بنات اصغر منج واحملو وانتي اشسالفتج للحين مو حامل ؟!!!!

[سيكولوجية]

نفس الحاله

انا حتى مديرتنا بالدوام تقولي للحين ماحملتي اشناطره روحي عالجي !!

الله كريم الله يرزقنا يارب

انا مثلج كنت اتأثر بس تعبت وايد
لين احس قلبي مات من هالناحيه​

 

[مريم86]

اسفه وايد على ردي الجريييح

مستغربه من حالتكم الفكريه ...حتى ريلج مستوى عقله وتفكيرره مو شي

ليش ماحملتي هاا ..قوليلهم خلاص الحين اطلع عصاتي السحريه واحمل ...تبون ولد ولا بنت ...زين تبون ولد فل اوبشن ولا تبوون عادي .....

عمووما الذنووب اهي اللي تمنع الارزاق ...لان الحمل رزق ...وقد يكوون لخييره وحكمه

(( وقلت استغفروا ربكم انه كان غفارا ..يرسل السماء عليكم مدرارا ويمددكم بأموااان و((((بنيييييييين))) )))))) فهموا عاااد

 

[beenoo]

اكرة ذي اللحظه عندي صار لي سنه و9 شهور وماحملت الله يعطيني ويعطيج

 

[أنهار الكويت]

اللي يغث اكثر ريلج لان يدري بنفسه متى قربلج

وانتي قوليله بويهه اشوف انا ماتضايقت منك ليما تركتني جم شهر مو مقرب مني وماقلت شنو فيك وهذا شفيه اكيد مو طبيعي

هالدور انت تتضايق وتحاسبني بعد ليش ماحملت والله اسأل نفسك لاتنسى عمرك وتصدق الدور توك انت مجامعني ما يمدينا بسم الله

وبعدين لا تقول ليش ما حملتي قول ليش ماقدرت احملج لان هالشي مشترك مو واقف علي انا بسسس

جذي قوليله عشان اهو بعد مايعطبهم مجال يتحجون جدامه ويسكتهم لان بيعرف ان حتى اهو له دور ومنه السبب بسبة تاخيره كم شهر


وبعدين بسم الله توكم ست شهور حتى لو جماعكم طول


*

 

[Flower20]

الله يعينج ويعين الي بمثل وضعج
وانسي سالفة الحمال حبيبتي لانج اذا فكرتي راح يتأخر
<< انصح الناس ومااطبق على روحي للاسف
وكثري استغفاار وتسبيح وربج كريم

 

[ام بس بس 2010]

حبيبتي فحصي مو ضارج
اذ على كلامهم طووووووفي

 

[أحساس مجروحهـ]

مشكورين بنات ع الردود الطيبهـ ,,


سارلنا الحين سنه و9 شهور واكثر ,, وماسار شي ,, والحمدلله على كل حال


وزوجي الحمدلله تغير وايد وتفَهَم الموضوع ,,يعني كل مايسألون اهله اهوا يرد عليهم ويقول لهم هالشي بيد رب العالمين .
وكل ماتييني الدورهـ ,, اشوف بوجهه متضايق , بس ماينطق كلمهـ ,, ويقول لي الله كريم اصلا عادي متى مايابه الله , حياه الله المهم انتي عندي .

واول زواجنا ماجمعني السبب من عندي , انا كنت اخاف وينغشي علي واهوا مايضغط علي .
وسوينا كل التحاليل ,
طلع عندي شوي ضعف بالمبايض
عطوني مقويات
وحاليا اخد كلوميد .
وبعد ماسار شي ...
الله كريم,
انشاءالله ربي يكتب اللي فيه الخير ,
وانا والله كل يوم اصلي واقرا قران واستغفر ربي اكثر من الف مره باليوم , واقرا ادعيه وايد بعد صلاة الفجر . والله كريم .

يمكن صح علشان النفسيه اغلبب الوقت مشاكل انا وزوجي على اتفه الاسباب .
يعني اغلب الوقت نتهاوش ,,ونرجع نتكلم بعدها بساعات .
ومرات نقعد ايام زعلانين ومانكلم بعض .

