بنات التربية اللي باشروا العمل .. حياكم :)

[cancel]

بنات-انا-سويت-الاوراق0من0غرفه-لي-غرف-والحمدلله-نزل-ليوم-مع-انهم-قالوا-الاثنيين



وتدرون-ليش-لفراره-فاتو-الحلوه؟


لان-ماكانت-اوراق-تعينا-مومجوده-وقمنا-ندورهم+دورت-اوراق-البدلات-من-السجلات-وغيرهاا-فااهني-تعبناا-وفرفرناا


والاراق-المكدسه0والله-بعيونيشايفتهم-بكل-غرفه-والله-الشاهد

 

[Um Ritaj]

اهلين ام رتاج

ايقولون استلمي المبلغ _03ba:

يلا تصرفينه بالعافيه ان شاء اللله

بس بسئلج انا رحت الاحد اللي طاف والموظف قالي روحي وانا اسوي شغلج وانزله لج اخر الشهر

تهقين اذا رحتله وقتله ابيه الحين القى ورقتي ولا تكون بين المكاتب معلقة وتفرر صراحة ماضمن شغلهم​

انتي من جماعة وكالة يقولون :gathering:

تقدرين تروحين للموظف وتقولين انا بسوي ورقتي وخلال اسبوع بتنزلج ان شاء الله

 

[Um Ritaj]

بنات-انا-سويت-الاوراق0من0غرفه-لي-غرف-والحمدلله-نزل-ليوم-مع-انهم-قالوا-الاثنيين



وتدرون-ليش-لفراره-فاتو-الحلوه؟


لان-ماكانت-اوراق-تعينا-مومجوده-وقمنا-ندورهم+دورت-اوراق-البدلات-من-السجلات-وغيرهاا-فااهني-تعبناا-وفرفرناا


والاراق-المكدسه0والله-بعيونيشايفتهم-بكل-غرفه-والله-الشاهد

وانا اشهد :ggdw:

 

[فاتو_الحلوة]

شهادة الراتب اذا ماخاب ظني من المنطقه حبيبتي لان امي قبل اسبوعين مطلعتها من المنطقه التعليميه

كنسل انا اول مارحت مو مبنى 2 الماليه .. اول شي رحت هذا الي جباله نسيت اسمه دشيت سييييييييدا في غرفه عاليمين قلتلها انا تعيين يديد وبسوي اوراقي للراتب .. قعدت جيكت بالملف قالت اي ورقتج رايحه الماليه مبنى 2عند السككرتاريه

رحت السركتاريه قالت ورقتج اصعدت الرواتب فوق

لما رحت الرواتب وكلمت المصري ان بسوي اوراقي سوالي ورقتي تقريبا خذاله ساعه او اقل بشوي

بعدين اهو وداها غرفه يم غرفته حق واحد يراجعها .. وبعدين رد المصري الله يعطيه العافيه عطاني اوراقي وقالي خالصه وبعدين انا نزلت تحت وعاد اهني بدت فرارة الغرف والتواقيع بس ترا الغرف كلها يم بعض او جبال بعض مافيها تعب اللهم بس الي بالاخييييير صعدت فوق عند وحدا ينقالها سلمى معرفي لازم توقيعها وختمها وبالاخير نزلت تحت عطيتهم ورقتي وقالوا ان شاءالله ينزل يوم الخميس

وبس سلامتكم

والاحسن بنات ان تسوون اوراقكم تدرون انا عادي عندي لو بينزل اخر الشهر يعني ما افرقت جم يوم

بس انا خفت لو ماسويت اوراقي .. حتى اخر الشهر ماينزلووونه عرفتوا ليش رحت وسويت اوراقي بايدي

اي وسلامتكم

 

[cancel]

بنات-شسوي-اللحين


وي-احترق-قلبي


ابوي-وامي-موراضشين-يااخذون-شي


وامي-موديتهاا-محل-الذهب-وقلت-يمه-يله-اشتري-وانصدمت-ولاشرت



ولاهم-راضين-ياخذوون-شي



شسووووووووي-فيهم

حتي-اخواني-اقولهم-اخذوا-ايقولون-ابوي-يقول-لاتخلصون-معاش-اختكم-قلت-اخذ-مراح0اعلمه-وبالغصب0رضوا-ع-غدا-بااجر



اللحين-ابي-مكاان-عائلي0وحلو0نروح-له-بكره-نتغدا؟؟

شنو

 

[فاتو_الحلوة]

حبيبتي كنسل لو انا منج اروح السوق واشتري لامي شي وابوي شي

واغلفه واعطيه لهم مع بطاقة فيها جم كلمه حلوه تخليهم يرضون ياخذونها لووول يعني تشكرينهم وتقدرينهم

ماعتقد راح يرفضووون الهديه بعد شريتيها وخلاص

 

[فاتو_الحلوة]

اي صج وعلى المكان العائلي انا صار جم يوم ودي اروح صنوبر للحين مارحتله يمدحوونه

 

[cancel]

