خل اقولج سالفة على هالحبوب منها اغير جوج ومنها افيدج الله يسلمج انا بطبوطة وعندنا بالدوام مراقبنا شايب, من اول ماداومت واهو بس يشوفوني يقول سمعيني لا تاخذين حبوب سوي رياضة وامشي والله المشي يضعف والسباحة هاااااا هالله هالله بالسباحة ووالخ ويقعد يقرق على مخي ومخي يصدع والشباب والبنات يضحكون علي تخيلي لالالازم كل ما اشوفة يقولي هالقصة وانا لمن يطلع اقول تكككككككفون منو اشتكاله ماااااابي اضعف خلاص وكنت شوي اخذ بخاطري خصوصا لمن الشباب يضحكون ويه البنات مال طراق على ويوهم يدرون اسكت لان شايب بس اهمة يعرفون يصرفونة ,, المهم قصتة شنو ,, يقول : بنت اختي خذت حبوب من تايلند وضعفت عليهم وبعدين مرة وحدة دشت بغيبوبة او شغلة جذي اكتشفو من هالحبوب انهم ((( يرقاات )) بيض يرقات وبعدين يفقسون ويصيرون ديدان وياكلون الاكل وبعدين قامو ياكلون بجسمها والبنت توفت الله يرحمها )) فعشان جذي مسكين كل مايشوفني يحرجني فقير ,,, انتي قولي الحمد لله على كل حال مافيج عاهة وبصحة ان شاء الله دووووووم يارب وحبوب سيبو ترم عندي درزن منهم ماجستهم والسبب الي نصحتني تحن سيبو ترم وسيبو ترم وضعفت وووالخ يوم يبت منهم كمية وكبيرة قلت خلاص ابي اخلص عليهم بعد فترة دقيت عليها قلت يبت كمية كبيييرة تعالي خمطي الي تبينة ولا تيني تقول حطي بالج لاتاخطينهم انا قطعتهم قام يسببون لي صدااااااع قوي وارق ماااا اقدر انام وحاشتها حاله اكتأب والدكتور منعها ,, وكاهم بالدرج مقطوطين حتى ريلي يقولي بيعيهم اقول مستحيييل خلهم ديكور بس تخلص مدتهم اقطهم ههه
