بنااااات لحقوني .. ماني عارفه شسوي ؟؟!

[آلبرنسيسه]

حياتي والاهم من كل التجهيز التوفيق والدعاء في هالشهر الفضيل
فترة الليل صلي التهجد وادعي بالتوفيق والتيسير وشوفي توقيعي والله الدعاء مافيه منه يسهل امورج باذن الله وكثري استغفار واقري سورة البقره
ورتبي افكااارج بورقه والله ييسر امووورج كلها ويفرح قلبج ويهنيج

 

[يا رب]

بنات تسلمون لا خلا ولا عدم .. ماقصرتوا والله رفعتوا معنوياتي والله ..

اشكركم كلكم نك نك والله يوفقكم و يعطيكم وييسر لكم كل صعب يارب

 

[كرز حالي.]

رد : بنااااات لحقوني .. ماني عارفه شسوي ؟؟!

الله يعينج بس سهالات كل يوم احجزي شي
لاتقعدين بالبيت ولاااااا يوم

 

[Moddi]

جوا حبيبتي بالنسبة للصالون سمعي نصيحتي روحي رشا شيك الي بالسالمية او لمسة فن الي بالرقعي وبالنسبة للتصوير عندج العروسة للافراح شغلهم وايد مرتب ومسوين عروض رمضانية حلوة اسعار بالارض والمستوي راقي كلميهم وشوفي شغلهم تليفونهم :55555801-60664999 بالتوفيق حبيبتي

 

[L A T T E]

الدراريع والبدل لا تكثرين.. و روحي مثل ماقالوا للاوقاف شغلهم حلو .. و روحي العربيد اخذيلج دراريع للغدا =)

و اشتري مكياج من الحين.. والحمر والشادو لاتاخذين من نفس اللون شيين.. و روحي المنصور وخمي.. و اشتريلج 3 عطور فرنسية و 2 عربية و دهن عود و بخور و مسك للجسم..

و روحي سوق الديرة اشتريلج بجامات و تكرمين دلاغات ..

ولا تنسين الملافع و القبعات.. ونصيييحة الملافع لا تاخذين اسود الا واحد بس.. السود الباجي اللي يكونون مع عبيهم.. و كثري الملون بينفعونج.. اخذي رمادي و بيج و بني "هذول اهم 3 الوان"

و اشتري اكسسوارات علشان لا تتوهقين.. و اخذيلج 3 ساعات وحدة ذهبية وحدة فضية و وحدة من اختيارج..

و اشتري ماسكرا تحافظ على الرموش في انواع وايد مفالا و غيرها.. و استخدمي الخلطة الصابونية وايد زينة..

و حاولي تتعودين تحطين زبدة كاكاو وردية قبل لا تنامين يوميا.. و حطي فازلين على ريولج و لبسي دلاغات..

و حطي دهن على شعرج علشان يلمع.. وقصي اطراف شعرج بيوم 14 - رمضان

و الله يوفقج و يسهلج كل شي يااااارب

 

[ابتسامة نثيه]

رد : بنااااات لحقوني .. ماني عارفه شسوي ؟؟!

يااااحرررام واللة كسرتي خاطري
شوفي اول شي بلشي بالنفنووووف والمسكة والمصورة وحجز الصالون هذولا خليهم يوم واحد كامل وادري انج بتتعبييين
روحي رشاشيك ولا عواطف الحاي اختاري النفنوف الي يعجبج وروح اختاريلج مسكة تعجبج والمصورة اتصلي عليها عطيها العربون واخلصي منها ويبيلها حجز اصلا من الحين واحجزي صالون انتي عروس لازم مكياجج فخم روح لكونتينتال ولا ساااس
وخلي ثاني يوم للدراريع والعبي فصلي 3 اعبي لاتكثرين وحدة كتف ناعمة لاطلعتي معاة مطعم ووحدة كتف كشخة كشخة حق العروس الي من جماعة زوجج والثالثة راس لاسيرتي ع خواتة ولا بنات عمة عشان تبين لبسج وكشختج من تحت العباية والدراريع لازم لج ع الاقل 7 دراريع كشخة و10 عادية من العربيييد
والملافع روحي للروضان اشتري 2 ام سير وحدة فضية ووحدة ذهبية
وبجذي خلال يومين انشاءاللة اتكونين امخلصة نص التجهيييز
ثالث يوم خلييية القمصان والبجايم روحي للمهلب وانتي مغمضة القمصان والبجايم عندهم كشخة وماااركة وحلوة اشتري قمصان ع الاقل 15 والبجايم لاتكثرين 10 كاااافي واشتري طبعا معاهم الرووووب والعطورة الي موجودة بمحلات البجايم والقمصااان
ورابع يوم خلية حق المكيااااج والعطور العربية والفرنسية والبخووور ودهن العووود والاكسسوارات والساعات الماااركة بس باليوم صج بتتعبييين حدج
وخامس يوم خلي حق الكعب والجناط 7 كعب وركبي معاهم 7 جناااط
وملابس الشقة لاتكثرييين واجد لانة السوق ماراح يطييير
والذهب نااااااار صاعد لاتفكرين تشترين اذا محظوظة انتي يكون عند امج وخواتج ذهب اخذي ولمعية واشتري طقمين فضة ارخص وارقى واحلا
واللة يعييينج
بس العروووس لازم اتجهز من ملافع الشرقية روحي واشتري من ملافعهم الكشخة والطبية شغل عجييب

 

[شـيـخــهـ الزيـنـاتــــ }..]

الله يعينج

 

[مدام زيزو]

رد : بنااااات لحقوني .. ماني عارفه شسوي ؟؟!

امبيه ماكو وقت من امه؟؟
شوفي اخذيلج اطقم ماركات فندي بربري او ديور جناط كشخي فيهم
واخذي لج نفنوف عرس حلو وكشخه
قمصان النوم 15 حبة اخذيهم من بنات المنتدى اسعارهم حلوة
اخذي لج بدلتين سهرة كشخه
واخذي ج بدل طلعه او قمصان كشخه من المعارض

 

[زهره الجلنار]

البنات ماقصرو
عسى الله يوفقج ويهنيج يارب