بنااات بسألكم عن ليزر المنطقه الحساسه والكلام اللي طلع عليه

[katkoota90]

السلام عليكم ورحمة الله وبركاته

بنات انا توني مالجه :$

وو من ضمن تجهيزاتي الليزر للمنطقة الحساسه "البكيني"

سألت وايد بنات عنه
نصهم مدحووه ؟ والنص الثاني قالو يطلع ريحة !!!!!


وانا بصراحه ما اثق بالبنات مافيهم البنت اللي تنصح من قلبها !!

ف بليز ابي من اللي مسوين ليزرررر بسسسسسس

ابي سؤالي
هل فتحت لون المنطقه ؟ وبنسبة جم بالامية؟
و هل حسيتو ان في ريحة تكرمون ؟

يعني لا تدخل وحده وتكتب "مو زين واهيه مو مجربه"
بليز يعني :$


فديتكمممممم ​

 

[Peony]

لا يبا لاريحه ولا شي يمكن هذوله ماينظفون المنطقه عدل
او يمكن ادوات الليزر مو نظيفه
او يمكن فيهم التهابات ساعات الالتهابات تسوي ريحه
الله اعلم
انا سويت وانصح فيه بشده
خف بدرجه كبيره راح تلاحظينه من اول مره
واللون يفتح
يعني مو يصير ابيض كلش لا اهوا بس يكون طبيعي واسمراره الطبيعي نتيجة الاحتكاك يعني عادي
انا اقول روحي وتوكلي على الله
وانصحج تسوين اكثر من جلسه قبل العرس يعني ٤ او ٤ جلسات مثلاً
طبعاً كل جلسه بشهر الا اذا انتي تقبلتي اللزر ووقتها يطلع ابطئ يعني ممكن كل شهر ونص او كل شهرين
و موفقه حبيبتي

 

[BoxCouture]

اختي وبنات خالاتي كلهم مسوين المنطقه الحساسه وحدهم يمدحون وانشالله ناويه اسوي بس اضبط الموعد مع العياده ....يطلع ريحه اول مره اسمع عن هالشي وكلام الاخت peony صح يمكن فيهم إلتهابات وعشان جذي فيه ريحه . واصلا الليزر يقلل الحبوب والحكه بعد

 

[يالبيه 17]

انا مثلج نصهم امدحوه لي وحيييييييل مرتاحين ويقولون انظفف حيييييل

ونصهم يقولون يأثر على الحمل لانه ليزر

بس انا ان شاء الله بسويه والي كاتبه الله بيصير

 

[katkoota90]

حياتي ما قصرتووووووووو فديتكم :$ حدي ارتحت
وبالنسبه لإختي اللي قلتي عن الحمل

ما اعتقد يأصر رفيجتي مسويه 6 جلسات !!!

واول ما تزوجت حملت من ليلتها !!

 

[((قاهرتهم))]

اب اب اب اب

 

[ام يوسف2011]

حبيبتي انا مسويته ..

لا يطلع ريحه ولا يأثر على الحمل لان بس يأثر على الشعره واصلا حتى دكتورتي مالت اليزر

قالتلي ان حتى الحامل تقدر تسويه وتقول هذا مو كلامي كلام المنظمه الصحه العالميه بس مادري عن صحة

الموضوع .. حبيبتي استخيري وتوكلي على الله وديري بالج في انواع من اليزر في نوع يحرق لان انا

سويت بالهادي وحرقني تخيلي احترقت ريلي وبكيني وصار سواد وقعدت اعالج شهر كامل والحمدلله الحين

كل شي تمام في آثار بسيييطه بس بعدها رحت عياده ثانيه الي تسويلي دكتوره مو فلبينيه ماعندها خبره ..

 

[Monaliz]

طيب بنات اذكرو لنا وين تسوونه ؟

انتي تسوينه بنفسج صح ؟؟

وفي ليزر بارد نفس ماسمعت ؟؟

 

[ام يوسف2011]

انا سويته بعيادة مال الله كلنك ..
انا الي تسويلي دكتوره مو انا اسوي ..
اي في ليزر البارد طبعا احسن شي البارد عشان مايحرق البشره ..

 

[ام يوسف2011]

بس في عيادات اني تسوين بروحج اهما يعلمونج وانتي تسوي

 

[نور القمر 14]

اشلونكم بتوتات انا بصراحه بسوها بعد ولادتي باذن الله بعد العيد وراح اسويها بمستشفى الهادي عند دكتور اوسامه بس مو اهو الي راح يسويلي راح اتسويلي وحده فلبنية بس الدكتور راح يشوف سمك الشعره من تحت البطن بس وباقي الشغل على الفلبينية

:33_1185028183: :33_1185028183: :33_1185028183:

 

[katkoota90]

انا بسويه ب يوكو ابولو لان اسعاره رخيصة وشغلهم حلوو الكل يمدحه !!!!


لا طبعا ما راح اسوي حق نفسي شعرفني :|

ما اعرف واخاف اغلط بشي !!

 

[نور الشهري]

اللي سوت عند الدكتور طلال العلي انتي تسوين بروحج ولا اهما يعلمونج وانتي تسوين ؟؟؟؟​

 

[قطوة@@]

اول مرة اسمع انه يطلع ريحه رفيجاتي مسوينه محد قالي عن الريحه شي


انا مسويه جسمي ككله ما عدا البكيني

و نايه اسوي البكيني الحين

 

[احساس الغلا]

انا سويته عن ياكو ابولو

تدرين ؟
متحسفه ع السنين اللي طافت علي بالحف والشيره والموس

راااااااااااحه ونظافه ومن اول جلسه بتحسين بالفرق
وتفتح المنطقه
انا سويت خمس جلسات وخلصت
سويه وتوكلي ع الله
ومافي ريحه ولاهم يحزنون
بس الظاهر هذول ماينظفون المنطقه عدل عشان جذي تطلع
لهم هالريحه

 

[Om_Ksha]

انا سووويت بطيبه كلينك لا ريحه ولا هم يحزنووون والمنطقه تصير ناااعمه مثل البيبي ويطول على مايطلع ..

بس قريت بالمنتدا وحده قالت عن انها سوت ليزر وصار فيها التهابات وقالو انه مو زين لانه الجهاز مو معقم ومن وحده لي ثانيه يعاديها فقمت اوسوس ..

بس اذا الله كتب ان ولدت على خير برد عالليزر حده راحه

 

[(لندنيه)]

وين مكاااان ياكو ابلوو وكم اسعاره

 

[كادي2011]

سوي عند بدريه اللي بالسالميه مركز غرشوب أنا مسويه باااااااارد ولا تحسين باي نوع من الالم وسعره رخيص ع 30 يهبل ومكان نظيف واذا تبين انتي تسوينه او اهم بس أنا خفت لأن هذي عوره ومايجوز خفت اغضب ربي ومايوفقني بزواجي
سويه انتي وايد طريقته سهله
وع فكره تسألج اذا المنطقه غامجه تحطلج درجة تفتيح نفس جسمج
واااااااااااايد حلو

 

[miss popo]

سويه وتوكلي على الله اختي مسويته وبين من اول جلسه ومرتاحه عليه مره وانا راح ابدا معاك اول جلسه هالاسبوع باذن الله



الله يعطينا خيره ويكفينا شره

 

[كلي لكـ]

نصيحه سويه وانتي مغمضه وانا مسويته عند رويال كلينك
وبصراحه وايد مرتاحه
انا مسويه جسمي كله لان جسمي يتحسس من الشيره