بنااات مرت اخوي و(لقافتها)

[توتا5]

لا تزعلين اخوج طلعي معاهم عادي وخليج طبيعيه
ولادققين على كلام مرت اخوج طنش تعش هذي
وحاولي تتقربين عليها صدقيني بتغير حاولي اتحبينها عشان اخوج
وبتمشي الامور

 

[قنــــــــــوت]

رد : رد: بنااات مرت اخوي و(لقافتها)

روحي ويا اخوج و مرته واكلي واستانسي و طلبي اللي بخاطرج و طنشيها جنها مو موجوده حقري حبيبتي والله الحقران يقطع المصران

ردي رد بسيط و بااااااارد هالاسلوب يبط المراره ... وطنشي دخلي الحجي باذون وطلعي من الثانيه

و لي خلصتو غداكم ولا عشاكم

قوليله فلان كمل معروفك و ودني السينما على حسابك :dddds: خل تتفلفل شوي بعد

انتي صح ...
انا شخصيا شايفه من هالنماين وااايـــد .... والأكيد انها هي اللي تغار من حماتها ...
خصوصا اذا كانت اضغر ...وكانوا اهلها مدلعينها ..واخوها ..- ريلج يالجنه - يحب اخته وايد ومايزعلها ...
تلقين مرت الاخو ميته ....بس تبي تغثها وتأذيها ...
لا ... وتبي تكسر فيها بأي طريقه ...

يعني مثل كلامها ان فلان كان خاطب اختها الصغيره ومدري شنو ...
اصلا مداخلتها بالموضوع مالها اي داعي .... وغرضها واااضح من هالكلمه ..
تبي تغثج وبس ... واااضحه وربي ...

ماعليج منها ... وسوي اللي قالت لج عنه G!RLooNa بالضبط
استانسي ياقلبي ولا تشيلين همها ...

 

[HeR HiGHNeSs 90]

وي الله يعينج

انا اقول حسني علاقتج فيها يعني عشره عمر هاذيي بتعيشون على طول مع بعض وصج في ناس فيهم طبايع تنرفز بس لازم نتحمل عشان الحياه تمشي

 

[غرور وايل]

حبووبه روحي معاهم عششان خاطر اخووج

والمشششكله انج مو راضيه تشيلين هالكره من قلبج

خليج عاتي معاها يعني ماتحبينها ولا تكرهينهاا

والله يعين

 

[asiii]

عجبني اخوج <<< يرضي الطرفين

 

[a7la_7b]

روووحي مع اخوج واستانسي وصفي نيتج معاها صدقيني بتطخ وبتصير زينه

 

[شموع الفرح]

بصراحه المرا ما قالت شي قاعده تنصحج وشنو اللقافه بالموضوع جان ما تكلمتوا جدامها يوم انج ماتبينها تتكلم وعليه وبس من سوالفكم انا حلوه وانا دلوعه شنو هالحجي الماصخ ترا هم مرت اخوج بنت ناس وعيب تقولين عنها سحت عيب

 

[ToOoTi]

ههههههههههههههههههههههههههه
لاتحرين عمرج روحي واكلي وحقريها
الاشكال هاااذي تموت قهر اذا دقرتيها

 

[red flower]

حبيبتي تعوذي من الشيطان اهوا اللي يوسوس فيج والله هالسوالف اهيا اللي تزيد الحقد والغيره في قلوبنا وبحدين بتزيد النميمه والاثام والدنيا ممات وحيات انتي عمت العيال وفيج الخير ان شالله اخذيها على قد عقلها ودايما ردج معاها يكون بطريقه حلوه والله ابتنحرج منج وراح اتغير انا مجربه قبل كانت في وحده ماتحبني وكله اقعد معاها ماتسولف وتمر يمي ماتسلم ومره صار موقف معاها واعترفتلي انها تغار مني اللله يهديها مادري ليش مع ان موناقصه شي وبعدين تعدلت العلاقه شوي جان ترجع مره ثانيه العن من الاول ليه درجه قمت احقد عليها واسوي فيها مثل ماتسوي فيني بعدين الحمدالله اسوعبت حق الوضع اللي انا فيه حسيت ان قلبي بدا يمرض الله يكافينا امراض القلوب والحمدالله انا بديت بالخير وقمت اسلم واسولف والعلاقه تغيرت للافضل واتصدقين اهيا ما رضت تقعد معاج واتناقش بالموضوع الا اهيا مو حابه العلاقة تسوء بينكم ونصيحه من اختج ادعي ربج ان يزرع المحبه بينج وبينها ويبعد عنكم الفتنه والبغضاء وشوفي شلون بتغير العلاقه ولاتسمعين كلام اللي يقولون حريها وهالخرابيط اللي ما من ورا ها الا المشاكل وخراب البيوت ياحبيبتي روحي المطعم واستانسو ولا كان شي صار الله يرزقج اللي يسعدج ان شالله

