بنااات احلفكم بالله تدخلون .. انصحوني ..!

[al-musk]

رد : بنااات احلفكم بالله تدخلون .. انصحوني ..!

واجهييه اذا تبين ترتاحين ..يمكن كان غاثها ويبيها تسامحه او ظلمها..! بس هي كفو والله قطعت كل شي

 

[انوووني]

انا افضل تكلمينه بهدوء وتفهمين اهو ليش يسووي جذي وشنو يدور من ورآ هالبنت ؟؟

الله يهديه لج ..

 

[hooryah q8]

رد : بنااات احلفكم بالله تدخلون .. انصحوني ..!

حبيبتي لما اتروحين بيت اهلج الشيطان شاطر ريلج يكون ابروحه بالبيت وانتي موموجوده فالجو له ويرجع يكلمها ويدور عليها ويدق عليها .. هذا اهوا السبب بعتقادي

مو لانه للحين يحبها .. وبعتقادي اهوا صادق ابمشاعره لج لما يقولج الكلام الحلو .. اتوقع اهوا يبي ينسي نفسه هالبنت ويبي ينساها ويكمل حياته معاج الي انتي تعتبرين الحين نصفه الثاني ..

اذا العلاقة كانت بينهم ست اسنين الفترة طويلة واخرتها انفصال ترا يبيله فترة لين ينساها ويشيلها نهائي من مخه ويكون تركيزه عليج انتي ..

وانتي ان شاءالله مع الايام راح اتحملين ان شاءالله واتيبين ثمرة زواجكم ( متعوب عليها ثمرة زواجكم ههههههههههههه ) اهني راح ينسى الدنيا وبس راح يجابل هالبيبي ..

انا اقول عطيه فترة ينساها ولا اتشكين وايد ترا الشك راح ايننج ويرهقج وراح يخليج تكرهين القعده مع ريلج .. الله يهديه ان شاءالله وخليه يوعدج لما اتكونين مو بالبيت مايرجع يكلمها او يدق عليها بما انكم تصارحتوا بيوم على موضوع هالبنت ..

الله يهدي ان شاءالله ويسعدكم ويبعد عنكم المشاكل ان شاءالله

 

[قلبي كويتي 22]

فديتكم بنات ماقصرتو بالنصايح الطيبه وان شاء الله ربي يبعد عنكم كل الخيانات والاشياء اللي تضيق الخلق


بخصوص مشكلتي بقولكم اخر التطورات ...

البنت ردت علييه وقالت انها بخير ولايشغل باله وسألته شلونه ..؟ رد عليها وقال ان مرت سنه بينا وكتبت لها اهداء كلمات بمعناه ان كل مازادت الغيبه زاد بحبه

طول الوقت انا ساكته ومبين علي متضايقه من شوي وهو يحاول يفهم ولا قدر ومبين علي معصبه ولما يسآلني اقول مافي شيء خلني براحتي ... خليته يحتار ويشك اني صدته وبنفس الوقت ماقلت له علقته
من شوي راح ينام لان قاعد من وقت وقال تعالي نوميني < شين وقوة عين
رحت انسدحت لين نام ورجعت ولا تكلمت ... المشكله اني ع الصامت ودي اتكلم واصارخ واهاوش بس يخوني التعبيير والسكوت يحرق قلبي شسوي ..!.

 

[بندوله مصدعه]

ياحياتي
الله يعينج
بس حاولي خلاص ماتنامين في بيت اهلج وشوفي شيصير مع زوجج

 

[اشتياق]

والله وانا بنص الاسطر قبل لا اوصل لنقطة بيت اهلج
كنت بسألج صح تلقين هالاشياء لمن تردين من بيت اهلج؟
وطلع ظني بمحله
فراغه ويقزرها
وحاب
يسولف مع وحده يعرفها احسن من انه يتعرف على يديده
لاتخلين زوجج
لاتنامين برا بيتج
لاتخلين له وقت فراغ يدور فيه عالسوالف مع غيرج
خلج حبوبه واكثر طيبه معاه وان شاء الله مافيكم الا الخير:denya:

 

[غروري بطيبتي]

