اول مره اسمع ان فتحوا لبنات يختارون الدكاتره و جذي ,,
ع العموم بقول لج ..
انا محاسبه بس المواد اللي بحطهم يجمع كل االتخصصات ( محاسبه و موارد و إداره موارد و قانون وغيرهاااا .. ) , إلخ
إذا كان بـ جدول احس انه ااحسن لان اهما بنفسهم حاطين لج الـ 14 وحده .
من ناحيه انهم ما حطوا لا سمح الله ,,
اختاري أصول إداره : اولا لانها سهله و اغلب دكاترتها حبووبين .. إذا شريتي الكتاب راح تنصدمين منه لانه متين امتن من كتابنا العربي بـ 12 p; بس في دكاتره يساعدون و يحذفون و منهم الدكتوره ( فريال الصباح ) ... < عمري ما سمعت انها مو زينه بس وحده اللي ما مدحتها من المنتدى , بس عمري من اول ما درستني لي اليوم وانا الكل يمدحها عندي , كل طالباتها b+ و اقل وحده c و إذا لا سمح الله حاطه لـ بنت اقل من c معناته ان البنت يا تغيب وايد ولا مزفته بالامتحان ,
انا كنت اييب درجات مو ذاك الزود و ما كنت اغيب ولا يوم و حاطه لي b- ,,
ورفيجتي يا كثر ما تغيب و درجاتها لا بأس بهاا و هم تعطيها مثلي , ليش !! لانها تزييد يعني مره اذكر عطتنا امتحانين وقالت لنا ..
الامتحان الاول من 40 والثاني من 40 مثلا <
إذا الاول يبتي 20 خلاص تخليها و الثاني إذا يبتي اقل من الـ 20 تعطيج 20 :\ يعني قاعده ترفع البنات ,, و غير البوونسس يابوووي والله ترفع وااااااااااايد ..
عندج المحاسبه :\ مع اني ما امدحهم لج بس لازم تاخذينهم ,, نصيحه مني انا مجربه الدكتوره هاجر العصيمي نصيحه انحااااااااشي لا تاخذين عندها والله العظيم وربي شاهد عندي اني كنت ادرس اول بأول و ما عمري غبت ولا تآخرت عن محاظرتها ,, يعني ما حطت لي متآخره كلش ولا عندي انذار عندها و كنت اقعد و اجابلها و اتجاوب معاها لي درجه انها مدحتني وقالت لي اني احس وحده بالكلاسسس وغيره وغييييره ,, و بالتالي حطت لي C !!!!!!!!!!!!!!!!
لو بقول انا كله اغيب ميخالف !! لو بقوول ما افتهم بقووول ميخالف !!! لووو بقووول اني ازفت بالامتحااااااان بقووول ميخالف !!!!!!!!!!!!! لكن كل هذا ما صار !! مااقول غير حسبي الله ونعم الوكيل !! شسوي بعد !
مبادئ أقتصاااد .. صعب شوي بس حلو و يبيله فهم والله استمتع لمن احله احس كآنها لعبه الاحرف لووول , اخذتها عند لميا عبدالكريم اهيا خوش دكتوره و حبوبه و تعطي بونس كثر ما تقدر .. و تعطيج حقج .. بس ساعات اهياما تخليني اركز p;
اهيا مو متحجبه و شعرها قصير و واااايد تلعب بشعرها لان قصير ما ينربط لووول , و لمن تتكلم عاادي تقطع عليج بسالفه .. يعني مثلا كانت تكلمنا عن الربح والخساره بالرسم البياني فجآه تقول لنا عن الغزو و تكملها بسالفه الاسرى و بعدين العراق لووول وبعدين بروحها تقول .. ( المهم اوكي نرجع حق الرسم ) p; بس كنت استمتعت بسوالفها والله .. و خوش دكتوره و اخذت عندها B-
وعندج في دكتوره نسيت اسمها كنت عندها بعدين حولوني عند الدكتوره لميا ,, كانت هالدكتوره ما شاء الله عليها شرحها رووعه والله و كنت عندها و حفظت اسمي و جم مره تناديني اسولف معاها ولا شيء , والله حبووبه و لمن كنت عندها شرحها يهبل والله لو انا عندها جان اخذت A لوووول , والله خوووش شرح ما شاء الله < بس نسيت اسمها متى ما تذكرتها بقول لج وانصحج عندها و يقولون امحاناتها سسسسهله ,, رفيجاتي 2 عندها ,
وتدرس طبعا مبادئ اقتصاد ...
طباااااااااعه عربي < سهاااااااام الحميدي .. و اغلب الدكاتره اللي بالطباعه زينين المااااده ولا اسسسسسسسسسسهل , يتكلم كله عن برنامج الوورد ,, < برنامج الكتابه .. حده سسسهل ( شلون تغيرين الخط + اللون + تكبير و تصغير + الكتابه بسرعه + شلون تكتبين لـ الوزاره او لـ دكتور و غيرها ) يعني اشياء سسسهله .. اخذت عندها A ما يحتاي دراسه يكفي المحاظره وبس وقبل الامتحان مراجعه وانتهى الموضوووع ,
مقدمه في الحاسب الالي ,, ماده سسسهله و كلها عن حياتنا و تعاملنا على الاجهزه من ناحيه الجهاز إن كان تليفون ولا لابتوب , بس انا دكتوري امتحاناته كانت صعبه .. اما تدريسه حلووو .. إذا انتي تدرسسسسين حييييييييييييييل اخذي عنده خوش دكتور بس إذا مالج خلق دراسه لا تروحين له , امتحاناته الفاينل كلها من الامتحانات القصيره يعني درسي الامتحان الفاينل كله من الامتحانات القصيره ,, و عادي تلقين بالامتحان سؤالين متشابهين لووول اسم الدكتور ( يوسف الخواري ) واخذت عنده c+ < طبعا كانت صدمه لاني ما غبت ولا مره بس بالامتحانات ازفت لووول ,
هذووول اللي اخذت عندهم , بس شوفي في دكاتره والله لا تغيبين عندهم يحطون لج اللي تبينه بس في دكاتره لو شنوووووووووووو تسوووين عندهم انج ما تستاهلين =(
انا من اول اسبوع بالكليه ما غبت كلش ملششش حتى ايام سحب والإضافه بس غبت يوم الخميس و كان اخر يوم من اول اسبووع لمن سحب والإضافه ,,
و كنت كله احضر اول وحده يعني ما عمري غبت ولا تآخرت !!! بس مره تآخرت و لا كانت الدكتوره توها تحط اغراضها يعني بعد ما شرحت , و شوووفي شنو درجاتي !!
إذا بقول لج بالامتحانات , ما انكر اني كنت ازفت بـ المقدمه الحاسب الآلي لان الامتحانات كانت صعبه شوي , والمحاسبه حتى لو كنت دراسه اكيد ببدع لان المحاسبه يبي لها طووولت بااال وفهم , وبروحها الدكتوره الله يسااامحها حطت لي درجه تبدع , احسن من رفيجاتي 5 بنات و كلهم F فنصيحه وخري عنهاااا :\
بس والله يوفقج 3>
