بنات الحاسوب بالاساسية ... حياكم الله

[الباسمه]

لقيت روحي برمجه نت سهله نظام كودات تحفظينها وبالنهايه تسوين لج موقع على حسب شنو تطلب منكم الاستاذه
وبعدين الاسئله اللي تقولها هدى نفسها تجي بالامتحان ونفس اسئله نهايه كل شابتر
الغلا ليش حولتي الحاسوب حلو بعدين اهما جذيه بالمقابله يصعبون الامور بس عشان يطفشونكم لانه ما عندنا مدرسين كفايه حده قده؟
وبالنسبه للانجليزي بس اول كورس تحسين بشويه تعب بس انتي لاتكثرين مواد تخصص كفايه مادتين عشان تترجمين المصطلحات ومع شرح الاستاذه راح تقولج معاني الكلمات وكتبي معاها
وتلقين نفسج بالكورس اللي بعده فاهمه وحتى الانجليزيه تتحسن عندج
وترى التخصص نفس الكلمات يستخدمون يعني الكلمات تتكرر عليج بالمواد


فلك فلاك حياج الله ما سويت شي

 

[الباسمه]

بنات ابي اعرف شنو صار على اضراب اساتذه الحاسوب
اليوم شرحو والا لأ
مالي خلق اروح باجر من الصبح وما يشرحوووون؟؟؟؟؟؟
عفيه اللي داومت اليوم ترد علي

 

[الباسمه]

اتمنى تردون علي الليله
لان دوامي من الصبح باجر؟؟؟؟؟؟

 

[اسـمـحـيلي يـالغـرام]

^
ليش مسوين اضرآب!
اناامس كنت مداومه وكانت موجوده الدكتور عبير العميري

بنآت بسألكم اي احسن عبير العميري ولاهدى قرطم !
بليييييز ردووا :eh_s(8):


وشسمه شرآيك بمقدمه التحليل العددي سهله ولاصعبه!

 

[الباسمه]

انا اقصد استاذه امل ومريم وندى اللي مسوين اضراب
مو عبير وهدى وعايشه
على العموم انتي تسألين عن اي ماده اذا تقصدين حاسوب ومجتمع اخذي عبير تمشي اكثر من هدى
اما عن برمجه نت هدى احسها فاهمه اكثر
وعلى العموم كلهم زينين يعني مافي فرق قوي
والتحليل العددي يبيله مجابل وتطبيق مو صعب
الله يوفقج

 

[اسـمـحـيلي يـالغـرام]

^
حسآفه جان زين عبير مسويه اضراب

ويعني تهقين اخذهاا المقدمه واقدر اجيب فيها قريد عآلي:yaaaaaarb:
اناالحمدلله والشكر مواد الرياضيآت كل ازفت فيهم مادري ليش

يعطييج العافيه حبوبه ع الرد:eh_s:

 

[عيـــونهــــاا]

السلام عليكم بنااات ...:eh_s(8):
انا توني حولت حاسوب , ومادري البنات اليوم حبطووني حيل بالتخصص ..؟:eh_s(11):

 

[الباسمه]

اسمحيلي يالغرام لايغرج اسلوب عبير بالبدايه تراها خووشه وحده
وتعطيج حقج ما تقصر

 

[نونا**]

عبيييييييير اتهبل اتهبل

انا خذيت عندها ذكاء وحاسوب ومجتمع

تهبل تهبل تهبل

وكلموها ترا تساعد وووايد

انا الحمدالله تخرجت الفال لكم

 

[فيونكهـ..|~]

رد : بنات الحاسوب بالاساسية ... حياكم الله

بنات

<<ادري دااشه عرض

بسس انا بحول لحاسسوب تنصحوني

وقولولي عن تخصصكم ودكااتره

واسسفه اذا ضاايقتكم..

 

[الباسمه]

حياج الله التخصص حلو بس يبيله مجابل من اول الكورس وبنهايه الكورس ترتاحين
مادري انا دايم احس ان بنات الحاسوب يخلصون قبل التخصصات الثانيه

 

[اسـمـحـيلي يـالغـرام]

عيونهآ والي بيحولون
ماعليكم من التحطيمآت
اناجذي اول مآدخلت كلهم ويع من صجج وصعب وماكو مواد ومادري شنو
العكسسسس والله
حلووو وييله دراسه حاله حال التخصصات الثانيه
بس فيه مواد صعبه شوي وفي مواد لااا تهبل وسهله
والدكاتره اغلبهم يهبلووون
وحتى اذا تصكرت ماده وبغينها نروح نكلم رئيس القسم يبطلهااااا

مادري بالنسبه لي اشوفه احلى تخصص^^

 

[اسـمـحـيلي يـالغـرام]

اسمحيلي يالغرام لايغرج اسلوب عبير بالبدايه تراها خووشه وحده
وتعطيج حقج ما تقصر

عبيييييييير اتهبل اتهبل

انا خذيت عندها ذكاء وحاسوب ومجتمع

تهبل تهبل تهبل

وكلموها ترا تساعد وووايد

انا الحمدالله تخرجت الفال لكم

اييي اول يوم خفت منهاا لوووول
ماادري حسيته شوي شديده وتقول اناكله اتكلم انجلش
عاد اليوم بالمحاظره لاوالله شحليلهاتهبلل
وتدريسها يونس ماتخلص الاتوصلج المعلومه
تعييد وتزيد والي مانفهمه بالانجليزي ترجمه