شوفي لما قال تعالي نوميني مبين انه ناقصه حنان
انتي خلاص حاولي تنسينه البنت اللي يعرفها
والعشره ماتهون الا على ابن الحرام
يعني صارله سنه من تركها ماعليج باجر ان شاءالله تولدين بالسلامه ويلهى فيج وبالجاهل
انتي حبيه وقربيه منج حيل
بالكلام بالافعال شاركيه اهتماماته لهيه بكل شي
اشتري ملابس حق البيبي ووريه اذا كان يحب هالسوالف
يعني مو تضغطين حيل عليه وتقولين انا حامل وكبرت مسؤوليتك ترا شكثر ريجيل مايحبون المسؤوليه ويخافون منها فهمتي علي
اهو يحاول يتقرب منج عشان ينساها انتي ساعديه بهالشي
وحلو تصرفج اشوا ماعصبتي عليه وزفيتيه كان متضايق واشوا ماقلبتيها نكد عليه كان حط الحره فيج
خلج هاديه وصدقيني بعد الصبر تفرج باذن الله
والله يريح بالج ويهنيج ويسعدج

 

[ام كوشه منكووشه]

رد : بنااات احلفكم بالله تدخلون .. انصحوني ..!

الله يهديه لج ويسخره ان شاءالله

حبيبتي تنامين عند اهلج وريلج يلعب الشيطاان براسه ويخونج ولا انج تزورين اهلج ولاصار اليلل تردين عند زوجج وماتخلينه برووحه يفكر ويحن للماضي شنوو احسن

حبووبه انتي توج متزوجه وريلج اعترف لج ان كانت تربطه بالبنت علاقه عاطفيه 6 سنين طبيعي يحن لها بين فتره وفتره بس هالشي يعتمد عليج انتي وشطارتج شلوون تشغلينه فيج وتخلينه ينساها

 

[د.شريفة]

رد : بنااات احلفكم بالله تدخلون .. انصحوني ..!

خلاص بروحج عرفتي سبب خيانة زوجج
لما تكونين بعيده عنه .. ويكون فاضي ماعنده من يشغله يبي يشغل نفسه بالماضي ..
والله يحفظه ان شاءالله مايجرب شي يديد
ديري بالج على زوجج وادعي ان الله يصده عن كل هالسوالف اللهم امين

 

[كميثره]

لا تنامين بيت اهلج كلش خليج ببيتج ومسكي ريلج وثاني شئ واجهيه قوليله الى متي بتقص على ترا انا مرتك محد بينفعك غيري ومدام تبيها ليش تزوجتني ؟

والله يعينج ويسهل امورج ياااااااااارب :yaaaaaarb:

 

[شقرديـه عالطل]

الله يعينج والبنات كفوا ووفوا

 

[English.Teacher]

رد : بنااات احلفكم بالله تدخلون .. انصحوني ..!

بنات من جدكم ماتنام في بيت اهلها عشان هالشي

وليش بظنكم ان هالشي هو السبب

تقول لكم البنت كانت حاااقرته وهو ما مل ابد ليين رجعت ترد عليه


الواضح انه يحبها ويمكن بصدها عنه تعلق فيها زيااادة

اذا على كلامكم نومتها في بيت اهلها تبعد زوجها عنها

هذي اللي يحبها بعيده عنه وماترد عليه وبديرة ثانية ومع ذلك يفكر فيها


من كلامك زوجك طيب وماينعاف بس مشكلته انه يحب ويخدعك بالكلام على قولتك

بس يمكن هو مايخدعك ويمكن فعلا يحبك بس مازال متشتت من ناحية حبه لك وحبه لحبيبته الاولى

صعب انصحك بشي لان مالك الا الدعاء وطولة البال والتطنيش

ولا تشككينه بحبه لك

بالعكس بادليه الحب وبيني له انك مصدقته ومصدقة حبه لك

ومصيره بينساها

بس طبعا بيني له انك اذا دريتي انه يتواصل مع حبيبته انك بتقلبين الدنيا وبتتركينه وبتقطينه ولده عليه بس طبعا مجرد تهديد

 

[Petite]

رد : بنااات احلفكم بالله تدخلون .. انصحوني ..!

مقهوره ما ألومج


بس نصيحه لاتنامين بيت أهلج

 

[o0سارآo0]

رد : بنااات احلفكم بالله تدخلون .. انصحوني ..!

الله يهديه ان شاءالله وانتي عليج بقيام الليل ودعاء
وان شاءالله مايفكر بغيرج

 

[حبيبي مالكني]

رد : بنااات احلفكم بالله تدخلون .. انصحوني ..!

