بنااات تحدي بين المساج السحري و derma roller

[ليلى...~]

يسعد أيامكم صبايااا ..

أنا جربت المساج السحري طلبته من الكويت وأخذت معه خلطة المعجزه الافريقيه من ماي ورد..

يوم شريته كل اهلي قاموا يحبطوني يقولون انتي بس تضيعين فلوسك على هالخرابيط وماراح يفيدك ..
ولو يفيد كان بيفيد الليزر ..

انا عندت وطلبته من الكويت وجاني تقريبا من شهرر..
استخدمت الخلطه لمده اسبوع والجهاز مرتين أو ثلاث ..

تعرفون كيف حسيت بالفرق؟؟
أني صورت المنطقه قبل وبعد..

حسيت بالفرق مااقول واااااو بس خفت الخطووووط عن اول بشكل واضح..
عاد بعدين أنا سافرت وتوني راجعه..

باختصار أنا حسيت النتيجه حلوه بالنسبه لكذا استخدام ..
وبكمل ان شاء الله ..

اما بالنسبه للتعب صحيح هو متعب شويه ..

أنا أستخدمه للتشققات اللي بالساق اللي تجي ورا الركبه ..
اسوي للجهه اليمين بعدين احط الكريم وأرتاح شوي وأكمل ع الجهه اليسار ..
بس مع كذااا مستعده أتحمل تعب اكثر من كذاااا واتخلص من هالتشققات اللي منكده عيشتي..

والحين بعد ماوريت اهلي الصور ..
أمي صارت تبي تطلب الكريم لوحده من خواتي وخالتي أخذت شويه من الكريم والجهاز تبي تستعمله ..
انا شخصيا استفدت منه

اما الديرماا اول مره اسمع فيه

 

[سوكر بنات]

جد والله فرحيني حمستيييني

الحمدلله

يلا بنات تشجعوا

ونقضي عليها

وكأنها مااكانت موجوده بإذن الله

ولما نشوف وحده فيها التشققات ننصحها ونفرحها

 

[سوكر بنات]

اسماء النور كم مره استخدمي الديرما رولر والمساج السحري؟

 

[اسماء المنور]

المساج السحري استخدمته كثير ...والين ماخصت الخلطه حقته (كنت مسويه زبدة شيا خام مع زيت زيتون و كبسولات فيتامين e
اما الديرما روللر لي شهر من بديت فيه وحبيته أكثر من المساج
وأحط بعد استخدامي للاله كريم ذكرته أكثر من مره خطيييير للاسترش مارك حتى شوفي بحث عنه وهذي صورته

سعره 30
وهذا موقعهم شوفي الصور بعد الاستخدام (((((((( المستمممممممر ))))))))
https://www.robelynlabs.com/index.asp


بنات يمكن بشره تختلف عن الثانيه ... أو ماتجيب نتيجه ترضيها ....اللي مايناسبها الكريم لا تدعي علي
دعواااااتكم بس لي...

 

[زبدة ككاو]

شووفي انا جرربت المسااج السحرري
صج صعب بسس مع الوقت تتعودين اهم شي يفتح المساام
بسس على فكررة المساج السحري اساسا للتخسيس موللخطووط
السترتش مارك تعتمد على كريمج موو على المسااج السحرري اهوا كل اللي يسسسويه ان يفتح المساام ومع الوقت بتلااحظين المكاان قاام يضعف

 

[سعـــــودية]

اب

للفائدهـ

 

[اسماء المنور]

.

 

[سح ـآبة]

لوووول يبتي لي الشك آنتي ..~ >.<

مـآعرف انا عندي المسـآج السحري ..~ وبعدني آتع ـآبل مع ـآه تقريبن آستخدمته

3 مرآت من يوم يبته >> ع قوله الاخت كسر لي ايدي وانا شالتنه وشي ثـآني ,~

مدري والله بس احس في شي بس مابقول لين اتأكد انا من تجربتي بعدني اجرب المسـآج ,.~

عندي خلطه معهـآ زبده الشيا وزيت زيتون وفيتآمين e وa ووشو بعد المهم تقضي على خطوط التمـآسيح هتاهاها

اصبح ـنـآ تماسيحيآت من هالخطوط آللي جنه خط شآرع ..~ لوول


متـآبعه ومشـآركه ..~

 

[برازيليه سعوديه]

والله كل ماطلع شي طرنا وشريناه ههههه ومافيه فايده الجهاز السحري بصراحه ثقيل ويعور مدري ..انا فكرت وتحمست اخذ الديرما رولر بس ناس تمدح وناس تسب احترنا..ان شاءالله نلاقي حل

 

[Lédy LoOlà]