فاتو


مادري-شيعجبهم


اخاف-اشتري-شي-ولايعجبهم

 

[cancel]

اي صج وعلى المكان العائلي انا صار جم يوم ودي اروح صنوبر للحين مارحتله يمدحوونه

وين-صاااير؟

 

[غلاو94وي]

مبروك كانسل تتهنين فيها.ز
بنات انا حالتي حاله تصدقون الا الحين المنطقه مادزوا اوراقي للوزارة؟؟؟

وكل مادق على 133 يقول انت غير موظف باي وزاره حكوميه؟؟ظ
تهقون شالسواة؟؟

 

[cancel]

اوف!!
رحتي-المنطقه؟

 

[فاتو_الحلوة]

كنسل شفتي وين مكان مطعم الدانه القدييييم مال السي فود

اهما شايلينه وحاطين مكانه صنوبر عالبحر يعني


غلاوي من صجج؟؟ انتي اي منطقه؟؟ روحيلهم جابليهم! انا دقيت عليهم الأحد قالوا ماودينا اوراقج يومين ونوديهم وودوهم الاربعا جان ارووح الخميس اليوم خلصت شغلي بالوزاره الحمدلله

بس لاااااازم اتدقين عليهم او تروحينلهم اذا مصخوها لاتسكتين

 

[تسوااهن]

الف مبررررررروك كانسل

انا بنات ابوي راح اليوم وراجع باوراقي وقالوا له ينزل الاربعا او الخميس واذ
مانزل شي يراجعهم مرة ثانية
والله يجزاها خير وحدة من الموظفات خذت الاوراق عن ابوي وسوت شغلي كله
والله انها ماقصرت الله يعطيها العافية
انا كنت احاتي ابوي بس ربي طيحه فبنت الحلال هذي الله يجزاها الف خير

 

[فاتو_الحلوة]

اي تسواهن في رياييل مساكين كبار يراكضون لشغل بناتهم وعليا الله يعطي أبهاتنا وأمهاتنا طولة العمر إن شاءالله

وصج الموظفات ماقصروا خوش بنات

مممممم كنسل ليش ماشتترين لامج جنطه اكيد تعرفين ذوقها .. وابوج ساعه .. موحلوو؟

 

[Um Ritaj]

يا حلوج يا كانسل ويا حلو ترتيبج لجملج

الفواصل الي تحطينها بين الكلمات تذكرني ب (اعد ترتيب هذه الجمله) ههههه

الوالد والوالدة يا كانسل ما يبون يحرجونج فاحسن شي انج تشترين لهم هديه غالية وذربة او انج تسوين مثلي كل واحد عطيته 250دينار وحتى زوجي واعيالي فرحتهم واجرت شاليه يعني ما بقى من معاشي الا مبلغ بسيط يا دوب يكفيني حق رمضان والعيد والدوام

يعني ابي ساعة ماركة وابي البس اسناني وابي اسوي ليزر وابي ابي وابي

وان شاء الله ابو العيال ما يقصر معاي

صج صج طمعت

 

[Shathawy]

مبرووووووووووووووووكيين جميعا
انا سويت الفحص وديت اوراقي قالتلي وقعي على المباشرة قلت ماقدر بسافر باجر اول ما ارد اوقع فا مادري اذا يصير اللحين اروح و شسوي يمكن اروحلهم يوم الاحد اشوفف شالطبخة اللحين على الاقل اختار مدرسة

 

[عطري الشوق]

حبيبتي كانسل الف الف الف الف الف الف الف

مبرووووووووووووووووووووووووووووووووووووووووووووووووووووووووووووووووووووووووووووووووووووووك


تصريفه بالعافيه ياقلبي

 

[*نوفه*]

نوفه اليوم واحد قال في بينزل بعد الأحد او الاثنين

نطري شوي وإن شاءالله خير

الله يسمع منج انا ابوي راجعلي الاحد وقالي خلال اسبوع او 10 ايام
ومنو اللي قالج؟؟

بنطر صراحه زهقت وانا انطر؟


وبنات صج الف مبروووووووووووووك

 

[عطري الشوق]

نوفه بما ان ابوج راجع باوراقج من الاحد المفروض تنزل بعد ثلاث ايام احنا عمي راح الثلاثا فقالوا الاحد بالكثير الاثنين شور بحساباتهم

نطري لي للاحد وشوفي تنزل او لا وان شاء الله تنزل

 

[cancel]

كنسل شفتي وين مكان مطعم الدانه القدييييم مال السي فود

اهما شايلينه وحاطين مكانه صنوبر عالبحر يعني


غلاوي من صجج؟؟ انتي اي منطقه؟؟ روحيلهم جابليهم! انا دقيت عليهم الأحد قالوا ماودينا اوراقج يومين ونوديهم وودوهم الاربعا جان ارووح الخميس اليوم خلصت شغلي بالوزاره الحمدلله

بس لاااااازم اتدقين عليهم او تروحينلهم اذا مصخوها لاتسكتين

اكلهم شنو لبناني؟