حبيبتي انتي بروحج تعرفين الحل
لا تروحين بيت هلج
قعدي معاه
والله يهديه لج

 

[^_^ Coco Chanel]

رد : بنااات احلفكم بالله تدخلون .. انصحوني ..!

حبيبتي لا تشتغلين نفسج بالبنيه ..
شوفي ريلج ..

 

[غدووور الكويت]

رد : بنااات احلفكم بالله تدخلون .. انصحوني ..!

حبوبه الحل بيدج ريلج لا تهدينه بروحه وزيدي عليه المسؤليات وعطيه شوية ثقه مع شوية مراقبه بدون ما يحس والله يهديه ويسخره لج

 

[قلبي كويتي 22]

هلا بنات مشكورين ع النصايح الحلوه والطيبه من قلوبكم الصافيه ...


ابشركم تواجهت مع زوجي وقلت كل اللي بقلبي وخاطري وتفاهمنا ..
هو اللي فتح الباب ع نفسه كان يسولف بضحك ودلع يقول انتي وعدتيني وماوفيتي قصده شغله بيني وبينه عاد انا شفتها فرصه السالفه فيها وعود قلت انت اللي توعد وماتوفي شافني اتكلم بجديه قال متى وشلون ..! وقمت اقط نغزات وكلام وهو يرد كأنه واثق يقول انا اوفي وماجذب انتي غلطانه وظالمتني وجننته بالنغزات لين نشب لي الا يعرف شاقصد ..!
قلت رجعت تكلمها صح ...< سكت شوي وقال كنت ادري انج تدرين بس مابي اتكلم قلت وراضي عادي اني ادري ولايهمك قال اكيد يهمني بس انا مرتاح نفسيا ان انتي بالقلب وهالامور لها اسبابها < عاد اعذار الرياجيل ماتخلص يطلعون نفسهم غصب من السالفه
وكل ماقول شيء يرجع ويقول وربي لو تدرين عن مكانج بالقلب وشنو بقلبي ماشيكيتي لحظه ولاتقارنين نفسج بالبنت هذي ابد وهالكلام قلت بس شلون ترضاها وانت الي تبيها قال انا رجعت اكلمها باوصل لشغله لها شغل برفيجي < شوفو التآليف وعيا يقولي شالموضوع بس علق ع اني اريح بالي ولا اشغل نفسي بالامور هذي واعترف بغلطه وحلف انه ماتهمه وكلام عادي ...

بس اللي مستغربته ان شال الايميل قبل يفتح تلقائي من الجهاز الحين مو مسيفه ولما سآلته بوقتها قال المسن يغثني كل شوي فاتح قلت تيب دام قد كلامك عطني الباس قال تبين اسويله ديليت ابشري بس انج تدخلينه انسي هذي خصوصيه < ماحبيت اكبر الموضوع لان وقتها ماكان لي خلق مقهوره من البنت والسالفه بكبرها

عاد انا عصبت قلت تحسسني اني جاهل لو سكت ومشيت الامور لاتحسب كل مره تسلم الجره اول مره مشيتها بمزاجي هالمره من ربك راح تمشي المره الثالثه ثابته ماراح تلقاني ماني مجبوره اعيش هالوضع بشك وقهر اروح لاهلي وانت رب ولدك وعيش حياتك مو مجبور فيني قال ماراح اتنازل عنج وراح تشوفين وهالكلام الطوييييل بس حسيت ان صج شاريني وهذا اللي ريحني ...

بوقتها تضايقت وسكت وهو جنبي منسدح وساكت بعد اذن الفجر قام طلع يصلي وقاللي صلي وتعوذي من ابليس وهو بيطلع رجعلي وكنت منزله راسي وابجي حسسته شوي بتآنيب الضمير < حريييييم
راح وهو بالطريق دق علي وقال سامحيني وقام يعتذر ويتآسف وقالي نفس ماقالتي الثالثه ثابته < بقلبه للحين
سامحته ورجعت الامور عاديه ولا كآنه صار شيء تريقنا ونمنا والاوضاع رجعت طبيعيه ... الحمدلله


شرايكم صح اللي سويته ولا مفروض اعطيه درس اكبر واخليه يحس اكثر وماتساهل ...!
خايفه اني مشيتها وراح اندم بعدين مدري ...!

 

[تمطاف]

لا اللي سويتيه كااافي و اهوا ان شاءالله ما راح يعيدها ..

 

[بنت الفوزان]

رد : بنااات احلفكم بالله تدخلون .. انصحوني ..!

ما اقول الا الله يهديه