بناات ابي هديه حلوة حق عيد ميلاد زوجي

[ضوى العيون]

بناات لحقوني ابي افكار هدايا شي حلوو
سنع حق ريلي عيد ميلاده على شهر 11


بس ابي اشتري له شي حلوو وراقي يعني

فلازم من قبل عشان اخاف انشغل بالدراسه

وماافضى شنو رايكم اشتري

 

[وهــج]

رد: بناات ابي هديه حلوة

أممممممم

مثلا عطر وساعه اوو فصلي له دشداشه خخخخخخ

عندج خاتم فيه من تحت منحووت اساميكم اوووو اووووو شي اهوا يحبه ومتمنييييه

 

["ام البنات"]

رد: بناات ابي هديه حلوة

انا اقول اشتريله بوك او قلم ماركه

او جوتي يكون حلو ياينه الشتا

واتمنى اني فدتج:eh_s(8):

 

[ضوى العيون]

رد: بناات ابي هديه حلوة

والله افكار حلوة وفكرة الخاتم عجيبه

 

[ضوى العيون]

رد: بناات ابي هديه حلوة

بنات وين فزعتكم ومساعدتكم حقي

 

[عذبه الصوت]

رد: بناات ابي هديه حلوة

تدرين شلون البنات حطووووووا افكار حلوووووووه

ترى الخاتم مو الكل يلبسه

اشتري جيس حلوو او صندوووووووق وحطي فيه ورد مجفف او العادي

حطي فيه :

ميداليه او نظاره او مسباح <<< افكاري

او تدرين شلون سولفي وياه ومع السوالف سؤال غير مباشر سأليه شنو يبي

ان شاء الله فدتج

 

[ضوى العيون]

رد: بناات ابي هديه حلوة

تسلمين والله افكارج مش بطال بس وين اعرف المكان للي يبيعون مسباج اصلي ودي بكهرب تعرفون فيدوني

 

[ღ Prettyღ♥ღWoman ღ]

رد: بناات ابي هديه حلوة

ريلج جم عمره؟؟

اشتري له بيبي بلاي ستيشن وسيديات كره قدم وسيايير لوووول

او موبايل يديد

او بوك كشخه مع الميداليه والقلم

ولا تدرين حجزي بفندق وسويله حفله يعني مفاجئه :eh_s(3):

الريايل صعب تختارين لهم هديه ماكو شي شوفي اهو شنو يحب او شنو بخاطره​

 

[Om_RayooMa]

رد: بناات ابي هديه حلوة

ساعه وبوك ومداليه كلهم ماركه وحده واذا يدخن ولاعه
نفس الماركه
ترا كشخه
واتمنى اكون فدتج

 

[ضوى العيون]

رد: بناات ابي هديه حلوة

تسلموون حبيباتي حلوة هذى بلي ستيشن حدها قويه

 

[الاسطورية]

رد: بناات ابي هديه حلوة

انا بعد عيد ميلاده شهر 11 وقررت اشتريله عطر الشيخ الي بخمسين دينار عرض مع قلم وبزمه

وبشتري معاه بيجامه حلوه وجم شغله صغيرونه من حركاتي الفنتق
سويتله بلوزة بمصور كوداك على صوره يحبها حقه

 

[ضوى العيون]

رد: بناات ابي هديه حلوة

فكراتج حلوة بس شنو يطلعون هالشغلات الصغار الحلوين ودي احط له اكثر من شي الانى وايد احط له هدايا
يعني انا اصنع المناسبات

 

[الحياة]

رد: بناات ابي هديه حلوة

شوفي حبوبة روحي اشتريله ميداليه حق مفتاح سيارته وفيها شي مميز يدل على شخصة يعني كلمة منج له او اي شي وطبعا دزيله اهداء اغنيه بهاليوم.. وحطي بالعلبه صورة لج وصورة له علشان تحطينها على الكوميدينه اللي يمج ويمه .. ولا تفكرين تشترين جهاز تلفون كلش مو شي لانه التلفونات صاير هالايام مثل الماي سهله الكل يقدر يشتريها..
اشتري له يا حلوة غترة من الغتر السنعه حق العيد بالمرة وعطر الشيخ روعه الرجالي منه انا اخوي لما يحطه تفوح ريحته من بعيد وماتروح..

يالله انشالله فدتج او زدت على غيري شوي

ادعيلي انه الله يرزقني بالزوج الصالح علشان اعطيه هدايا سنعه
( شعليه ريلي بيعيد من كثر الهدايا اللي بعطيه اياها )

هههههههههههه

 

[كويتيه وافتخر]

رد: بناات ابي هديه حلوة

اذا عندج مجال جهزي تذكرتين سفر للعمره وجهزي كل شيء حق عطله نهايه الاسبوع صدقيني بتكون فكره روعه
وانا مجهزتها لزوجي سفره لمصر

 

[سمو]

رد: بناات ابي هديه حلوة

السلام عليكم


شوفي اختي اذا ريلج من النوع اللى يحب يجدد بالموبايلات او موبايله مو يديد وعندج ميزانيه انصحج تشريله موبايل خو الرياييل يحبون الموبايلات

بخصوص الخاتم فكره حلوه بس مادري انا اشوف اغلب الرياييل زين منهم اذا لبسوا خاتم الزواج .. يعني ما اعتقد انه بيظل يلبسه


اقولج شي سويله يوم خاص بينج وبينه يعني ليله رومانسه غير شكل


وان شاء الله تلقين الهديه اللى تسعده ... تحياتي

 

[فن وذوق]

رد: بناات ابي هديه حلوة

شوفي اهوه شنو يحب وشني هواياته وشنو ناقصه
وانتي تعرفين شنو تشترينله
لأن كل ما كان الشي يحبه او محتاج له كل ما كانت الهديه احلى بنظره

 

[ArEEj]

رد: بناات ابي هديه حلوة

أحلى شي موبايل جديد
يستااااااااااانسون فيه
واهم شي التغليف وطريقه التقديم

وبالتوفيق ان شاء الله ​

 

[ريفيل]

احلى هديه

السلام بنات

ما ادري انا بالمكان الصحيح او لا عموما الخوات المشرفات ماراح يقصرون
المهم شرايكم كل وحدة تدش تقول شنو احلى هدية قدمتها لخطيبها.. زوجها ابوها.. اخوها حست انها كانت غريبة ومميزه واذا ممكن تكتب من وين خذتها وشلون غلفتها تدرون كل شي كتبوه بليييييييز العيد قرب ونبي تهدي ومحتارين
يالله ناطرتكم

 

[ii DareeN ii]

رد: احلى هديه

احلا هديه رجاليه شريتها حق اخوي يوم تخرج السنه الي فاتت من الضباط
شريت له مداس قوشي وبوك وحزام بس تحاططنا انا واختي

 

[ريفيل]

رد: احلى هديه

مشكورة دارين على المرور حلوة فكرتج
والباجي ما يعطون هدايا .. يالله نبي تفاعل اكثر ..افكار اكثر