بنات اصغر منج واحملو وانتي اشسالفتج للحين مو حامل ؟!!!!

[أحساس مجروحهـ]

شتقولين لي صارلي ۳ سنين
طوفي حبيبتي وربي يرزقج

بعد عمري والله


صابره والنعم بالله

مشكوره ياقلبي على ردج وعسى ربي يرزقج بالذريه الصالحه يااااااااااااااااااااااااااااااااااااارب ويرزق كل محرومه وتبي عيال

 

[نبض انثى]

استغفر الله ,,

هذا شيى بيد رب العآلميييين

كل يحنووون جنهم الحين اهما الي بيربووونهم

<< عصبت

الله يعييننج حبيبتي عليييهم ,, والله يرزقج عاجلا غير آجلا عشان بس تفتكييين من حنتهم

موفقه

 

[وحيدة المشاعر]

رد : بنات اصغر منج واحملو وانتي اشسالفتج للحين مو حامل ؟!!!!

الله يرزقج ويرزق بنات المسلمين الذريه الصالحه
وحبيبتي عطيهم طاااف وإذا عن زوجج قوليله ماصارلنا جم شهر عشان نجيب لنا عيال ..
وبعدين محد يتحمل الشقا والعيال غيرج يعني لاحقين عليهم اهم شي استانسوا دامكم معاريس وشفتي هالناس اللي تحن عليج ماراح يشقون ويتعبون ويربون عيالج عنج..
وهذا الشي طبيعي واسألي الدكتورة عالأقل لين يصيرلكم سنه وشهر ذيك السنه روحوا راجعوا...

وعسى الله يرزقكم من عنده ...

 

[آلله يسآمحك !]

رد : بنات اصغر منج واحملو وانتي اشسالفتج للحين مو حامل ؟!!!!


رجلج وآهله للآسف مآيعرفون آلآيمآن بآلله

ومو مؤمنيين بآلقضآء وآلقدر وآن هآلشي من آلله


مآ آقول غير آلله يهديهم ويخسر قلوبهم لج


وآنتي طنشيهم بعد شتسوين شي مو بيدج ؟!

وآلله يرزقج يآرب


××

 

[ورده الكرستال]

رد : بنات اصغر منج واحملو وانتي اشسالفتج للحين مو حامل ؟!!!!

قوليلهم الطفل قاعد يفكر متى يتكون يعني محتار شوي هالسنه ولى السنه الجايه<<امزح مو تقولين لهم

شوفي حبيتي اذا اسئلوج قولي الله كريم

استغفرالله يعني هذاشي بيد الله

ومب لازم يعرفون اذا عليج الدوره صج الله يعينج ويبلغج عن قريب انشالله

 

[أحساس مجروحهـ]

الحمدالله والشكر
الصراحه اهم وزوجج يرفعون الضغط ليش اهي عصى سحريه تقولين لها خلينا احمل تحملين
جعميهم ووقفيهم عند حدهم
شكووو يربي وزوجج قوليله تونا لنا شهر نعتبر متزوجين وتزعل علي ليش اهو امسح على بطني احمل
هذا لو لج سنه شنو يسوون فهمي زوجج اذا احد سألكم قولوا تو الناس لاحقين عاليهال والزيطه تونا معاريس
والله يعينج وترى النفسيه لها دور بالحمال

اي والله صج الحمدلله والشكر على عقلياتهم

الله يهديهم ان شاءالله

انا ماودي صراحه الحينابي لم استقر
لان احنا الحين ساكنين مؤقت مع حمولتي

يعني يمكن نطلع ولا نعيش بديره ثانيه

عشان جي مابي الحين

ع الاقل سنه خل تمر وشفيهم مستعيلين

بس منو تفهمين ؟
ناس اعقولها مو راضيه تفهم وتقتنع !

مشكوره حبيبتي على الرد

 

[q8ya حتى النخاع]

رد : بنات اصغر منج واحملو وانتي اشسالفتج للحين مو حامل ؟!!!!

هلا حبيبتي لا تضيقين خلقج هذا اولا واخيرا امر بايد ربج بعدين انا رايي قبل لا تشوفين حل حق حماتج لي عطالعه والنازله تغثج بكلامها اختاري وقت يكون فيه ريلج مزاجه حلو و باله هادي وسولفي وياه اعتبريه الزوج والحبيب والاخ والصديق حسيسه برجولته حسيسيه انج صرتي مسؤوله منه و هو سندج بالحياه لان بصراحة واسفة على الكلمة مجرد انه يقلج ((انا زعلان منك ليش انج مو حامل !!!)) قمة في الاستعباط والسطحية هذا يبينلج لاي درجة اهو متأثر باهله حاولي تخليه في صفج حاولي تحسيسيه بكل مشاعرج علشان لمن ايي ليوم لي حماتج ترجع تفتح الموضوع مرة ثانية تلاقي ولدها يوقفها ويدافع عنج:hearting:

 

[مكاييل]