وفيه وايد امور افكر فيها وتغثني وساعات بقلبي اقول حق شنو بعد اعالج وابي احمل وابي عيال !
زوجي يغثني من سوالفه اربع وعشرين ساعه ع الايفون واتس اب وربعه وقروبات ,, وربعه يعرفون انه متزوج واهما اغلبهم متزوجين ومايخلونه بحاله!!
يعني اكيد الكل يعرف شنو الشباب تتكلم عنه ,, الناس تتطور وتترقى واهما مستواهم كل سنه وينزل تحت ,, حتى رب العالمين مايبارك فيهم ولا يوفقهم على افكارهم وكلامهم والحرام اللي يشوفونه .
ويدزون الزوجي بعد .
بس قبل جم يوم , عصبت ووسلت حدي وتهاوشت مع زوجي
وقلت له اذا هذيل ربعك ,الله دوم ماراح يوفقك ولا راح يرزقك عيال ولا تستانس بحياتك دامك تقول والله استحي من ربعي شقول لهم بليز لا تدزونلي!!
عموما تهاوشت معاه ومسحت كل القروبات لان شفت بلاوي وصراحه كانت نفسيتي حيل متعكره .
وبعدين اهوا فكر بالموضوع , وعرف علشان جي الله مو موفقه مع انه يصلي ومايطوف ولا صلاه ويدعي .
بعدين قال لي انا اسف ولا تزعلين وان شاءالله خلاس بعد ماشوف الحرام = عسى ربي يهديه "

والحمدلله للحين كل مااشوف تلفونه , مافي قروبات بس ربعه ع الواتس اب كله يكتبون له ها عسا ماشرف ليش طلعت من لقروب شنو ماعجبتك!
بس زوجي مو راد عليهم

..
شكلي قرقرت وايد ههههههههههههههـ
.
وبس
ادعووووولي

حاليا ضهري ي عوووورني ,,لان للاسف ايتني الدورهـ وكنت متألمه هالشهر ماتيي ويسير حمل , لان ع العلاج الكلوميد يعطوني ايام التبويض يسون لي سونار ويقولون لي بهالايام لازم ,, واحنا مانطوف يوم بس عشان يسير حمل وتتلقح البويضه , س ربي مو كاتب الحين .

 

[كااريزما]

الله يعيينك

 

[om Firas]

الله يعينج عليهم وعطيهم طاف ولا تحاتين اهم شي النفسيه
الله يرزقج بالذريه الصالحه يارب

 

[أحبكم فـ الله]

الله يرزقج الذريه الصالحه ياااااااااااااااااارب

 

[*آسوومه*]

الله يرزقج حياتي :*

 

[Flower20]

انزين حياتي جربي تروحبين عند ممرخة معروفة؟ ترا الطب الشعبي احيانا يكون احسن من الطب الحديث

 

[برنسيسة2007]

حبيبتي زوجج لازم يسوي فحص اتشوفون العدد والحركه ولاتقولين له انتي قولي الدكتوره تقول مااعطيج كلوميد الا اذا شفت تحليل زوجج
وشي طيب ان زوجج تغير طبيعي اول مايتزوجون مايعرفون للحياة الزوجيه
والحمدلله انه ترك القروبات لكن نصيحه زوجج خليه يقولهم هذا الامور تغضب الله ولابأس من انه يدزلهم امور ثانيه نظيفه واهم اشوي شوي بيحترمون رغبته بس انه يقطع فيهم راح يطفر

 

[دانة_ دبي]

انا اول كم سنة ما حملت يمكن 4 سنين وعقب الله رزقني

و 24 ساعه شغالييين ليش ليش ليش ما حملتي خاصة ام زوجي

و الله عادي سويت نفسي ما سمعت

مرات كنت اقول اني امنع بحجة الدراسة و مرات كنت اقول نحن ما نبغي نيييب عيال

بس مرة ام زوجي عطتني كاش قلت لها و ليش ما تسألين ولدج
والله سكتت ولا تكلمت يعني العيب مب بس ف الحرمة حتى الريال يصير عنده عيوب بس منوو يفهم

 

[حبيبي مالكني]

هونيها وتهون حبيبتي
طنشي
سمعي وخلي
توج عروس
واذا تبين تطمنين انج مافيج شي روحي الدختر وفحصي
عشان نفسيتج ترتاح
وان شاءالله قريبا تبشرينه انج حامل

 

[Mjnont '3lay]

والله بالطقاق عند جدي قالو ولا ماتو طنشي والله بيرزقج من غير تخطيط وتدبير

 

[دلوعة صلوح]

الله كريم

والله يرزقنا بالذرية الصالحة يارب العالمين.

 

[ثريا الكون]

امبيه شهل الناس قلنا ام وابو عالعين وعلى الراس بس يدخلون بسوالف خاصه مايجوز هذا الشئ بين المره والريال والله في ناس تسأل وبس ما تفكر قبل ما تسأل

 

[!! دلوعته !!]

الحممممممممد لله والشكرر

 

[ELFAD3Ah]

الله يعينج حبيبتي والله يسخر زوجج لج يارب