بناات بلييز ساعدوني شرايكم بهالدكتووور ؟!

[Fa6oom]

هااي بنات شلونكم شخباركم

بنااااات بقيت اسالكم عن دكتور اشرف عبدالمنعم اللي بالسلام .. في احد مجرب عنده او سامع عنه ؟
انا حطيتلي موعد عنده بعد شهر تقريبا .. ورفيجتي قالتلي عنه اهي كان ويها حبووب واختهاا تقول نفس حالتي والحين ويهها صاافي ماشالله ووايد تمدحه لي وهذا اللي خلاني احط موعد عنده .. فانتو شرايكم؟

اناا اعاني من حب الشباااب وعالجت عند اوباجي اول مره بس بصراحه عفسوو ويهي وانا توني صغيره يعني مشكلتي حب الشباب وعطوني تقشييير وعفسووني وبعدها رحت حكومه عادي بصراحه راحوو الحبوب واستانست على النتيجه بس قبل الدوره باسبووع ردوو الحبووب بشكل مو طبيعي وحتى لما خلصت موجودين وقام يصير اثر حمره للحبوب :0bee2e8d89: والله تعبت وانا اجرب واروح ونفسيتي تعبت وكل ساعه اشوف وحده تمدحلي بدكتور والثانيه تذمه فشسوي وشرايكم بهالدكتور ؟

وبقيت احطلي موعد عند عيسى بشوور وطلع وااااايد بعييد بشهر 10 :eh_s(14): وانا ابي بشرتي تصير حلوه وصافيه قبل حفلة تخرجي باخر 6 وادري ان ما راح تصفي وايد لان راح اعتبر توني ببدايته بس على الاقل تخف :cxxxp:

واذا عندكم دكاتره ثانيه بعد عطوني بلييز واللي تقول عن دكتور وفيها مثلي حب الشباب تقولي شنو عطاها وواسعاره شلوون وعنواانه مره وحده بعد ومواعييييده ما تكون وااايد بعييييييييده

ادري طولتها وايد بس شسوي ابي احد يسمعني :cxxxp:
لاا تكشتووووووووووون فييني

 

[حناينq8]

مو سامعه فيه مع اني على طول بالسلام



بس عيسى بشور ما انصحج فيه نفسيه وكلش مو شي
سمعة على الفاضي

 

[ام--صالح]

اختي العزيزه انصحتش بمراجعة طبيب الحكومه الي كنتي تعالجين عنده عشان يشوف ليش ردت لتش الحبوب و اذا شاف انه حالتش تحتاج راح يوصف لتش دواء الاكيوتين و هذا الدواء وايد فعال و يصفى الوجه بس له أعراض جانبيه و لازم تآخذينه لمدة 6 شهور. و هذا الدواء ويايد مكلف حرام تشترينا من الخاص و هو يعطونا بالحكومه. كما تن الخاص راح يسويلتش و يعطيش اشياء و علاجات يمكن مالها داعي أنا جربت عيسي بشور و طلال العلي قالولي اني لازم اخذ هذا العلاج و انا ما سمعت كلامهم و رحت لغيرهم ضليت سنتين تروح الحبوب و ترجع و اهم يوصفون لي مضادات حيويه يخفون و هم يردون و اخرتها هم قالولي اخذي الاكيوتين فرحت الحكومه و كملت علاجي هناك. الحكومه عندهم كل الادويه حتى اذا ما احتجتي هذا العلاج راح يعطونتش الي الخاص بيعطيتش فليش تخسرين فلوستش يا اختي.
و الله انشاء الله يفكتش من الحبوب نهائيا.

 

[Fa6oom]

والله ما تدرووون شكثر ملييت الحين تقريبا 5 سنين وانا فييني يعني صج تعبت نفسيااااا نفسيتي صاايره XxX ماا احب اشوف ويهي من الحبووب
وانا الحين قاعده اراجع عند الحكومه بس هم ناطره موعدي عند اشرف وانشالله اشوف نتيجه
وانشالله الله يفكنيي منها
ثااانكس بنات ما قصرتوو

 

[ام--صالح]

حبيبتي ما دام صار اتش سنين و الحبوب وايد اخذي الاكيوتين ترى يريحتش و طلبيه طلب بالحكومه لانهم ما يصرفونه بسهوله لما يجربون فيتش كا انواع المضادات الحيويه.

 

[قمر المنير]

عزيزتي اذا قصدك اشرف عفيفي على حسب تقبل البشره للادويه وتقبلها للعلاج انا بصراحه ما فادنى ولدى كان وجه حب شباب عالج عند الحكومه نفس علاج د اشرف اوفر وارخص لان كل زياره ادفع من 80 الى 100 دينار والعلاج متوفر فى الحكومه ليش نخلى غيرنا يستفيد وبصراحه سويت نقوع مره قام يمسح وجه كل يوم وخف والفضل الله ثم المرة انصحك فيها