الله يكون بعونك يارب

واذا تبين الحمال الله يرزقك يارب شدي حيلك اول ايام بعد الدورة

 

[أحساس مجروحهـ]

انا مثلج الحين 3 سنوات ونص واهله يعايروني ويتطنزون علي اني ماحملت والله حتى اذا انا بالغرفه يتعمدون يطولون صوتهم عشان اسمع اني ما احمل والشي بيد رب العالمين وانا الحمدلله حللت مره قالت لي الدكتورة مافيج شي وقالت لزوجي يحلل لكنه مايبي يقول انه عنده اعيال قالت له الدكتوره يصير اللي عنده اعيال يصير له ضعف الله يرزقج ويرزقنا ان شاء الله

ياقلبي

ماعليج فيهم

سمعي منيه وطلعي من اذنج الثانيه
الله يعينج يارب
ويرزقج بالذريه الصاااااااالحه ان شاءالله

 

[فراشة الرغد]

رد : بنات اصغر منج واحملو وانتي اشسالفتج للحين مو حامل ؟!!!!

اتفقي وي ريلج تقولون انكم ماجلين الحمل اشوي
ما مداكم تتهنون توكم معاريس..
بس عشان يسكتون عنكم ولا يتدخلون ..
واذا حد قالج شي ابتسمي وسكتي ..
والله يرزقج بالذرية الصالحة ترى صج مامداج
تو الناس ..

 

[تكفيني آلذكري~]

رد : بنات اصغر منج واحملو وانتي اشسالفتج للحين مو حامل ؟!!!!

الله يعين يباا تو النااااس عليج الناس تراااجع عقب اول سنه
الله كريم وربي يرزقج ان شالله بالذراايه ولكل محروووم

 

[ام شووووق]

رد : بنات اصغر منج واحملو وانتي اشسالفتج للحين مو حامل ؟!!!!

قوليلهم شسوي اجيب ياهل وادعسه ببطني
شفيهم هذول

اوقوليلهم انتو احسن من ربنا ؟؟؟؟؟ هذا حكم ربي

 

[@ بنت النـور @]

رد : بنات اصغر منج واحملو وانتي اشسالفتج للحين مو حامل ؟!!!!

الله يعينج


انا رايي من الحين وقفيهم عند حدهم ,, احسن من انج تقعدين طول عمرج يتحكمون فيج



الله يعيييييييييييييييييييييييييييييييييييييييييينج ,, طلعي بشقة بروحج احسن

 

[أحساس مجروحهـ]

رد: رد : بنات اصغر منج واحملو وانتي اشسالفتج للحين مو حامل ؟!!!!

الله يعينك
حاسه فييييييك

تسلمين ياقلبي
ويعين الجميع
مشكوره والله

 

[عضوة ذهبية]

رد : بنات اصغر منج واحملو وانتي اشسالفتج للحين مو حامل ؟!!!!

يابعد قلبي والله ضيقتي خلقي عليج ،،، حبيبتي ياما راح تسمعين وتشوفين بس انا اشره على ريلج شلون يقول انا زعلان علشان ماحملتي ؟؟؟؟ ليش الحمل نشتريه من الجمعية ولا هو كتبة ربي العالمين ،،، حبيبتي خلج قوية وواثقة من نفسج بعدين كلها 6 شهور مو 6 سنين وعلشان ترتاحين وتريحين راسج كل مافتحوا هذا الموضوع حسسيهم انج متضايقة وان هالموضوع خاص فيج بس بطريقة غير مباشرة ،،، يعني خلي ردودج كلها الله يكتب اللي فيه الخير او انشالله خير يعني لاتعطين حق ولا باطل بهالطريقة انشالله بيحسون ،،،، وانشالله عن قريب تبشرينا بحمالج يارب العالمين

 

[ام احلى خلودى]

واااى حبيبتى الله يكون بعونج على جذى اهل وجذى اسئله ,,,,, واذا اسالوج متى تحملين قوليلهم لما الله يكتب ولاتضييقين خلقج بهل موضوع ...ولا تفكرين واايد بموضوع الحمال لان السالفه عكسيه كل ماتفكرين كل مايتاخر الحمال والله يرزقج ياقلبى

 

[بالقرآن اسمو]

الله يعينج أنا انقهرت
بس بصراحه حييييييييييييييييل معطيتهم وجه
خير ان شاءالله جايبه التحليل تبيني احلل
والثانيه تحسب
صج مشفح ترى كثر ما يحطون نفسهم بالشي ما يجي
انتي ريحي بالج وطنشي

 

[اختكم بالله]

طوفي حبيبتي اذا سالوج قولي الله كريم بس

الله يرزقج بالذريه الصالحه يارب

 

[شمس 20]

قوليلهم من حنتكم ماراح احمل استغفرالله

لووووووووووووووووول انتي خطيره

يا حلو ردج

 

[أحساس مجروحهـ]

مشكورين خواتي كلكم على الردود الحلوه والله يعطيكم العافيه

والله كريم