مادريليش خرعتنااا

 

[الباسمه]

اهما جذيه بالبدايه يخرعوووون عشان نسحب الماده ويخف الشغل عليهم
او بالاحرى يفتكون من البنات الكسولات
هههه
بالتوفيق

 

[كــلــ أمــل ــي]

رد : بنات الحاسوب بالاساسية ... حياكم الله

الســلام عليـــكم

شلــونكم حاسوبيـــات ..؟

والله اني اشتقــت لملــحق 2 << ايه هيــن

لا لا صــج اشتقت للقســـم والبنــات ومختبــرات الحاســوب اللي نص الأجهزة تشتغل والنص الثاني عاطل عن العمل هههههههههههههه

صج بـــنات شلون التخصص معاكم ان شالله ماشيــن فيــه

ترا ع فكــره التخصص واايد حلو ويبيــله دراســه بس موو صــعب وبالعكس الدكــاتره وااايد يتساهلــون معــآج ترا مابقى استــاذ مادرسنا جربينا كل الدكــاتره << عندها خبره ^^

وبالنسبه للبنات اللي يسألــون عن الرياضــيات ع حسب الدكتور اللي يدرسج لأنه في دكاتره ما تفهم صج عانيــنا معــاهم يعني جنه يدرسج مادة أدبيــه وقاعد يســمع شي حافظــه والله بنات نصــحه لا تأخذين مواآآد رياضــيات الا عند دكــاتره زيــنين

وبالنسبة لاستاذ عبير العميري انسانه حبوبه وطيبه ولا يغركــم شكلها انتي بس خليج معاها اي شي تقوله قولي صح وتكلمي وياها وشاركي لانه تحب اللي تشارك وهوو ع قولتهم ع الحظ اذا حبتج تمشيج واذا كرهتج يااويلج بتقعدج ههههه وحتى استاذه هدى هم زينه انا اخذت عندها مادتين كانوا البنات يذمونها وانا عن نفسي شفت العكس كانت واضحه معانا بس دقيقه وماشاالله عليــها ماتغيب ههههههههههه ولا تسكتين عنها اذا اي شي ماعجبج ناقشيها وحني كثر ماتقدرين انا اسلوب الحنه مااستخدمته بس البنات اللي معاي استخدموه ونجح مفعوله ^_^

بنــــاآآت اي استفسار عن القسم والمواد والدكاتره انا بالخدمه

وبث ...

 

[النوري نور عيني]

قوووه بنات ..

بنتي بتخرج من الثانوية السنه هاذي

و تحب الحاسوب وودها تصير مدرسة حاسوب

اهي تبي تدش كلية العلوم و انا اقولها دشي كلية التربية الاساسية

[في خاطري ] ,, ان التربية الاساسية دراستها اسهل من كلية العلوم <~ و هي مالها الا مدرسة في مدرسه


و من استشار ما خاب .... شرايكم بنات ؟؟؟

 

[النوري نور عيني]

up~

 

[فلك فلاك]

مساء الخير ...

كلي امل الله يفرج عليج دنيا واخره مثل مافرجتي علي ...

بصراحه كنت متضايقه من التخصص وخايفه منه

رفعتي معنوياتي

 

[كــلــ أمــل ــي]

رد : رد: بنات الحاسوب بالاساسية ... حياكم الله

قوووه بنات ..

بنتي بتخرج من الثانوية السنه هاذي

و تحب الحاسوب وودها تصير مدرسة حاسوب

اهي تبي تدش كلية العلوم و انا اقولها دشي كلية التربية الاساسية

[في خاطري ] ,, ان التربية الاساسية دراستها اسهل من كلية العلوم <~ و هي مالها الا مدرسة في مدرسه


و من استشار ما خاب .... شرايكم بنات ؟؟؟

هلا النوري

اولاا مبــرووك مقدمــا وان شالله تييب أعلى الدرجــات وتفرحيــن فيــها اللهم آمين

وثاني شي أنا من رايي اتخليــن بنتج اهي اللي تختار أي كلـــية تبي وشــنو طموحاتها ما يسير تجبرينها ع كليه التربيه وهي بخاطرهـا ادش العلـــوم ..

ومن ناحيــة الأسهل فالتربيــة أسهل من كليــة العلــوم .. اذا هي بالنهــاية ودها تكون مدرسة حاســوب فخليــها تشتري رااحــة بالها وتدش التربيـــة ولوو انه في صعــوبات راح تواجها خاصــة في مواد البرمــجه واايد صعبــة

وبالنهايــة خليها تستخير والله يكتبلها الخيــر ويوفقها بدراستها ..

 

[كــلــ أمــل ــي]

رد : رد: بنات الحاسوب بالاساسية ... حياكم الله

مساء الخير ...

كلي امل الله يفرج عليج دنيا واخره مثل مافرجتي علي ...

بصراحه كنت متضايقه من التخصص وخايفه منه

رفعتي معنوياتي

صباح النور فــلوكه

لاا تتضايقيــن بالعكس ولا تصدقين كلام البنات والله خليــج واثقه من نفسج التخصص واايد زين اللهم مواد البرمجه بتحوشج صعوبات وهم ماده داتا بيس اللي هي قواعد بيانات شوي يبيلها مجابل والباجي سهالات

واي شي تحتاجينه بلغيني وانا بساعدج

والله يوفقج