 

[عيون الشيخ جابر]

رد : بنااات مرت اخوي و(لقافتها)

في مثل اتبعه بحياتي شيل ده عنده يرتاحده من دا
خخخخخخخخخخخخخخخخخخخخخخخخخخخخخ


يابنت عطيها ام الطناش
وانتي لاتغارين منها سوري مبين عليج حتى لو انج كبيره اهم شي انج تزوجين وتعشين بسعاده ياما فقراء احلى من عيشة الهوامير


والمطعم روحي وخليج مستانسه وابتسمي الى ان تشوف ضرس العقل بعدين حرام اخوج شذنبه


طنشي ان شفتيها سلمي واقعدي دقايق واصعدي لغرفتج والمواضيع الخاصه بينج وبين اهلج تسكر بحضورها

 

[مناير خزنة التاير]

عامليها مثل ما ودج حمولتج يعاملونج
مو ضروري تكون صديقتج الصدوقة
بس عادي مو جذي هوشات على الاقل عشان اخوج

 

[رغيف حلم]

رد : بنااات مرت اخوي و(لقافتها)

الله يعينكم اللي غيرك يتمنى
احد يعطيه رايه ا قووووول
احمدي ربك ع النعمه واللي فهمته منك انك الوحيده بذا البيت
ياليت عندي مراة اخو كان والله انا وايه نصير خوات
وعلى المطعم ادا تحبي اخوك روحي وفيه مثل حطيه

براسك ترتحين
لاجل عين تكرم مدينه
واتمنى انك ماتزعلين مني وتعتبره نصيحه

 

[DIOoOoO]

والله حبيبتي ماتنلامين الظاهر شايفه منها وايد ...في ناس ماتستحي على دمها واذا انعطت ويه تتمادى انا ياكرهي حق الي جذي يعني في حريم اخوان سج ما ينعطون ويه واخذيها نصيحة من اختج لا دشت ابيتكم غريبة بتظل غريبة مهما اقعدت معاكم العمر كله خلي علاقتج فيها عادية ولا اطيحين الميانة يعني شتسوين اقول لج ،، اول شي شيلي من راسج انها تتعمد اتضايقج لأنه اذا دشت براسج راح تلاحظين كل تصرفاتها وكلامها وهالشي مو زين وراح يتعبج ..ثاني شي: بيمعاتكم خلج عادية وطبيعية معاها اذا سألتج ولا تناقشت معاج ردي عليها على قد السؤال بابتسامة ! ثالثاً : لحد يهمج غير نفسج فا طللعيها من راسج وفكري بنفسج وبدراستج وبهواياتج ولا كأنها موجودة وتحاشي انج اطولين معاها بالقعده اذا كانت موجودة اريح لج لأنج مو مجبورة تتحملين حركاتها واسلوبها واخذيها على قد عقلها ... واخوج حرصي عليه يعني لا تعطينها مجال اتشيشه عليج ..والله يصلح بينكم ويرزقج بالريل الصالح الي يريحج ويسعدج

 

[MoonDiamond]

وسعي بالج وطنشي
واحسني النيه ..

 

[فديت منورة]

روحي مع اخوج

وماعليج منها

 

[Tom ♥ Jerry]

.


توكلي على الله و روحي اذا مو عشانهآ عشان آخوج
و حآولي تحبينهآ .. انا مآ آعتقد أنهآ تقول هالكلآم الي قآلته عمدآ تبي تحرج !
لا يمكن الكلآم صح و اهيه عآده نفسها وحده منكم و فيكمـ
اعتبريها نفس آختج ولا تقوليلها آنتي جيكره و مآدري شنو ! ولا شي
حرآم .. :* طلعي معآهآ بالعكس بدآل لا تكرهينهآ آزيد
حآولي تحبينهآ و تكونين معآهآ .. :*

.

 

[دلووعه وحلووه]

رد : بنااات مرت اخوي و(لقافتها)

وااااي فدييتكم بنات ومشكوريين

 

[اجمل الماسه]

رد : بنااات مرت اخوي و(لقافتها)

عطيها طاااف اذا قامت تفاخر واهي بتطخ اذا مااحد يسمع لها ..

كلام صحيح 100%

انا افضل هيك اسلوب التطنيييييييييييييش
ليش اتعب نفسي في كل كلمه تنقال واضرب لها حساب يوبه طنشي صدقيني ترتاحين

 

[Flower20]

رد : بنااات مرت اخوي و(لقافتها)

الله يعين تحميلها عشان اخوج

وجامليها

 

[« ҝ ά ш ά i i »]

رد : بنااات مرت اخوي و(لقافتها)

ماقصروا البنات ، وياحبيبتي ترى مايصير تحشين حرام