بنات العاشره رحت نادي سكاي تعالوا اعلمكم شصار

[سفيره الهم]

لا مو زحمه وونس وشرح بس والله ما هقيت الرياضه جذي تعب بس احلى شي ان بين علي الضعف بالميزان مو بين بس المقاسات نقصت

 

[mimi_el3so0ola]

سفيرة انتي شكثر صارلج من سجلتي بالنادي ؟
ومع منو تتدربين بالنادي ؟

انا صارلي 10 ايام تقريبا اتدرب مع امينه ومع انها شاطره بس مادري ليش ماحس اني نزلت شي =(

 

[najla86]

موفقين يا قلبي

توني ادري انه مبطلين نادي صحي بالبيرق

 

[شوتايم]

متى مواعيد النادي ؟؟؟ من الساعه جم يفتح ومتى يسكر ؟؟؟

 

[سفيره الهم]

انا ادش مع سمر او سهام لانهم العصر امينه الصبح وانا ما يناسبني الصبح الحين صارلي اسبوعين والحمدالله احس اني خافه بس ما قست

 

[mimi_el3so0ola]

شوتايم .. النادي يفتح 9:30 الصبح لين 9:30 بالليل
ماعدا الجمعه يفتحون 11:00

سفيره ماجربتي مدربة الرقص ؟؟ اسمها هيفا قالوا يوم الاثنين العصر تيي لمدة ساعه ، شلونها ؟؟
وسمعت عن وحده ثانيه اسمها بيبي ، بس مادري اذا وظفوها او لا .. هذي امدحتها وحده من بنات بالنادي ^^
انزين بسئلج العصر يكون زحمه ؟؟؟ انا بجرب ايي العصر يوم الاثنين حق كلاس الرقص بس

 

[دنيا جديده]

بنات في اجهزه او تمرين بالناادي يكبر المؤخره؟؟؟ اذا فيه ترا اسجل عااادي بس مابي اضعف بس ابي اكبر مؤخرتي واردافي لوووول

 

[&& دعاء &&]

تقبلي مروري,,,,,,,

 

[سفيره الهم]

اي العصر شوي زحمه وهيفا اسمع عنها بس ما اشوفها

 

[عسووولة]

حبيبتى عندج اللى فى ابوحليفة شارع الخليج الثانى هههه اقصد المهبولة - بيلاتس اند مور -

راقى ويهبل مو اى ناس يدشوونه

السبب لانه سعره بالشهر 45 مع تأمين اعتقد 100 والحين مسوين عروضات مدرى عنهم بالضبط

هو بجنت الخبارز ومارينا وبريد تووك بالضبط

روحى وشوفيه راح يعجبج

هذا رحتله اصلا ماكو شهري عندهم بس سنوى !!! اشلون شهر تقولين 45 ؟!! غريبه

 

[مادمزيل]

رحت له اليوم صراحة فاضي ما في الا زبونتين
وصراحة ما عجبني وايد صغير وغرف التبديل 2 وصغيرة
اشهنادي لووووووووعة انا برد على المراة الرشيقة والله صراحة احلى و40 دينار وحمام سباحة بعد
مو هذا 75 دينار على شنو

 

[Gousha]

up
up

 

[LuLiTa]

عليج بالعافيه ,,, بس اناا بصراحه ما ارتحت له ,,, اهو صج صغير لكن توزيع الاحهزة و تقسيم المكان يحسسج انه شرح ,,, و كافي انه فووق و مو دمعووس بسرداب نفس اندية العاشرة !!

بس بصراحه المدربة ظيــــــــــــم ,,, نفسيه و ما لها خلق كلش !

الحين انا رايحه بشوف المكان قبل ما اسجل فــ المفروض اتعرفني عـ المكان و تشرحلي طريقتهم و نظامهم ,,, المدربة طريقتها اخدم نفسك بنفسك !! مسويه جاي ضحى و اطالع التلفزيون !,, حتى البنات اللي بالنادي كاشته فيهم !! مع انه كان يوم عطلة و النادي يصفر يدووب فيه 2-3 بنات !! يعني ماكو اهتمام كلش !


و ازيدكم من الشعر بيت ,, ترا المدربة مكرشة !! لوووووووول بالله هذي مدربة و مو مهتمة بجسمها شلون تبين اثق انها بتساعدني اضعف !


