بنات ابي مساعدتكم مكياج منيرة الفرج والا رشا شيك ؟؟؟

[يالبي عيونج]

رد : بنات ابي مساعدتكم مكياج منيرة الفرج والا رشا شيك ؟؟؟

حبيبتي منيرة الفرج اسعارها وااااايد غالية بدزلج رقم خبيرة مكياج شغلها يهبل ومتدربة عند خبير التجميل اللبناني احمد القبيسي ومكياجها اينن وبتدعين لي انشالله
هذا رقمها 97525177

 

[ام شووووق]

رد : بنات ابي مساعدتكم مكياج منيرة الفرج والا رشا شيك ؟؟؟

اب لعيونج

 

[نونا الفل]

روحي حق سارة اسمر مكياجها يشوق وااااااااايد راقي وكانت تشتغل برشا شيك واسعارها زينة اذا تبين ادزلج رقمها

 

[yam_yam]

رد : بنات ابي مساعدتكم مكياج منيرة الفرج والا رشا شيك ؟؟؟

منيره الفرج
مكياجها انعم و خاصه الفاونديشن عجييييييييييييييب

 

[G!RLooNa]

انا ماجربت ولا وحده منهم بس من حجي اللي جربوا ال2 اقول منيره

رشا تهول + نفسيه + ما يلتزمون لا بالوقت ولا باللي انتي حاجزه عندها + يقطون على صخر

نفس البنت اللي حطت قصتها يوم عرسها راحت طلعتلها الساحره رشا يا تسوين ميك اب وشعر عندنا ولا ماراح احطلج واهيا دافعه عربون وحاجزه على اساس ان ميك اب بس ما تبي شعر الحقيره قطتها على صخر يوم عرسها صار الظهر والبنت مولاقيه صالون تسوي شعرها ومكياجها

 

[ضحاوي الديره]

صج صج صج صج لولا اختلاف الأذواق لبارت السلع شفت مكياجها على رفيجتي حددددددددددددددددددددددده ناعم صج حلو بس حيل ناعم وبرايي ان مايصلح لعروس لأن بس ايلاينر وحمره حمرا ولو لقيته بخمس دنانير ماراح اسويه
اذا ابي نفسه اسوي بالبيت احسن لي
انا امووووووووووووووووووووت بالناعم بس ناعم لي هالدرجه وعلى عروس كلش ماحب
انصحج بليلى اسمر اذا تحبين الناعم او ليلى هارموني

 

[_مزون_]

رد : بنات ابي مساعدتكم مكياج منيرة الفرج والا رشا شيك ؟؟؟

رفيجة اختي حاطة من منيره الفرج بعرسها جنة مكياج بيت

حدة نااااااااعم جنة انتي حاطتة .....

الله يوفقج

 

[*^ *الليليم]

روووحي شــــــــــــــووفي اللي يعجبج
:
:
:
و اذا تبين جربي منيرة للملجه ........ بس لا تقوليلهااا ملجه (خلج عادي) بس طلبي تزيد لج شغلات .. عشان لا تاخذ زيادة فلوووس لأنه ما يسوى وااايد غالي ^^

و اذا اعجبج روحي لهاا حق العرس << بس الحين قوووليلها عرووووس لوووووووول


اذا يعجبج هالستايل جربي زهراء القاسم (مريهااا بعد)

 

[ريهانا]

الاء دشتي مكياجها وايد حلو

 

[HeSsaa]

رد : بنات ابي مساعدتكم مكياج منيرة الفرج والا رشا شيك ؟؟؟

شوفي حبيبتي
منيرة الفرج : انا شايفه عرايس واايد مسوين عند منيرة الفرج البنت شغلها ناعم و راقي و حلو بس بصراحه مايصلح لعروس
يعني العروس لازم تكون غير عن الموجودات ولازم تكون فيها زهوة العروس
مكياج منيرة الفرج سموكي اسود خفيف و حمره حمره و بس !! يعني تقدرين انتي تحطين هالمكياج مافيه زهووة العروس ؟؟

