بناات ابي هديه حلوة حق عيد ميلاد زوجي

[cawcaw]

رد: احلى هديه

انا شريت ست ديور (قلم وبوك) من روائع جنيف.. الصراحه هالمحل عنده سوالف حلوه وايد واذكر خذيت منهم بعد ساعة اقنر حق زوجي..والتغليف من عندهم بعد
لا ويعطونج هديه ثانيه بعد اذا شريتي بأكثر من 100 دينار يتروالي..
لكن البوك بعد جم شهر انباق.. وماحصلت منه بالكويت لان ما ينباع بروحه لازم يكون بالست كامل .. بس لما رحت الحج حصلت منه عند الجنادريه وعطاني ياه بسعر حلو والله وحطلي ياه بعلبه فخمه ..

 

[Shestylet]

رد: احلى هديه

ترى مدالية ديور الجديده وايد حلوة

 

[كويتية أصيلة]

رد: احلى هديه

بصراحه انا شريت ساعه وتلفون وجذيه سوالف

بس ليلحين ما سويت شي غريب .. الريال يحير مو مثل المره

المره اي شي حلو عندها بس الريال تقعدين تحوسين سنه وتتوهقين ما تدرين شنو تشترين له وهل راح يعجبه ولا لا

<<<<<< متابعه لهالموضوع وياليت تفيدونا بتجاربكم

 

[ضوى العيون]

رد: احلى هديه

بصراحه انا محتارة بس انا عطيت بنت خالتي فكرة شرت له ملابس

 

[ضوى العيون]

رد: بناات ابي هديه حلوة

طيب بنات ابي اعطيك شي يخليه وياي خصوصا اهو مسافر تقريبا على معسكر وابي الشي يحتفظ فيه ويكون مقبول ومايستهلك رفض ياخذ ساعه شنو برايكم

 

[ضحكة الدنيا]

رد: بناات ابي هديه حلوة

انا انصحج بالموبايل او الساعه فى اعتقادى الرياييل يحبون هذى الشغلات
والله يهنيكم ​

 

[ضحكة الدنيا]

رد: بناات ابي هديه حلوة

اهو رفض الساعه عيل اشترى بوك ماركه او خاتم او مصباح او غتره ماركه كشخه ​

 

[نبض المشاعر]

رد: بناات ابي هديه حلوة

حبوبه شوفي انا بعيد ميلاد زوجي الي طاف والله حتى اخوي الي ضبطني هههههههههههه
شوفي اشتري صندوق كبير شوي في ببوابه الهدايه صناديق حلوه
واخذي دشداشه لزوجج اكيد تعرفين خياطه الي يخط عنده بما ان الحين شتا اشتري له خامه شتويه وروحي الخياط يفصل لج على قياس الدشداشه
واخذيله ملابس داخليه يديده واخذيله جوتي يديد حتى جواتي الدو الي بستي سنتر السالميه احلى من شرق وارخص وفي حلوين
واخذي له شماغ وجمم عطر وحطيهم بالصندوق وحطي بالصندوق معاهم ورد وحركات
واذا تقدرين وميزانيتج تسمح لاني انا حطيت معاهم بعد ساعه كانت توها نازله بالماسه بس تهبل وشكلها غريب من داخل جنها شطرنج كانت بحدود الميه دينار والكل ساله عنها
وبيوم عيد ميلاده حجزي مطعم وانصحج بايام زمان الي بالشيراتون حجزي كبينه كباينهم حلوه وفخمه وجذبي عليه ان واحد من اهلج عازمكم وروحي وروحي هناك سوي المفاجئه والله زوجي وايد انصدم واستانس ولانه يدري ما احب اطلع بروحي فانصدم لاني مدبره كل هالامور ههههههههه الله يخلي اخوي ضبطني
والله يوفقج

 

[نبض المشاعر]

رد: بناات ابي هديه حلوة

صح نسيت اذا ميزانيتج ماتسمح للساعه اخذيله بوك ولا قلم وعندج محل قطوف الي بشرق عند لادوفين شغلاته حلوه ومو وايد غالي اسعاره زينه

 

[ضوى العيون]

رد: بناات ابي هديه حلوة

مشكورة حبيبتي ويبله والله
الانى بجد محتارة بخصوص الدشاديش عنه فل الكتب مطفح ويه للي قلتي عنه الانه مايخلي بس بجد محتارة والساعات مايحب يلبسهم وايد

 

[أم حمبوصة]

محتارة وابي رايكم في هديه عيد ميلاد زوجي بسرعة ولا تكشتون فيني بليز

السلام عليكم
شلونكم بنات كويتيات وشخباركم
أبي آخذ رايكم وأرجو ان تردون علي بليزززز

أبي هديه حق زوجي علشان (عيد ميلاد زوجي قرب) ومحتارة شنو اشتري له هدية ؟

وابي آخذ رايكم ومقترحاتكم في الموضوع .

