بنات ابي مساعدتكم بشي ضروري جدا الله يخليكم

[حواء الكون]

اختي تحس بآلالام بصدرها من فتره طويله ورافضه تروح تفحص للأسف وانا خايفه عليها

وانا اسألكم عشان اقنعها ارجوكم ابي اعرف وين المفروض تفحص على سلامة الثدي؟؟


اي اضمن مكان احسن مكان وياريت يكون التعامل راقي

وابي اعرف عن طبيعة الفحوصات عندهم ؟ لو اي وحده جربت منكم بليييييييييز

لاتطنشون هالشي ضرورررررري

وهل لازم شرط يكون الصدر عاري لان لو السالفه جذي مستحيل راح تفحص !!!!!!!!

حتى لو كانت ممرضه ماترضى

فعطوني الحل البديل

 

[دكتوراة بالذوق]

مشاركة: بنات ابي مساعدتكم بشي ضروري جدا الله يخليكم

يااحيااتي مالها شر ,, تفائلووا بالخير ان شاء الله مافيها الا العافية ترى يمكن فيها شد بعضلات القفص الصدري لا تخاااف

وياليت اقدر اساعدج بس انا شايفة موضوع اليوم على ما اعتقد بقسم النساء يتكلم عن نفس المشكلة والبنات رادين


سوي بحث عنة

 

[دكتوراة بالذوق]

مشاركة: بنات ابي مساعدتكم بشي ضروري جدا الله يخليكم

http://www.q8yat.net/showthread.php?t=26708


خلاص طلعت لج ...

طمنيني عليها

 

[سارا ديور]

مشاركة: بنات ابي مساعدتكم بشي ضروري جدا الله يخليكم

يااحيااتي مالها شر ,, تفائلووا بالخير ان شاء الله مافيها الا العافية ترى يمكن فيها شد بعضلات القفص الصدري لا تخاااف

ماشالله عليج يابنت الأحمدي

مره يت لي نفس الأعراض ولما رحت للدكتوره قالت لي رحمج مايل وشاد معاه عضله


ماتشوف شر إختج حبيبتي حواء الكون

أنا عن نفسي رحت للدكتوره مرفت سعود الصالح إستشارية جراحه عامه

وإستشارية أورام ثدي سوتلي سونار على صدري وسوت لي الإختبار

الذاتي

وتعطييج شي مثل الثدي على شكل ربل علشان توريج إشلون تعرفين إذا فيج شي زين ولا مو زين

دكتوره شاطره كل يقابلونها في برنامج صحتك وكذا مره عرضو لها وهي تسوي عمليات

ودكتوره تدرس بالجامعه

مكانها

الجابريه ... عمارة إللي فيها زهور رشا ومطعم التاوه الكويتيه

وطمنينا عاد على إختج وما تشوف شر

 

[حواء الكون]

مشاركة: بنات ابي مساعدتكم بشي ضروري جدا الله يخليكم

بنت الاحمدي يامال العافيه اي والله ماقصرتي عسى ربي يحميج ويوفقج من كل شر

سارا ديور

مشكوره لاخلا ولاعدم ياقلبي

ممكن تقولين لي عن السونار والاختبار

اشلون كانت الاجراءات واشلون سويتيها وهل كان في احراج لان اختي وانا عارفتها لو فيها تفصخ ويكون

عاري صدرها والله ماتخضع للفحص وانا خايفه عليها ماتتخيلين اشكثر حاولت فيها لكن رافضه

فابي منج تطمنيني لو كانت رافضه هل هالدكتوره بتقدر خجلها وتفحصها بطريقه بدون ماتمر بهالموقف الصعب

وياريت رقم تلفونها عشان اعرف منها مكانها بالضبط ين صار.. واسم العياده ؟؟ بليز

والله انج ماقصرتي بيضتي الويه ياعسى ربي يوفقج وين ماتكونين ياحبوبه

 

[omneyaty]

مشاركة: بنات ابي مساعدتكم بشي ضروري جدا الله يخليكم

ما تشوف شر و ما عليها الا العافيه ان شاء اللَه

انا سويت فحص حطوا صدري بين حديدتين وصوروه بالاشعه وهي مخصوصه للصدر

كثر ما كنت مخترعه بس الحمد لله كانت سهله الخوف كان اصعب


اختج خل تروح ويمكن ما تحتاج حق هالاشياء هي جم عمرها

 

[أنا وين ؟؟]

مشاركة: بنات ابي مساعدتكم بشي ضروري جدا الله يخليكم

مشالله البنات ما قصرو .. وما تشوفون شر

 

[خبيرة اعشاب]

مشاركة: بنات ابي مساعدتكم بشي ضروري جدا الله يخليكم

انا مسويه ماموغرافي قبل 7 سنين يمكن
يحطون صدرج بين حديدتين ويضغطونه حيييييييييييل ...
و سويت السونار مؤخرا قبل سنه و نص يمكن و الي يسونه طبيبات ...و الحمد لله كان عادي و طلع مافيني ش الحمد لله
بس ترى الالم بالصدر مو لازم يكون فيها شي ..لازم اتحسسه اتشوف في كتله نفس الكورة و لا لا ..
و ان شاء الله ما فيها الا العافيه و طمنينا عليها عاد

 

[إشراق]

مشاركة: بنات ابي مساعدتكم بشي ضروري جدا الله يخليكم

ما تشوف شر اختك
طمنينا عليها
البنات قبلي ماقصروا في الرد

 

[حواء الكون]

مشاركة: بنات ابي مساعدتكم بشي ضروري جدا الله يخليكم

مشكورين وايد بنات والله ماقصرتوا والله

بس هم سؤال سألأته مارديتوا الصدر لازم يكون عاري ؟ يعني تفصخ ؟ وتلبس الحديده والا اشلون ؟

وتكونون بروحكم والا جدام الدكتوره لان لو السالفه فيها تفصخ اختي ماتسوي الفحص

بلييييييز ردو انا خايفه عليها

 

[om hasoooooooooon]

مشاركة: بنات ابي مساعدتكم بشي ضروري جدا الله يخليكم

ماتشوووووووووووف شر اختج انشالله ماكو ر العافيه

 

[خبيرة اعشاب]

مشاركة: بنات ابي مساعدتكم بشي ضروري جدا الله يخليكم

لا لا
تذخلين غرفه و الحديدتين اتحطين صدرج على وحده و التانيه تنزلها عليج الدكتوره ....و تضغطها و بعدين تروح ذاخل اتشوف في الجهاز الي عندها
و بعدين ليش اختج تستحي ..الي اختشوا ماتو ...و هذا علاج و مره نفسها يعني ما فيها شي؟؟

 

[حواء الكون]

مشاركة: بنات ابي مساعدتكم بشي ضروري جدا الله يخليكم

والله تستحي يا اختي شسوي آنا ماقدر اغير الوضع

بس ماقلتي لي تفصخ والا من فوق الملابس يصير الفحص ؟ يعني بالعربي لابسه على صدرها شي والا ولا قطعه ؟

وهل اهو اجباري لان بجذي بتهون

 

[دكتوراة بالذوق]

مشاركة: بنات ابي مساعدتكم بشي ضروري جدا الله يخليكم

حواء الكون .... الله يعين اختج على الولادة بعدين

والله عادي اهم تطئمن على صحتها