الاء دشتي : حطيت مكياج ملجتي عند اختها فاطمة وااااايد حلو و ناااعم و راااااقي

رشا شيك : انا سويت مكياج عرسي عندهم عند منار والشعر عند منيرة جنه !! بس والله العظيم الكل الكل الكل يتكلم عن مكياجي و تسريحتي
على قولة رفيجة امي انا اول مرة اشوف عروس راسمين عيونها صح ومواعيدهم مضبوطه بس هااااا (( لازم تقوليلها شنو تبين بالضبط والافضل تيبين لها صوره عشان تعرف شنو ستايلج )) وانا عن نفسي سويت هالستايل بالضبط

 

[rossiyaa]

يعطييييييييييكم العافيه

بس بصراااااحه ضعت مادري وين اروووح :'(

خرعتوني شكلي بهون عن منيره الفرج
ابي شي يطلعني عدل مو مكياج بيوت بو كحله وحمره

وحنان دشتي محد مدحها لي هم قالي سفير البستكي نفسيه
:'(

يعني اروح رشا شيك وامري لله

 

[حلا القادسية]

برايي انا دام ملجة حطي بلمست فن انا حطيت هناك وااايد حلوو مكياجهم امااا منيرة الفرج ورشا شيك ماجربتهم

 

[نيو سيدنى]

:n2006107::n2006107:

 

[Peony]

رد : بنات ابي مساعدتكم مكياج منيرة الفرج والا رشا شيك ؟؟؟

والله البنات ماقصرو معاج
الناس اذواق
رشا شيك عندي حلو وزهراء القاسم
اما منيرة الفرج نفس مستوى ليلى هارموني حرااام والله فيهم الفلس حده ناعم جنج حاطته فالبيت مو طلت عروس بالمرة
وانتي وذوقج
وموفقة باختيارج ان شاء الله

 

[catwiti]

منيره الفرج الكل يقول مكياجها وااااااااااااااااااااااااااااااو و يقولون تعتمد على رسمة الاي لاينر ومكياجها من بعيد مايبين الا الاي لاينر عيل شلون وااااو ؟ مشكله لازم تروحين وتشوفين بنفسج بالنسبه لمنييره الفرج لانه ماكو صور وكله على مدح البنات وغالي فلازم انتي تحكمين اذا يسوا تدفعين هالسعر على مكياجها ولا لا
وعندج الاء دشتي مكياجها حلو وناعم
بس رشا شيك وايد اسمع انه مكياجها مو شي واوفر يعني عكس الصور الي تحطهم مادري ليش :cxxxp:

 

[نيــــروز]

والله حتى انا مادري ,,,

رشا شيك مادحينها لي و حنان عاجبتني اما منيره الفرج ودي اشوفها

انا اقول روحي وشوفي بنفسج

 

[*الليدي نوني*]

بجم اسعار منيره الفرج وياريت صور لها اذا عندكم

 

[ذهبه غاليه]

الله يعينج الف رأي ورأي
راح ادوخين
حبوبه انا اقول روحي بنفسج وشوفي واحكمي
وصراحه اذا منيره الفرج اسعارها جذي حررام والله ربي راح يسألج عن هالفلوس
سوي بسعر معقول ومتعارف عليه
انا عن نفسي تعجبني حنان دشتي وعلى الطلب اللي انتي تبيه
والفاونديشن عندها رووعه
وبالاخير القرار لج لازم تشوفين وتقتنعين باللي تبينه
والاهم من هذا كله استخيري وتوكلي على الله
موووفقه يارب

 

[sweet-kamelia]

انا حاجزه بعرسي عند رشاا شيك
ميك اب مدام فائده
شعر مدام فوزيه

وانتي رووحي لهم وشوووفي وكل شي يحطونه لج على طلبج

والله يتمم لج على خير

 

[sweet-kamelia]

اممممم
حبيبتي اذا ملجه موولازم تقولين لهم عشان ماياخذون زياده عليج
عادي مكياج وشعرر او تسريحه