بناات أحتاج خبراتكم عن ماليزيا..

[مملكة الكاكاو]

أنا ما عمري طبيت ماليزيا ولا أعرف عنها الكثير..
أولا: شنو أحسن مناطقها بحيث تصلح حق يهال؟
ثانيا: شنو أحسن طريقة مواصلات؟ نأجر سيارة ولا تكاسي؟
ثالثا: شنو الأماكن المفضلة للأطفال؟
رابعا: متى أحسن وقت يسافرون لها؟ أقصد، بأي شهر؟

 

[جمانه 99]

للرفع

 

[حـلا و ذوق]

أولا: شنو أحسن مناطقها بحيث تصلح حق يهال؟

1- عندج كوالالمبور فيها منطقة اسمها صن وي لاقون .. تبعد عن شارع العرب تقريبا ثلث ساعه .. فيها مجمع واااااااااااايد حلو لج وللياهال لان بالطابق الارضي فيه ساحه تزلج على الثلج ..
وعندهم حمامات سباحة بس شنو تييييييييييييييييييييييييينن وفيها العاب برا الماي يعني تصلح لج ولهم .. يعني هالمنطقة يبي لها يومين يوم بحمامات السباحة ويوم بالمجمع

2- في كوالمبور .. عندهم الاكواريم ( عالم تحت الماء ) يشوفون الكائنات الحية بالماي .. وشلون ينزل الغواص يوكل القرش .. طبعا فيه ساعه معينة باليوم سألي عنها .. احنا كانت 3 الى 3 ونص العصر ..

3- منطقة جنتج .. احنا رحناها بتاكسي اريح.. فيه ناس تروح لها بالباص .. تقريبا الطريج من كوالالمبور ساعه ونص !
احنا بتنا فيها ليله مايسوى علينا التعب والوقت اللي بيروح علينا بالروحه والرجعه ..
منطقة باااردة ومترفعة والغيوم تكون نازلة يعني عادي ماتشوفين ويه اللي يمج خخخخخ بس وناسة ^_^
رووووووووعة وايد .. فيها العاب خارجية ( للياهال والكبار )) تفتح من الصبح بس تسكر الساعه 8 بليل .. تاخذين تذكرة وتلعبج بكل الالعاب على كيف كيفج
وفيها العاب داخليه اغلبها مالوت ياهال .. تسكر ع الساعه 12 بليل .. وفيه بنفس المكان مطاعم فاست فود مثل ماكدونالدز وبيتزاهت ..


ثانيا: شنو أحسن طريقة مواصلات؟ نأجر سيارة ولا تكاسي؟
هم شوارعهم عكسنا .. يعني شوي بتتخربطون بالسياقة !! فأفضل التاكسي وعموما اسعارهم رخيـصة مو غالية بس يبي لج تصيدين واحد حليو لو عزمتي ع الروحة بعطيج رقم التاكسي اللي كنا نتعامل معاه

ثالثا: شنو الأماكن المفضلة للأطفال؟
مثل ماقلت لج .. منطقة جنتج .. صن وي لاقون .. منطقة البرجين .. الاكواريوم

رابعا: متى أحسن وقت يسافرون لها؟ أقصد، بأي شهر؟
يعني هي جوها واحد طول فترة السنة .. انتي شوفي اي وقت يناسبكم للسفر ..
بس حاولي المناطق الترفيهية دايما تروحين لها بالايام العادية مو الويكند عن الزحمة


ورحلة موفقة ..

 

[&شواقة الكويت&]

للرفع .؟.؟.؟.؟.؟

 

[مملكة الكاكاو]

بنات عفية شنو قصدقكم للرفع؟

 

[ميسوره]

ازيد على العضوه حلا وذوق

بكوالمبور فندق التايم سكوير فيه مجمع وفيه مدينه ملاهي وسينما

 

[~ عز ~]

مملكة الكاكاو

الحين بدال ماتشكرين هاللي ساعدتج وكفت ووفت داخله تسألين يعني شنو للرفع ؟؟

للرفع يعني ترفع الموضوع فوووق عشان مايروح للصفحات اللي ورا ومحد يشوفه !!!

 

[مملكة الكاكاو]

مملكة الكاكاو

الحين بدال ماتشكرين هاللي ساعدتج وكفت ووفت داخله تسألين يعني شنو للرفع ؟؟

للرفع يعني ترفع الموضوع فوووق عشان مايروح للصفحات اللي ورا ومحد يشوفه !!!

أولا:عشان ما يصير لبس بالموضوع مثل ما صار مع "عز"..
فآنا أشكر "حلا و ذوق" وااااااااااااااااااااااااااااايد جدام الكل

ثانيا: ردا على "عز" الي الله يسامحها زفتني و آنا ما سويت شي:
ترا آنا تشكرت من "حلا وذوق" برسايل خاصة (يعني انتي ما شفتيها).. فأتمنى انج تتأكدين من تصرف الشخص الي جدامج من قبل لا تعصبين و تزفين الناس (و هو شي ماله داعي)..

وأتمنى اني ما أكون أذيتج أو جرحتج بكلامي.. مع اني ضاق خلقي و انجرحت من كلامج الي كتبتيلي اياه جدام كل البنات
خاصتا اني مو غلطانة

 

[~ عز ~]

شدعوه عاد جرحتج مره وحده ؟؟

صج لي قالوا الناصح في النار ..

السموحه اختي اذا جرحتج .. ماتوقعت

 

[معلمة انجليزي]

أولا: شنو أحسن مناطقها بحيث تصلح حق يهال؟
كل ماليزيا حق الجهال و خصوصا سن وي لاقون و بيننغ
ثانيا: شنو أحسن طريقة مواصلات؟ نأجر سيارة ولا تكاسي؟
التاكسي حيل رخيص عندهم
ثالثا: شنو الأماكن المفضلة للأطفال؟
المسابح و الالعاب بكل مجمع
رابعا: متى أحسن وقت يسافرون لها؟ أقصد، بأي شهر؟
شهر 7

 

[نادره الوجود]

السلام عليكم حبيت ارد على موضوعج الصراحة ماليزا كلها حلوه ودوله مالت عوايل واحلا ثي حق الجهال جنتنغ راح يستانسون لان فيها العاب مائيه وملاهي الصراحة عاجبتني