بنات أخوي خطب وراح يملج بعد سبوع وفجأه تفركش الموضوع

[زيتونا كويتيا]

شلونك بنات

بنات اخوي خطب وكان راح يكون ملجته بعد اسبوع

ولا يقول حق امي كلمي امها ابي رقمها بكلمها طبعا هالشي يصير بيناتنه ولانه خلاص مابقه شي على الملجه فعادي تكلمه بالتلفون

المهم كلمت امها ووافقت واخوي خذه الرقم واتصل عليها

ولا ايي اخوي بعد جم يوم وقول حق امي بس خلاص فركشي الموضوع مابي اتزوجها

فقالت امي اشفيك بسم الله عسى ماشر قالها بس خلاص مابيها

ابوي وانا وامي قاعدين فقاله ابوي البنات مو لعبه عندك جم يوم ملجتك مع البنيه اشفيك جذي

قال حق ابوي يبا كلمت البنيه بالتلفون والوضع طبيعي بس سألتني سؤال كرهت البنيه

قال شنو وكلنه مستغريب قال يبا انا راح طاق بيتهم ومتقدملها وفضلتها على كل البنات

بس مع السوالف انا وياها تقولي سلوبك مبين عليك فاهم وتعرف تتصرف وتتكلم

بس مدام احنه بأول المشوار اذا انته حبيت من قبل او كلمت بنات
معاي انا لاتجرحني

ومستعده ماقصر معاك بشي :eh_s(10):

ولا يقولها اخوي انتي هبله

ولا تقوله نعم ؟؟؟؟؟؟؟

ولا يقولها يلا باي وصكره بويها

وهذي السالفه البنات

شرايكم منو الغلطان تتوقعون

واخوي مصمم ومايبيها ودقت امي وقالت حق اهل البنيه خلاص الله يوفقكم مافي نصيب

وتصكر الموضوع :eh_s(2):




​

 

[خالف تعرف]

وين المشكله \مافي نصيب

 

[Om_Ksha]

ماحس البنيه قالت شي غلط !!!

 

[الخـشـف~]

حتـــــى لو مافي نصيب

لازم في تفاهم

يعني هي حبت توضح شي

هو تسرع بكلمة هبله وسكره

ع الاقل يفهم منها : اهيا ليش قالت جذي !!!!

وبالاخير الي صار صار

والله يوفقه مع بنت الحلال

والله يوفقها مع الي تبيه





مشكوره

 

[الا يامطول صبري]

مادري مااظن قالت شي غلط؟!

 

[جولينار]

صراحة اخوك كبر السالفه مررره



يالله الي صار صار


الله يوفقها ويوفقه

 

[گـحِـلْ |~]

آلبنيه مآغلطت كلآمهآآ جدآ عادي !

شفيه أخوج ؟ حررآم عليه يسسوي كذا

 

[قمر^خالد]

ماقالت شي غلط .. اخوج تسرع

 

[عذبة السجآيآ]

البنت ماقالت شي غلط وحلو منها السؤال عشان يكونون متفاهمين من اول المشوار

خلي اخوج يراجع نفسه والله يكتب له اللي فيه الخير

 

[مناير ...!]

مسجينه من كثر ماتسمع عن البلاوي
حبت اتحط النقط على الحروف من اولها
اخوج الغلطان
والله يعوضها ويعوضه

 

[فديت منورة]

ربي مو كاتبهم لبعض

وهم اخوج غلطان

 

[%دانة%]

اللة يوفقها ويوفقة

 

[fdeet_shosho]

اهيا غلطانه بشغله وحدة بس وامها وياها انهم عطوا اخوج رقمها وكلمته قبل اى شي رسمى
اخوج ليش تفكيرة جذي هذا سؤال عادى وكل من سالت زوجها هالسؤال ولا بنات الناس لعبة اسولف ويا فلانه وعلانه وعقب مابيها شهالدلع
الله يرزقها ان شاءالله ويعوضها خير
بس لابغيتوا تخطبوله مرة ثانية لاتعطونه رقم البنية لايفشلكم بالناس

 

[BubbLe87]

اخوج غلطان أهي ما قالت شي و كان ممكن يتفهم الموقف بدون كلمة انتي هبلة عيب يعني

الله كريم الله يعوضها ان شاء الله و يرزق أخوج و لا يتسرع مرة ثانية

 

[ظل الياسميـن]

انا اقول اهي اللي غلطانه

شكووو اتقوله هالكلام ؟؟؟؟



اهو لو عنده احد من البنات جان ما تقدملها اصلا

وفرضا لو كان ما خذها وملج عليها

مع الايام والمعاشره وياه
بتعرف اذا كان يكلم بنات او لا

اصابع ايدينها مو سوا
في رياييل يكلمون بنات
وبعد ما تزوجوا الله هداهم وقاموا يحسون بالمسؤوليه البيت والمرا واليهال والمصاريف
وفييه ريياييل ما يكلمون بنات وعقب الزواج عدي وخربطي من كثر ما يكلمون بنات من سبة الايفون والبلاك بيري

وفييه رياييل دينين وصالحين ما يكلمون بنات لا بعد الزواج ولا قبل الزواج

جذي مني والطريج بتساله هالاسئله




:eh_s(1): :eh_s(1):

بنات صح كلامي ولا لا

 

[جــــود]

والله ماحس البنيه قالت شي غلط حرام مالومها من البلاوي اللي نسمع

الله يعوضها خير

 

[classicyah]

مآ فيهآ شيْ ،

البنت أكيدْ سآمعه و شآيفه تجآرب غيرهآ ،

و بغت تضمن مستقبلهآ ،

ليش زعل يوم سألته هالسؤآل . . ؟

بالعكسْ ، اذآ هو مآ عمره حب و لآ كلمْ ، يقولهآ لآ أنآ مآ حبيتْ و لآ كلمتْ ،

و حتى لو حبْ ، لآ يقولْ ،

هي بس كآنت تبآ تتطمن فقط لآ غيرْ ، مآ تبآ اتطيح على وآحد بآجر يخونهآ . .

فهميه هالشيْ ، يمكن يغير رآيه :/

 

[يارب اشرح صدري]

غلطان

 

[قمرية الفيس]

الله يعوضة

 

[وردة-الكويت]

البنت ماقالت شي غلط ومن حقها تسأل هسؤال من كثر البلاوي الي تكتشفها البنت بعد الزواج ان زوجها يحب وحده

او راعي خرابيط واخوج ماعنده سالفه ابد

واهو اول شي واخر شي الزواج قسمه ونصيب ويمكن تكون خيره له ولها والله يوفقهم اثنينهم