بنات الجامعة والكليات ليش محد يداوم اول اسبوع

[Miley-Cyrus]

السلام عليكم ...
سؤال محيرني جد ليش..يعني اول اسبوع ماكو دراسة ولا شنو ولو حصل و داومت شسوي هناك, مادري شالطبخة (مبين مستجده):d

 

[FoFa stylish]

حبيبتي لازم تعرفين فرق بين التطبيقي و الجامعه

التطبيقي رفيجاتي يقولون ما نداوم اول اسبوع لانه سحب و اضافه

عكسنا احنا الجامعه اذا مالج نيه تسحبين الماده ترى الدكتور ياخذ غياب من اول يوم

اقولج موقف وحده مستجده السنة اللي طافت كانت تسحب على ماده والله سمعتها كأن لي الحين اسمع كلمتها بأذني تقول ( اختي بالتطبيقي توهم يداومون ) الدكتور هزئها قال احنا ادارة هم ادارة انتي شكو انتي تعرفين الدوام الرسمي ليش تغيبين و غايبه اسبوعين عطاهاfa يعني ساقطه بالماده بكثرة الغياب


يعني حبيبتي معروف التطبيقي بعدنا بأسبوع دوامهم و يعطلون قبلنا
فأنتي التزمي بالدوام الرسمي و مالج شغل بكلام احد ان اول اسبوع محد يدوام
في حال اذا لقيتي وحده تغيب وايد اكيد بسحب الماده
بس اللي قاعده فيها بتشوفينها من اول يوم ملتزمة
و ترى الدكاتره الاغلب يمكن صح اول يوم ما ياخذ غياب بس ثاني يوم ياخذ و يبدي يشرح و خلاص ثاني يوم دوام مو من ثاني اسبوع


طبعا هذا الكلام مني انا سنه رابعه بجامعة الكويت كلية التربيه
موفقه حبيبتي

 

[Miley-Cyrus]

مشكورة حبيبتي واله انا مشتطة حدي واني ابي اداوم من اول يوم واختى اللي اهي الحين موظفة كانت بالتطبيقي تقولي محد يداوم اول اسبوع وانا اقولها انا متأكده ان نظامهم غير عن نظامنا بس انتي كفيتي ووفيتي متشكرةة

 

[gala q8]

لااا بالتطبيقي يداومووون أول إسبوع <- بس احنا عندنا سحب و إضافه أول إسبوع ,, بس في دكاااتره يداوموون و ياخذون الغياب و يحااسبون على كل شي !!

إنتي أول يومين داومي و شوفي الوضع .. لان بعض الدكاتره يكونون مداومين و يعطون خبر للطالبات إن بنداوم هالإسبوع و نحتاج إسم الكتاب الفلاني و نحتاااج كذا و كذا ,, عاد إنتي لازم تداومين

وساعات في دكاتره يقولون لج إن ما راح نداوم إلا على بدايه الإسبوع الياي لييين ما يكتمل عدد الطالبات !


بس إذا عندج ماده بتسحبينها لا تحضرينها لان مامنها فايده ولا دوامج راح يغير شي ..




انا عن نفسي كله أداوم اول إسبوع لووول حتى رفيجاتي ينادوني مصطفى مع إني مو شاااطره ششششششاطره اللي ذاك الزوود !
بس لان أدري في دكاتره يكونون مداومين و يحاسبون .. و كل ما شافج الدكتور موجوده يساعدج بالدرجات و كذا .. 3>

 

[ورور92]

رابع سنة لي و كل كورس أول يوم .. سواء كورس اول او ثاني او صيفي .. مدوام من أول يوم

محد يسحب كلش .. والغياب ياخذونه من أول يوم ...

في طلبة يسحبون عشان الانتخابات .. وهذا العذر مايقبلونه لهم الدكاترة ..

ترى في دكاترة يركزون على أول اسبوعين أكثر بعد ..

موفقه

 

[فـــخـــر]

بالجامعة ما عندنا غياب اول اسبوع , ومن اول يوم ياخذون الغياب :|

بس رفيجاتي بالاساسية مايداومون اول اسبوع ..

 

[..الشيخه حلاها..]

ب التطبيقي اول اسبوع "السحب والاضافه" في دوام , في شرح , "البعض" مو الكل ياخذون الحضور وفي دكاتره مايطوفون اذا قلتيلهم توني ضفت الماده يقول وريني الجدول

دام انتي مسجله بالماده وماراح تسحبينها ليش تغيبين تفرق 7 ايام !!!!!!!!!!!!!!!

وبعدين اول الايام تعرفين كل شي عن الماده تقسيم الدرجات والكميه احضري لا تنحدين تنقلين من البنات ولا منت احد

 

[لمسات فتاة]

البنات كفوا ووفوا .. .نظام الجامعة يختلف عن نظام التطبيقي =)
بالتوفيق

 

[Miley-Cyrus]

مشكورين حبايبي