بنااات مساعده بلييييز ابي نفس ورق الجدران

[عازميه ولي فخر]

بنات منو منكم شافت نفس هذا الورق بالكويت اهو عباره عن مدينه باريس او شافت مثله بس موديل ثاني

 

[حبيبه ببي]

الله حلو ماعرف من وين اب اب

 

[أم الفارسة]

يمكن من شراع سنتر من زمان كنت شايفة

 

[عازميه ولي فخر]

ووين الشراع سنتر هذا

 

[البرنسيسه77]

هذا ورق ثلاثي الابعاد اسالي عنه محلات الورق او ابيات وميداس وان شالله تحصلينه

 

[Mem ilwer3a]

في بأيكيا تحت مكان اللوحات و في بميداس ​

 

[انوار87]

في نفس الطقه في الصراف الي بسن ستي

 

[amani]

موجود في ابيات

 

[HDBQ8]

حياتى انا تونى شاريه نفسه بس منظر مدينة نيويورك وشغلات ثانيه
تحصلينه بالضجيج .. صراحه ما اذكر اسم المجمع اللى صاير يم الجنايات المهم اهو محل يسوى مكاتب للتلفزيون
قوليله ابى كتالوج ورق حائط ثلاثى الابعاد فى مناظر وااااااايد حلوه تحتارين فيهم
فى حجم كبير وفى حجم صغير
انا اخذت الكبير يمكن مترين وشي على 80

 

[@ام يوسف@]

للرفع

 

[أدريانا.]

لا يَ قلبي هذي لوحه كبيره هَ !

ما أدري صراحه لككن أطلبيها من مواقع !

 

[ARNOoOBA_86]

حبي تلقين عند ابيات

موفقه حبي

 

[غـــنـــوجـــه]

حـــــــلـــؤؤؤؤؤؤؤؤؤؤؤؤؤ..~

 

[مجنونة ولدها99]

هذا ورق جدران وأنا محصلته عند الصراف بأشكال منوعه وبألوان وموجود بعد بالمحلات إللي يم الصراف ومكانهم بحولي قريب من المهلب ومجمع الرحاب ...