باختصار المتمرسة بـ الرياضة و عارفة شلوون تتمرن خل تشترك عادي و لا يهمها ,,, لكن المبتدئين اللي نفس حالتي ما راح يستفيدون شي لانه ما في مدربة سنعة ,,,

 

[Gousha]

up
up

 

[one two 3]

حبيبتى عندج اللى فى ابوحليفة شارع الخليج الثانى هههه اقصد المهبولة - بيلاتس اند مور -

راقى ويهبل مو اى ناس يدشوونه

السبب لانه سعره بالشهر 45 مع تأمين اعتقد 100 والحين مسوين عروضات مدرى عنهم بالضبط

هو بجنت الخبارز ومارينا وبريد تووك بالضبط

روحى وشوفيه راح يعجبج

ههههههههههههههه حلوه شارع الخليج
انا اسمي شارع مكه (شارع المطاعم )

المهم قصدج عن النادي الي يم برد توك الي تحت ؟؟ولا غيره :eh_s(10):

اذا قصدج هاذا الي تحت تنزليله تحت واهو يم برد توك
هاذا داشته انا عنونه حدخ وغالي​

 

[بوسيcat]

اللي ادش نوادي من قبل وتقارنه في هالنادي بتحس فعلا بالفرق النادي كلش قته ورطوبه ومايساعد
بس يمكن الاخت عجبها الله يهنيج ياااارب

 

[nono18]

الصراحه السعرر ماعجبني مبالغ فيه انا لقيت نادي ماعرف اسمه بغاليه وعاليه الثلاث اشهر ب60 بس يعني دبل سكاي 3 مرات << بس المشكله ززحمه ماكوو اجهزه فاضيه وغير هاذا سرداب ويخرررع

 

[سمو]

السلام عليكم


انا صارلي فتره ما ادش منتديات كلش

بس بقول كلمه بخصوص النادي (سكاي) ولو اني ما احب اسويله دعايه لا يصير زحمه
..... وتعليقي على بعض البنات :

اولا : بخصوص اللي يكررون البنات يدربون وما يتسبحون سوري انتي شكو فيها ...طالعه من النادي ورايحه بيتهم مو راكبه معاج السياره .... ووايد ما يحبون يتسبحون بره بيتهم ...ومنهم انا ..وللعلم مو كل من يعرق يكون خايس ...الا اللي مو متسبح من قبل :eh_s(10):

ثانيا : لو كان سعره غالي جان محد ذمه .....بس سعره وايد حلو ... ٥٥ دينار ...وفيه كل الالعاب الرياضيه اللي موجوده بكل نادي صحي

ثالثا: المدربات وااايد حلوووين ...واي شي تبينه جاهزين لج ...ويتابعونج بالاجهزه اذا تبين او اول مره ... انا اول مره خلتني العب علي كل الاجهزه ... والفلبينيات احسن شي للتدريب صراحه .

رابعا: الصاله صغيره وحاطين لافته ممنوع الموبايل ...واللي داشين بنات كبار مو معقوله بفتشونهم ...ومراقبين الصاله عدل ...محد يقدر يطلع تلفونه ويصور ... وجدامي وحده صورت الشارع بره جان اييولها ويمنعونها ويطلبون منها تحطه بالخزانه .

خامسا: عندهم حمام سباحه وسالت وحده مشتركه ..تقول المدربه شاطره وتعلم سباحه وتمرينات سباحه <

والحلو فيه .... انج عقب ما تخلصين من النادي وتتسبحين وتتكشخين ...تنزلين تتسوقين :eh_s(15):

انا توني مشتركه وحسيت جسمي شد ....والمدربات يهبلون ...يشجعون اني ايي كل يوم :eh_s(15):

وسلامتكم :eh_s(7):

 

[سمو]

حبيبتى عندج اللى فى ابوحليفة شارع الخليج الثانى هههه اقصد المهبولة - بيلاتس اند مور -

راقى ويهبل مو اى ناس يدشوونه

السبب لانه سعره بالشهر 45 مع تأمين اعتقد 100 والحين مسوين عروضات مدرى عنهم بالضبط

هو بجنت الخبارز ومارينا وبريد تووك بالضبط

روحى وشوفيه راح يعجبج

يعطيج العافيه ..... انا مجربته .... صج حلو ...بس غالي وهذا مو تامين هذا فتح ملف ما يردونه .. وما عندهم اشتراك شهر ...٣ اشهر ب ٢٧٠ تقريبا ... واي شخص يقدر يدشه ماكو شروط

ومساحته اصغر من سكاي ومافيه اجهزه كثر سكاي ...وفوق هذا ماكو مواقف ... من سبق لبق ..وخاصه يمه صالون وعياده بنفس المواقف .