثى ..

مشكورة حبيبتي .. ميك آب رشا قالولي ناااعم .. وأنا صراحة أحب الناعم ماحب الاوفر .. ورفيجتي تنصحني بكونتينتال مادري شرايكم فيه .؟


الجادل الصعب .. تسلمين حبيبتي ادعيلي بالتوفيج .. سهالات


غير كل الناس .. مشكورة عالمرور .. ادعيلي ..

شذى الحب .. زين ذكرتيني مو حاطه ببالي كلش .. شتنصحيني أي صالون .؟ الشرقية زين ؟!

 

[هيبة ملك]

ولاتنسين تجهزين روحج مكيايجج عطورج

قمصان النوم

حددي كل يوم خليه لشئ

وإن شاء الله بعينج

أنت بس لاتوترين

 

[غلا جابر 2010]

رد : بنااااات لحقوني .. ماني عارفه شسوي ؟؟!

حبيبتي انا بعد عرسي بنفس التاريخ
شوفي قمصانالنوم روحي السندس في محل تحت بالويه اول ماتنزلين من الدري واايد حلوه بضاعتهم بس لاتكثرين .. بجايم عندج لاسنزا - ومن سيكرت واخذي من بو دينارين اللي بالسالميه جبال ماركس اند سبنسر حق ايام الدوره

العطور الفرنسيه : اخذي 5 مع الكريمات - العطور العربيه انا اخذت من اجمل والعربيه ومسك العروس من القرشي مهم

روحي القاسم اللي بالمهلب واخذي قميص نوم اول ليله حلوين وارخص من اي مكان ثاني ولاتنسين النعال اخذي منهم بعد وارتاحي سعره تقريبا ب 10

الجناط والشيلات اخر شي ولا تكثرين والله اخذي الضروري والاساسي لان انتو مو مهاجره والموضه تتغير كل يوم

ولا تحاتين مادري اذا انتي بشقه بروحج ولا مع الحموله قوليلي عشان افيدج

 

[يا رب]

هيبة ملك ..

حبيبتي مشكورة .. ادعيلي .. أنا توترت وخلصت ماني قادرة اركز

غلا جابر .. بعد عمري ألف ألف مبروك .. الله يتمم علينا بالخير يارب .. ومشكورة عالنصايح وبروح اشوف القاسم اللي بالمهلب هالليله بروحها يبيلها اسبوع

 

[يا رب]

غلا جابر .. أول اسبوعين مع الحمولة بنفس البييت .. بعدين بيسافرون بنتم أنا معاه بس ؟

انزين الدراريع شتنصحيني وين اروح ؟

والنفنوف بعد حجزتي ؟؟ وعند منو؟

ومتى تبلشين برنامج العروس ؟

 

[**القلوب المسافرة لله**]

رد : بنااااات لحقوني .. ماني عارفه شسوي ؟؟!

هلااا حبووبه
انا هم نفس اليووم سهاااالااااات
ثوووووبج ركض زيااااااااد انطوااان
مكياااااج لا تفكرين الا بحناااااان لا تحطيني صارخ تهولين بعمرج وتيطلع شكلج غير عن الليل بعدين ويخترع الاخ.....

اليووووووم:::كثوب العرس **المعاااارض فصلي لج بدل ودراااريع**حيييل مهمه هالنقطه**
خلي القمصااان والعطور والكوشهوالمكياااااج والبجاااامات بسبووووع تخلص بس الثوووووب حيل حيل متاخره

 

[يا رب]

القلوب المسافرة .. اممم حدي محتارة بالميك آآب شرايج بكونتنينتال .. انا ما حب الاوفر والصارخ كلللش !

والنفنوف ناويه اروح اليوم لزياد .. بجم نفنوفج اشتريتيه ولا اجرتي لأ يقولون غالي ؟ رحتي فريتي وين ؟

 

[al-musk]

روحي البرجوازي حق نفنوف العرس
والردرايع روحي الأوقاف خذيلج 5 كشخة من رانيا واليشمك والي حواليهم ..و5 نواعم حق نزلة البيت تحت عندهم...

قمصان النوم المهلب والسندس بيكفون ويوفون..

والعبي هم روحي مغاتير بالفروانية وتلقين كل شي..

البدل ..خذيلج جم بدلة كشخة وستايل من الغرشوب بالفروانية مشغلها وستايلها حده راقي

وهذا رابط موضوعها بالمنتدى

http://www.q8yat.net/showthread.php?t=594567

والله يتمم عليج ولاتحاتين مدام في فلوس كل شي يجهز بسرعة باسبوعين ونصيحة مري جاشنمال برج حمود بالديرة او المثنى واشتري جنط وبسرعة الي تشترينه صفطيه ورتبيه وحطيه والي يبيله مصبغة على طول طرشيه..

