بناااات صج بصير زلزال بامريكا ؟؟؟؟؟

[Om_Ksha]

سلااااام
شلونكم بنات ،
حييييييل ضايق خلقي توه قريت خبر انه السفاره ااكويتيه تستدعي مواطنيها بلوس انجلوس ، ،
الحين شسالفه ؟ يريت احد عنده الخبر اليقين يطمني سفرتنا انشالله اخر الشهر على كثر ماحنيت بصير جذي

الحين مادري هل لو الخبر صحيح ومانروح صوب لوس انجلوس يحوشنا شي ؟

مممم الحين افكر ابديره ثانيه بديل شنو مادري يريت مغتربات امريكا يطمنوني



وشكرا

 

[قيم واخلاق]

الله يستر بنات عفيه اللي تعرف عن تكساس هي وين بالضبط شرق اوغرب الولايات ولدي يدرس هناك الله يحميه ويحمي عيال المسلمين كافه آمين

 

[a woman on top]

تكساس جنوب امريكا و بعيده عن البحر

 

[ريف الخفوق]

رد : بناااات صج بصير زلزال بامريكا ؟؟؟؟؟

الله يستر زلزال اليابان غير محووور الارض

الله يحمي المسلمين

 

[law love]

الي اعرفه انه الكويت اطلبت من رعاياها الابتعاد عن المناطق البحريه

الله يسهل اموركم ان شاء الله

و يحفظ الكويتين الي هناك

 

[om-3bood]

ana b usa w el7mdelelah maku ela al3afya

 

[bint_looda]

ان شالله ماكو الا العافيه

 

[كلي حلاوه]

أمبيـه .. أنـآ شفت على العربيـه [[ مقاطع بعد زلزال اليابان ]]

بس مـآ أدري عن أمريكـآـــآ =(

 

[Om_Ksha]

ام عبودي طمنيني وين الاماكن اللي فيها اعصار يعني مانروح لوس انجلوس نقزرها بنيويورك واللي حولها ؟ بس احس ملاقه اهم الاماكن هذاك الصوب

 

[&موناليزا&]

انا مسافره لها بالصيف
بس اذا يبي يصير زلزال يمكن يصير هالشهرين

 

[Laidy n3ooma]

رد : بناااات صج بصير زلزال بامريكا ؟؟؟؟؟

الله لايقووول

اخوي هناك يدرس


الله يحفظهم

 

[مزيونة الهيلا]

تابعي الاخبار وبتعرفين بس الزلازل قالو صوب الولايات الي قريبة من اليابان يعني ممكن يحوش لوس انجلوس والعلم عند الله

 

[Om_Ksha]

وييه انا مادري عن الاخبار خييييييير شر !!

بس امس ريلي يقولي كاتبين بالشريط انه امريكا متخوفه من الاشعاعات لا توصل لها !! فمايندرا

 

[فـراوله]

أم كشه ان شاءالله ما في الا العافيه

الله الحافظ ان شاءالله


​

 

[Om_Ksha]

بعد قلبي فراوله وينج مختفيه عن التجمع !!

 

[عاشقة-الكفيل]

سوي استخاره انا كنت ناويه على امريكا بس من سمعت عن الزلزال والتسونامي البي بيحوشهم هونت ..

 

[فـراوله]

أم كشه صارلي يومين ما أشبك لاهيه مع ركووون

ودخلت التجمع اليوم ما لقيت احد صخه

مادري اشفيكم مختفييين ​

 

[Om_Ksha]

انا والله كل يوم اطل مالقى احد ويضيق خلقي واطلع ..
وغريبه غلاي صارلها يومين مو شابكه !!


وصح كلامج اختي قاعده استخير والله يسهلها علينا ..

 

[Turquoiseya]

لوووول ام كشة
هارد لك لي ولج لووول
مو انا خططت وجمعت فلوسي ودبرت اموري عشان اليابان ومن الوناسة رحت افرفر على مكاتب السفريات وغيره
لما رديت البيت ولا اشوف خبر زلزال اليابان00 وقلت ابلعها 00 ولا طالعة لهم سالفة النووي واشعاعاته
كان يقول زوجي كنسلي السفرة 00 صج صج جاني احباط قوي وخصوصا اني مابي اروح لاي مكان غير اليابان

 

[Om_Ksha]

اييييييييييييييي عاليااااااااااااااابان حطيتو الفكره ابالي وقلت لريلي قال انشالله عالسنه اليايه بالاخير زلزال !!!!!!!!!!!! هههههههههه صج الحنه مو زينه .. بس من الحين لي السنه اليايه اذا الله احيانا يمكن يتعدل الوضع !! )))