بنات ابي رايكم ؟؟؟

[روحها لكويت]

السلام عليكم


بنات أنا تعودت أنام على صوت القرآن بقناة المجد وايد أرتاح زين وين المشكله المشكله صرت ما عرف أنام

إلا على صوت القرآن وزوجي يكسر خاطري ماقدر أخلي التلفزيون شغال صرت أسهر وانطره يروح لدوام

أروح أشغل التلفزيون واحط القناة وأغط بالنوم واقعد متأخره بسبب السهر وحاسه بتقصيري وايد أمس نمت الساعه 9 الصبح

وقعدت من النوم 2 الظهر وللحين قاعده يعني 18 ساعه ناطرته يروح لدوام عشان أشغل القناة وأنام .


زين شنو الحل ؟

 

[الحور العصيمي]

حبيبتي سهله مشكلتج
هههههههههههههههههه


إسمعي قرأأن من نقالج بالسماعات وبجذي ماراح يسمع

 

[روحها لكويت]

ماقدر القرآن يظل شغال طول ما انا نايمه جربتها

ما قدرت على الحركه والنقال بطايه تخلص بسرعه

مشكوره على مرورج أسعدني وايد

 

[رنه خلخال]

نفس الحاله بس الفرق انا مو متزوجه ما اعرف انام الا على صوت القرآن احط على قناه العفاسي انزين خلي راديو صغير يمج وحطيه على اذاعه القرآن وقصري على الصوت او تدرين خليه يتعود ان ينام على صوت القرآن نفسج موفقه حبيبتي

 

[دنياالوله]

اخذي من يوريكا
جهاز صغير معاه هدفون
حلو مجربته

 

[روح مغليهآ]

سمعي جذي نص ساعه بعدين صكيه وروحي فراشج حاولي تغيرين هالعاده بالتدرج

 

[روحها لكويت]

شكرن خواتي لى ردودكم وبشوف أنسب حل لي ان شاء الله

صراحه روعه النومه على صوت القرآن ويكون قراءه بصوت هادي شعور لا يقاوم

 

[تنـــاســـانــي]

ماشالله عليج ،، اذا تقدرين عوديه حتى اهوا ،،

بس في جهاز صغير على شكل المصحف الكريم في كل سور القرأن الكريم ،، والله انا ياني هديه بس مادري وين ينباع ،،

حتى حجمه اصغر من كفه الايد و معاه هاند فري صغيره ،، سألي وين ينباع و اشتريه

وعسى الله يثبتج و يعينج على ذكر الله و طاعته

 

[ام القطيوه]

مثل ما قالوا البنات

اشتري الجهاااز وتدريجياً خفي من هالعاده

وسلاااام

 

[بيرشكا]

كل شي بالتعود ينحل

اسمعي قبل النوم وبعدين سكري ونامي

 

[دنيتى زوجي M]

والله نفس حالتى بالظبط حتى انا انطر ريلي يروح الدوام عشان احط قناة المجد وانام ..!!
بس انا دايم اضغط على نفسي عشان ماطول بالنومه بس تصدقين شكلى بشترى اللى قالو عنه البنات
واذا جربت بقولج

 

[ام الدرر]

ماشالله عليج ،، اذا تقدرين عوديه حتى اهوا ،،

بس في جهاز صغير على شكل المصحف الكريم في كل سور القرأن الكريم ،، والله انا ياني هديه بس مادري وين ينباع ،،

حتى حجمه اصغر من كفه الايد و معاه هاند فري صغيره ،، سألي وين ينباع و اشتريه

وعسى الله يثبتج و يعينج على ذكر الله و طاعته

اسم الجهاز اقرأ صج روعه وفيه عدة مقرئين العفاسي وسديس وشريم والغامدي
وفيه تفسير القرآن كامل وصحيح البخاري كامل (احاديث) وفيه الاذان وادعية واذكار
يعني صج روعة حتى احيان عيالي ياخذون يحفظون منه السور
ارخص واحد ب26 دينار وفيه اغلى منه بس انا خذيت هذا وفيه كل شي
تحطينه يمج وتقصرين على الصوت
تلقينه باغلب محلات اللي يبيعون تسجيلات اسلامية
انا خذيته من جمعية كيفان فوق
عسى الله يثبتج على طاعته ​

 

[المكسيكيه]

حبيبتي خفي هل الشي تدريجيا

 

[روحها لكويت]

شكرن خواتي على مشاركتي

وان شاء الله بشوف طريقه صحيحه تريحني

موفقين حبيباتي