بنات أنا حامل وحيل تعبانة من الإمساك شسوي ؟؟؟!!!

[أنوثهـ حتى الثمالهـ]

السبانخ ..القراصيا..وبيبي توميتو
وكثري ماي كلهم زينين للامساك بس تأكدي انه كثرتههم ماتضر الحامل

 

[بـ سـ كـ وتـ ة]

رد : بنات أنا حامل وحيل تعبانة من الإمساك شسوي ؟؟؟!!!

واي ذكرتيني ... آنا حملت من أول شهر وظليت 3 أسابيع نوم مثل الأوادم ما أنام من هالإمساك

ارتفاع هرمون الحمل اهو سبب الإمساك

ويانا رمضان والصيام وتخربط الأكل وزاد علي

رحت الطبيب عطوني نوع أعشاب مثل الحبوب تحطينه بالماي ينتفخ وتشربينه بس حده يلوع الجبد

المهم آنا قلت مابي أتعود هالمسهلات بعدين أضطر أعتمد عليها

شوفي حبيبتي روحي الجمعية واخذي فواكه: كيوي برتقال خوخ ونكتارين ورقي كثري فواكه

وصوب الخضار اخذي الخضار اللي تحبينها خصوصا اللي أوراقها خضرا غامجة الجرجير والريحان والبقدونس بعد روعة

ولا تنسين البطاطة الحلوة غنية بالألياف والبوتاسيوم ووايد مفيدة حق الجسم وتنفع تحلين فيها بعد

واخذي بعد أنواع الخبز الأسمر وبسكوت دايجستف لأنهم غنيين بالألياف والألياف اهي اللي تمشي بطنج وعسل

الحين اللي عليج تاخذين باليوم من 3 إلى 5 حصص فواكه وخضار يوميا وحاولي تستمرين على هالعادة الصحية حتى بعد الولادة

في كل وجبة لازم يكون في يا إما خضار أو فواكه أو اثنينهم تفنني فيهم عشان ما تملين مرة بروحهم مرة سلطة

الحليب كلما تشربينه (تحتاجين بالحمل لتر يوميا تقريبا نوعي لبن وحليب وأجبان) ضيفي عليه عسل مو شكر وايد أفيد وزين حق البطن

وما عليه هذي نصيحة عالماشي بس ظللي الكلام (حبيبتي الحين مؤقت لين يخف الإمساك دهني فتحة الخروج وانتي بكرامة بفازلين عدل

عشان ما تتجرح المنطقة وتتعبين بعدين)

اي ونقطة مهمة ثانية بعد شربي من لترين إلى 3 ماي كل يوم مو شرط كله ماي المهم سوائل وطبعا ابتعدي عن الأشياء اللي تسوي لج إمساك

مثل الروب والسفن أب والبطاط يعني فترة بس عشان ما تتعبين

أدري طولت عليج بس قلت لج كل اللي أعرفه

​

​

​

 

[احب المنتدى]

رد : رد: بنات أنا حامل وحيل تعبانة من الإمساك شسوي ؟؟؟!!!

اكلي برتقال احسن من العصير

صح

هذا الي كنت بقوله
و عيدكم مباااااااااااااارك

 

[غلا ماجد]

حبيبتي حاسة فيج الله يعينج
انا صار فيني شرخ و يصب دم حسبالي بواسير قالت الدكتورة هذا من الامساك و عطتني ملين

 

[قشطـــة]

رد : بنات أنا حامل وحيل تعبانة من الإمساك شسوي ؟؟؟!!!

الله يعينج والله
الامساك مووووشي بالحمل ياربي

جربت كل شي ولا فاد غير شي وااااااااااااااااااااااااااااااااااااااااااااااااااااحد بس
البرتـــــــــــــــــــــــــــــــــــــــــــــــــــــــــــــــــــــقال
بعد الفطور اكلى برتقاله وبعد الغدا برتقاله وهم بعد العشا برتقاله وانتي والخير واااااحد ,, لاتقولين عصير برتقال ترى مو واحد جربت لعصير بس مو نفس ماتاكلين البرتقاله نفسها

والله يرزق الجميع ان شاالله

 

[_Pure_]

في وايد ادويه ملينه بالصيديله للحوامل

مثل سلسنيوم في محل جي ان سي و صيديلة دار البراء
و يوكاربون في الصيدليات

انا ما استغني عنهم

 

[قبيطه]

عليج بالسمسيه وماى وشكر وادعيلى انا نفسج لما كنت حامل ابجى من الإمساك

 

[مرايــــــــم]

كثــــــــــري سوائـــــــــل واشربــــي عصيــــــــر برتقــــــــال

 

[سموره 87]

اختي حامل وقالتلها دكتورتها اكلي آراسيا من الرفاعي يلين البطن حيييييييل

 

[كـ غلا ــلي]

شربي عصير برتقال اكلي عنب وتين كثري خضار

شربي ملي دافي عالريج فعال واايد

 

[*فدك*]

انا الدكتوووره واصفتلي شراااب..بس هم مو دايما ينفعني مع انه وااايد ناس ينفعهم...اكلي برتقال..شربي برتقال...اكلي بطيخ او رقي..هذولا الي اعرفهم يمشووون البطن...

وان شاء الله اكون فدتج بس اذا الاكل ما قاعد يلين بطنج قولي للدكتوره يمكن توصفلج شراب نفسي او شي ثاني

 

[واقعيـــة]

رد : بنات أنا حامل وحيل تعبانة من الإمساك شسوي ؟؟؟!!!

عصير البرتقال أختي زمزم

وكثره السوائل عمومًا .. الله يتمم لج حمالج ويسعدج باللي اتمنين

ويرزقج الذرية التامه المتعافيه الصالحه .. اللهم آمين