ومشكورين مقدما .

 

[كاكاوة سايحة]

رد: محتارة وابي رايكم بسرعة ولا تكشتون فيني بليززززززز

ما عندي ريل :eh_s(6): ما حبيت أدش الموضوع بدون لا أرد بس من صج مادري شلي يعجب الرياييل....إن شاء الله البنات يفيدونج

 

[ضعيفه وعصله]

رد: محتارة وابي رايكم بسرعة ولا تكشتون فيني بليززززززز

و انـا نفس اللي فوقي ,,

بـس انا اقـول اشتريلـه سـاعـة ,, او بـوك أو عـطـر ,,

بس الاحلـة سـاعـة


​

 

[New Mum]

رد: محتارة وابي رايكم بسرعة ولا تكشتون فيني بليززززززز

وايد اوبشنز ..
موبايل
لاب توب
بلاي ستيشن
تذكرة سفر
غرفه باوتيل
بوك بيجاما
نعال
ساعه

 

[aBoOoRa]

رد: محتارة وابي رايكم بسرعة ولا تكشتون فيني بليززززززز

لرياييل يموتون على العطووورات اشتري له عطرات متنوعه وغلفيهم في باسكيت حلو مع افتر شيف وجذي

ينقل للقسم الخاص مع تعديل العنوان

 

[زهرة البيلسان]

رد: محتارة وابي رايكم في هديه عيد ميلاد زوجي بسرعة ولا تكشتون فيني بليز


في فكره دائماً احبها وافضلها وهي مصحف داخل صندوق عندنا بالسعوديه موجود في المكتبات الكبيره عاد ماادري اذا هو متوفر عندكم ... والوانه واشكاله حلوووه وجذابه
كاميرا ديجتال
إذا عنده كمبيوتر اشتري له اشياء يحبه وخاصه بالكمبيوتر مثل الطاوله اللي بمروحه للاب توب
الطقم اللي يوضع على المكتب
كبك .. عطر ..قلم .. مسبحه..خاتم.. ساعه .. مداليه ... تعليقه للسياره ..مجموعه كريمات ومعطرات
جوال
نظاره شمسيه
او اطبعي صورته وعبارات حلوه على كاسه او تي شيرت والبسيه:eh_s(9): خخ
او غلفي نفسك وقولي له انا الهديه:eh_s(3): لووووووووول

اتمنى اكون افدك ياقلبي

 

[om fahad]

رد: محتارة وابي رايكم في هديه عيد ميلاد زوجي بسرعة ولا تكشتون فيني بليز

وييييييييييييييه لي الحين تعطون رياييلكم هدايا
يبا كشخي له وتزيني وسويله كيكه قرص عقيلي وحطي عليه شموع
وبس كافي انج ذكرتيه عموما اذا حبيتي تشترين له الرياييل يحبون الماركه
يعني قلم ماركه ساعه والله انا زوجي استانس وايد لما جبت له ساعه

 

[@ دهن العود @]

رد: محتارة وابي رايكم في هديه عيد ميلاد زوجي بسرعة ولا تكشتون فيني بليز

روحى محل العطور واطلبى يسون لج سيييييييت كامل عطور باسم ريلج

 

[نورالدنياا]

رد: محتارة وابي رايكم في هديه عيد ميلاد زوجي بسرعة ولا تكشتون فيني بليز

تدرين شنو تسوين لفى نفسج بورق تغليف الهدايااا وقوليله
هذى احـــــــــــــــلى هديه لك

سويتهااا بعيد ميلاد ريلى بينى وبينكم كان ماعندى وقت اروح اشتريله هديه
سويت هالحركه وطلعت عجيبه

 

[الفرح كله]

رد: محتارة وابي رايكم في هديه عيد ميلاد زوجي بسرعة ولا تكشتون فيني بليز

اشتريله موبايل

او قلم ماركه وبوك واذا يلبس بزمات اخذيله مع البوك والقلم

او ست عطر رجالي وساعه

او حجزي ليله بفندق والباجي عاد عليج لول