 

[عنود المهـــا]

حبيبتي اذا تبين نصيحتي روحي هالاماكن لنفنوف العرس ( زياد انطوان _ لابرجوازي _ انجلوس )

اما المكياج ( حنان دشتي ) اذا تحبين الناعم

واذا عالمكياج والعطور والبجايم وقمصان النوم بأسبوع تقدرين تخلصينهم بس أول حجزي البدله عشان ترتاحين نفسيا

 

[كبـــريـــاء]

البنات ما قصروا

 

[Dr.Nouf]

واي حياتي الله يعينج ،



شوفي رئيسة القسم عندها جم موضوع مفيد حيل اتوقع بتستفيدين

واهم شي سجلي كل شي وخشي الفواتير اب ظرف + لاتضييعين وقتج كلش

وبالتوفيق

 

[نونا الفل]

ويييييييييييييييييييييه صج وهقة العروس يبيلها وايد وقت حق التجهيز ع العموم شوفي يا قلبي اول شي حجز الصالون والنفنوف روحي لابورجوازي النفانيف وايد حلوة وراقية وبالنسبة حق الصالون يم الاتيليه اكو صالون لابورجوازي بعد حطي المكياج عند سارة شغلها ناعم ويهبل صج مكياجها عجيييييييييييييييييييييب حق العرايس والتصوير حنان شيك واذا تبين اي شي سأليني يا قلبي ومانصحتج الا بعد تجربة وانشالله اكون فدتج

 

[انثى اسطورية]

اناا اقول انج تبدين بالبدله البيضه اول شي وتسوين لج جدول بالباقي عرفتي وموفقه يا رب حبيبتي

 

[آلبرنسيسه]

ياقلبي والله حاسه فيج انا عرسي معاج بنفس اليوم ومن شهر ونص بلغونا وكنت حدي متوهقه لي يومج هذا لا مسكه ولا دي جي ولا ميك اب خليها ع الله
بس شووفي اللانجري خلي له يوم
تطلعين من الضحى للافنيوووز وخلصي اللانجري كله من قمصان ولبس شقه
وبدلة العرس خلي لها يوم روحي لشاادز خطيييييييير خطييير والبرجواز حددهم عجبوني
والصالون تدرين لحد الحين ماحجزت بس احتمال يا لبريجيت او كونيتننتال عند تانيا ميك ابها حده نعوووووووم والوانها حلوه
مممممم الله يعينج شلون يمديج ع البدل والدراريع؟؟ الله يفرج لج يااارب من عنده ويهون عليج وييسر تجهيزج
انصحج اذا تقدرين تروحين الخبر بنااات والله خطييييييييييييييره انا يوم رحت وزعت اغراضي اللي شريتها من الكويت:/
روحي لنكتار والعطورات بيوم بس حطي في بالج كل يوم محسوب عليج يعني ماتردين الا منجزهولج دعواتي وان شاء الله البنات يفيدونج ياارب

الله يتتمم لنا على خير ويوفقنا وييسر امورنا

همسه>>>>>اللي يقول المعاريس اثنين والمجانين الفين غلطان ومليون غلطاااااااااااااااااااااااان الا المعاريس اهم الي يصيرون مجانين

 

[هاكونا ماتاتا]

حبيبتي أول شي أحجزي المصوره و الصالون لأن عرسج ما بقى عليه شي فلازم من ألحين علشان تلقين حجز بتاريخج

و بعدين إبدي بالتفصال إذا تبين تفصلين لج بدل أو دراريع لأن ياخذون وقت

و بالفتره اللي تفصلين فيها و تنطرين لين تخلص بدلج أو دراريعج

روحي للسوق و أشتري من بدل و بجايم و قمصان و إكسسوارات و الألتكرونيات (( أستشوار - استريتر - إلخ )) و عندج تكرمين مداساتج و ملافع و عبي و الذهب لا تنسينه و متى ما شفتي الذهب نازل على طول روحي أشتري لا تغلطين غلطتي كل يوم أقول بينزل أكثر و أشتريت ذهبي بوقت مرتفعه فيه الأسعار لأن خلاص مافي وقت

يعني الباجي إن شاء الله سهالات بس أنتي رتبي أفكارج و قسميها على أيامج و أنوي تروحين و تبين تشترين و تخلصين مو تتفرجين ماراح تخلصين جذي


و بالتوفيق حبيبتي