بناات كم تكلف سفرة استراليا؟

[AlZaina]

السلام عليكم
بنات صراحة شوقتوني على استراليا و حدي اشتهيت اروحلها بس حبيت اسأل كم تكلف السفرة اذا كانت لمدة 3 اسابيع للشخص الواحد ؟ و التذكرة بروحها كم تكلف ؟ و بكون شاكرة لكم

 

[AlZaina]

???

 

[zoba]

انا بعد اضم صوتي حق صوتج
حابه اعرف التكلفه

 

[om-rayan]

قووووه حبوبه ... انا رحت استراياابصراحه ديره ماتطوف عجيبه طبعاانا رايحتلها قبل سنتين تتراوح سعر تذكره مع السكن بين 750 الئ 800 دينار سعارهم كل مالها وترتفع فمادري على جم الحين وسعر التذكره ماقدر احدد لان على حسب طيران الي بتروحين له وعلى حسب دايركت او ترانزيت وانصحج اذا بتروحين روحي قرووب لان اونس لان سفره طويله ويبيله ناس وايد اونس

 

[[Q8TYA]]

اي حبوبه مثل ماقالت الاخت ام ريان انا رحتلها قبل 3 اسنين وديره حدها ماتطوف لانها عالم ثاني .. وانصحج تروحين مع اقروب لانه اليمعه اونس ولمن تكونون اقروب تطلع عليج سعر الرحلات ارخص .. بس على اساس سعر التذكره بروحها مادري والله لانه يختلف طيران عن طيران .. بس مع لقروب تطلع عليج جرب 800 شامل التذكره والفنادق .. وتدرين بعد ليش احسن ويا اقروب لانه استراليا ماينراحلها بروحها طريجها وااااااااايد طوييل ولازم اترانزيت ماتطلع دايركت من لكويت وانصحج تروحين اترانزيت اريحلج وطبيعي لترانزيت بيكون بدول شرق اسيا واغلب السفريات يكون ماليزيا استراليا بانكوك .. او سنغفوره استراليا بانكوك .. ويكون مدت الرحله 26 يوم

 

[تيجان الروح]

شوفي ياالغاليه احسن مافي استراليا انج تمرين على شرق اسيا بالروحه وبالرده وبتصير الرحله كويت-سنغافوره-سدني-جولدكوست-ملبورن وبعدين تايلند -كويت يعني رحلت عمر ما تطوف وبتكون التذكره مع الفنادق تقريبا 850 دينار اذا موزياده شوي لان كل شي غلا هالايام
والمصرف بيكون 1000 للشخص الواحد
وبالتوفيييييييييييق:eh_s(1):

 

[عروس الدنيا]

اتواق المصرف للشخص الواحد سكن و تذكره و مصرف و كل شي 1750ل 3 اسابيع

 

[QATAR QUEEN]

الي بيروح استراليا احلى مدينه الجولدكوست على الاقل 10 ايام واذا معاج عيالج ماراح تشبعون منها كل يوم رحلة
وسيدني حلوة بس حدها 4 ايام
ملبورن حلوة حق معاريس بدون يهال ماتصلح لهم

 

[AlZaina]

مشكورين واايد عالتوضيح و ما قصرتوا بس اشتنصوحون اروح مع اي سفريات ؟ لأني ولا مرة جربت اسافر مع قروب ؟؟

 

[AlZaina]

ييي حبايبي بعد بسألكم اي طيران تنصحوني اسافر فيه؟

 

[أمانيQ8]

انا اروح لها كل سنه لان عندي سكن اهناك واقعد فيها من شهر لي شهرين طبعا ماعندي سكن بسدني بس جولد كوست وقبل لا نشتري الشقه كانت اكلفنا من 5الى6الاف دينار انا وزجي وبناتي 3 الله يحفظهم استراليا حق اللي يعرف لها حلوه يعني فيها رحلات والرحلات اتكلف طبعا واحنا مصرفنا اغلبه على الرحلات..

اذا انتي تحبين تسافرين مع جروب راح تطلع ارخص لج بس احنا مانحب الجروبات لان دوم افكر مادري شنو نوعية الناس اللي بيكونون معانا ...افضل اروح بروحي ..بس اذا ميزانيتج عالقد روحي جروب واذا تقدرين اتسوبن لج جروب من اهلج هم ابرك واحسن على الاقل اتروحين مرتاحة القلب وعارفه اهلج واطباعهم

 

[أمانيQ8]

بالنسبه للطيران ماكو على الاماراتيه في طياره امخصصينها للرحلات الطويله استراليا من دبي لي سيدني 13ساعه اذا دايركت واذا اترانزيت اسهل لج واريح زوجي الله يهداه مره غلط وودانا دايركت بغيت اموووت من التعب وتخيلي يهااااال معاي وقاطهم علي واهو قاعد وراى غير مكانه ونفسه بخشمه والسبه ماكو تدخين ومااقدر احاجيه
حدي تعبت عقبها قمت اروح اترانزيت بس نصيحه لا اطبين تايلاند القذره بس نزلنا فيها بناتي طاحوا اصخونه وترجيه فايروس من جوهم الملوث
ترا طيران الامارات مال الرحله الطويله حده مريح كراسي كبار وكل شي يوفرون لج اس استفسار بالخدمه

 

[أمانيQ8]

نسيت اقولج بعد سيدني حدها5ايام وجولد كوست ما اقعد فيها اقل من21يوم اتهبل وان عزمتي انا بساعدج حتى بالاماكن سبق واني شرحت للأخت الحبيبه فات بالتفصيل ادور المشاركه واعطيج اياها

 

[أمانيQ8]

http://q8yat.net/showthread.php?t=110040&highlight=%C7%D3%CA%D1%C7%E1%ED%C7
هذا السايت انا شارحه كل شي بالتفصيل تفضلي وشوفي يمكن ينفعج

 

[بنت عبدالغني شربت]

هلا اختي التذكره بس من غير فندق تقريبا 400 الشخص الواحد مع الفندق تقريبا 850

والمصرف يعني كل شخص تقريبا 1200 اقل شي

 

[AlZaina]

اخت اماني ما قصرتي يعطيييج ألف عاافية تعيتج معااي بس شكلنا هونا ماراح انروح استراليا لأن بناخذ صيفي و انخلص 10-8 و رمضان 1-9 و لازم نرجع قبله بكم يوم فماراح يمدينا نستانس باستراليا فقلنا نشولنا دوله قريبة او دولة يكفيلها اسبوعين وكم يوم و انخلي استراليا المرة الياية , ويين تنصحونا انسافر ؟

بنت عبدالغني شربت مشكورة حبيبتي عالرد