استخدمت المساج السحري من 9 شهور اول ماسمعت عنه اشتريته على طوول
مع خلطة المعجزهـ الأفريقيه ولا لقيت نتيجه ترضيني تدرون ليش ..~ لاني مااستخدمته بشكل صحيح ومستمر
يعني من العوار بس مره ف الاسبوع و مايصير كذه غلط .. اللي يبي السح مايقول آح . و الزين يجي بتعبه
وكل شي له ضريبه .. المساج فيه عوار والليزر له عوار والرولر هم عواار
.
الموووهيم ههههه
امس بديت اول جلسه .. بعدها حطيت زيت بيو اويل + بيبي اويل بالصبار مع زبدة الشيا ذوبتها مع زيت الزيتون
لما قعدت من النوم حطيت كريم زبدة الككاو والشيا من فازلين وبعد تقريباً 4 ساعات حطيت بيو اويل + بيبي اويل بالصبار وزبدة الشيا
وقبل النومـ بحط لوشن رينييول من فازلين لتجديد البشرهـ
و للحين المنطقه فيها عوار والمسام مفتحه وحمراء .. و يوم وترك راح اسوي لي جلسه يعني 3 مرات فيء الاسبوع لان كثرته مو زين وإن شاء الله الاقي نتيجه يااارب .. دعوااتكمـ =)

 

[Lédy LoOlà]

وصج انا اشتريت الرولر بس المقاس مااااينفع الى السترتج مارك يعني مااستفدت شي
وناويه اخذ واحد ثاااني بس اخلص كورس المساج السحري وإن مالقيت بتوكل على الله وبشتريه =)

 

[اسماء المنور]

موفقين بنات

لاني حيييييييييييل منغثه من الخطوط
عندي الديرما وهذا الحل الاخير بالنسبه لـــــــــي

 

[سوكر بنات]

سماء المنور حلال كم جربتيه ؟!!

وكم نسبة الاستفادة !

 

[سوكر بنات]

سويت المساج السحري 2 مدري ليه مافيه فايده !!!!!!!

بجربه اسبوعين ويصير خير بعدها ببدأ علاج ان ماظبط خلاص بتركهم وبالطقاق

علاجي 3 اشياء
1- الديرما رولر وبحط قبله كرسم كولاجين وايلاستين مركز بعده كريم يمدحونه المواقع الاجنبية يقولون << يقولون افضل منتج وماراح احط اسمه اخاف حد يستخدمه ولا يستفيد لما استخدمه بقولكم لانه شوي غالي وبعد ماتشربه البشره بحط فيامين E بيور
ملاحظه البيور مو لونه ابيض او شفاف لونه محمر غير مكرر
2- الشور بالصابون الافريقي الاسود او صابون بالمانجو
3 -الترطيب بعد الشور وقبل النوم بحط لي ( زبدة الشيا مضاف لها لافندر وزبدة شيا مضاف لها ALOE << مدري شمعناه بالعربي والمانجو ووزبدة زيت الزيتون وزبدة الكاكاو وزيت الجوجوبا وفيتامين E وكريم كولاجين وايلاستين مركز وفيتامين سي مع ان ياللي اعرفه سي مايفيد لكن للتفتيح )
4- الترطيب خلال اليوم قريت موضوع لوحده بمنتدى ثاني وحاطه انها استفادت خلال تقريبا بعد 3 اسابيع 90% المهم رخيص هو من منتجات فازلين بخليه لوشني اللي للجسم كله ( - كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..

5- بستخدم المساج السحري مع الخلطه رقم 3 وبشووووف
بعدها برمي كل شي تعبت وخسرررت كثيييير يارب لاتعاقبني

وتوكلت على الله الذي لا إاله الا هو الحي القيوم واتوب إليه
وبسمه الذي لايضر مع اسمه شيء في الارض ولا في السماء وهو السميع العليم
اللهم أصلح لي شأني كله ولاتكلني إلى نفسي طرفة عين
وأصلح شأن الجميع ولاتكلهم إلى نفسهم طرفة عين
لاإله إلا انت سبحانك إني كنت من الظالمين
وصلى الله على سيدنا محمد وعلى آله وصحبة أجمعين

 

[سوكر بنات]

هذي تربة البنت اللي قلت عنها فوق
بسم الله الرحمن الرحيم


اخباركم حبيبات قلبي ..
شكلكم داخلين عالموضوع فاقدين الامل ههههه ..

قبل ما ابدأ موضوعي .. هذي مجموعة مواضيعي السابقه ..


تخلصت من 95% من "الرؤوس السوداء" .. ولي اكثر من "3 شهور" على هالحال ~ بالصور

و اخيرا وبعد عناء .. تخلصت من 85% من النقط البنيه في السيقان .. والحل بسيييط <<بالصور

خلط الكريم + القهوه التركيه = ؟؟؟؟ ~~ بالصور

وهـ يا زين رجيلاتي ~ 97% لا معاناة بعد اليوم .. ~ بالصور تجربتي

لـ شفايــف ورديه و ناعمه و كيوووت ~~ بالصــور

زيـت اللـوز المـر ~ ليه ظلمتوا المسكيـن!!!! << بالصـور

فـي [رمشهـآآآ] شـد الخفووق و هـزّه ~~ بالصــور

سـر من اسـرآريے ~~ يآ محلا الشآيے وآلافكــآر منطربہ ●●


-----

بسم الله نبـدأ ..


حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..


مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..

في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..


هذي الخطوط البيضا + الحمرا .. اما السيلوليت فهو شي ثاااني ..

طبعا غالب هالخطوط تتركز في الفخوذ - البطن - المؤخره ..


من التجارب اللي جربتها ..


كريم افالون .. Strech Mark cream

نفس هذا بس اخذته عصار ..

النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..


كريم بانثينول ..

النتيجه:
استخدمته لمدة شهر وخفت الخطوط بنسبة 5% بس ..



زيت الزيتون + ليفه خشنه:
هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..

ملاحظه/ تختلف البشرات فـ هو يضبط معها بس معي ما ضبط ..


زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد


------

هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ....الخ ..

خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..



اللي بقوله لكم ما بيكلفكم شييي .. كل اللي تحتاجونه شيئين:

- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..



ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..

و كريم فازلين المدور يحتوي على ( زبدة الكاكاو + زبدة الشيا ) مع بعض ..

انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..

يعني الاختصار المفيد هالصوره تعبر ..

----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..


الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..


النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)


السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

عذرا:
حبيباتي ماكان ودي اقلل من قيمة الموضوع لكن..

الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..

- وش عندها ذي تتفلسف علينا كأن عندها سالفه
- نصااااااابه اصلا مافي شي يوخرها غير الليزر لا و يخففها بس
- اللي يقولك استخدمي (........) كذب كذب كذب انا استخدمته ولا جاب اي نتيجه
- دكتورتي تقولي مالها حل وفقدت الامل
- انا جربت كل شي ولا فاد
- انتي مجنوونه حبيبتي شوفي الامر الواقع هذي بلوى من ربي
- انتي تستهبلين ولا مين قاص عليك انها تروح
- انتي شكلك ماتشوفين زين و على بالك انها راحت روحي شيكي نظرك
- بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها

و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..

و أي سؤال حاضره حبايبي

 

[EleGanZa]

وناسه اخر تجربه من البنت لا مساج ولا ديرما هههههه حدي خوافه

بس وين نحصل هاالفازلين ؟؟ ماشفته بالجمعيه @@

 

[~ كرز ~]

سلاام
انا استخدمت الديرمارولر خمس جلسات و استخدم معاه بوكس السترج مارك من قراس
و للحين شفت نتيجة بنسبة٢٠٪ و ان شا الله بستمر لحد ما تروح

 

[BuNNy]

Up up up

للافاااده 

 

[مشاعل البحرين]

انا استخدمت الديرما رول لبطني بس كنت تقريبا يوميا وكانت المنطفه حمره مع اني اعقم الآله بس التهبت علي المنطقه حتى ملابسي ماقدر عليها ووقفت وشريت لي كريم والحمدلله وبس كرهتها مع ان انا السبب لاني احتمال استخدمتها بشكل يومي كذلك استخدمتها لوجهي احسه يتحسس والتقرص جدا يضايق وبعد وقفت بس الحين بعد ماسويت عمليه شد لبطني والحمدلله تخلصت من السترش مارك بنسبه كبيره صارالباقي الي في بطني نفس لون الجلد بس العمق يبان للقريب لكن من بعيد لا والحمدلله
انا ناويه ان شاء الله اني ارجع لها مع اكثر حذرا من السابق وبازيد ع الكريم الي عندي الي هو الشيا من جراس وزبده الكاكو من بارمز باخذ من فازلين الي ذكرتته الاخت سكر بس حابه اعرف وش الكريم الي حطته الدكتوره في الرابط الي فوق بعد ماعقمت المنطقه هطت كريم وبعدعا استخدمت الروله

 

[سوكر بنات]

انا استخدمت الديرما رول لبطني بس كنت تقريبا يوميا وكانت المنطفه حمره مع اني اعقم الآله بس التهبت علي المنطقه حتى ملابسي ماقدر عليها ووقفت وشريت لي كريم والحمدلله وبس كرهتها مع ان انا السبب لاني احتمال استخدمتها بشكل يومي كذلك استخدمتها لوجهي احسه يتحسس والتقرص جدا يضايق وبعد وقفت بس الحين بعد ماسويت عمليه شد لبطني والحمدلله تخلصت من السترش مارك بنسبه كبيره صارالباقي الي في بطني نفس لون الجلد بس العمق يبان للقريب لكن من بعيد لا والحمدلله
انا ناويه ان شاء الله اني ارجع لها مع اكثر حذرا من السابق وبازيد ع الكريم الي عندي الي هو الشيا من جراس وزبده الكاكو من بارمز باخذ من فازلين الي ذكرتته الاخت سكر بس حابه اعرف وش الكريم الي حطته الدكتوره في الرابط الي فوق بعد ماعقمت المنطقه هطت كريم وبعدعا استخدمت الروله

آآيه حطمتيني ولا فيه فايده !!!:eh_s(16):