بنات العلوم اجتماعية حياكم عازمتكم على شاي الضحى

[كوت الكويت]

دوانيه بنات العلوم الاجتماعيه عامهّ والمستجدات خاصهْ

حياكم الله بنات

شلونكم شخباركم


اول شي مبروك قبولكم يا المستجدات

بنات هذي دوانيتنا تعالو قولولنا شنو تخصصكم
والمستجدات شنو ناويين تتخصصون انشالله؟


بصراحه انكنت حاطه حقوق رغبه اولى وماكنت متوقعه انهم مايقبلوني :0bee2e8d89:
الحمدالله على كل حال بس اذا ماعجبني الوضع بحول حقوق انشالله
واذا ما حولت بتخصص علوم سياسه

بنات الاجتماعيه الخبره
ابي اعرف شنو اهي المواد المشتركه بين الحقوق والاجتماعيه ؟
وانا مانجحت بالقدرات راح اخذ تمهيدي اول كورس لازم؟
<< ساعدوني والله مادري شالسالفه:eh_s(1):

 

[0(مـــســـ(مطير)ــــــك)0]

رد: دوانيه بنات العلوم الاجتماعيه عامهّ والمستجدات خاصهْ

هلا حبيبتي ..

اولا الف الف الف الف الفا مبرووووووووووووووووووووووك القبول

وثانيا كليتنا (الاجتماعيه ) حلوه وسهله وتخصصاتها حلوه ....ويمكن ماقبلوج بالحقوق خيره لج
وان شاء الله تعجبج الاجتماعيه

اما التخصص (علوم سياسيه ) تخصص مرغووووب وحلو وظايفهم حلوه ..انا خدمه اجتماعيه بس اعرف بنات علوم سياسيه ومرتاحين فيه ..

اما الانجليزي .. فأنا قدمت القدرات مرتين وللاسف مانجحت وبروح ثالثه وليلحين ما اخذت تمهيدي يعني عادي مو شرط تاخذينه اول كورس


اما المواد المشتركه بينا هي مهارات اتصال وانجليزي
والحقوق نظامهم سنوي نفس الثانويه يعني لو بتحولين لهم لازم عالسنه الجايه مو الكورس الجاي..

والله يوفقج ان شاء الله.

 

[كوت الكويت]

رد: دوانيه بنات العلوم الاجتماعيه عامهّ والمستجدات خاصهْ

الله يباااااااااااااااااارك فيج
بعد قللللللللللللللبي ماقصرتي والله مشاركتج فادتني وااااااااايد
يعطيج العافيه حبيبتي

 

[0(مـــســـ(مطير)ــــــك)0]

رد: دوانيه بنات العلوم الاجتماعيه عامهّ والمستجدات خاصهْ

الله يعافيج حبيبتي

وانا بالخدمه ...

 

[كوت الكويت]

رد: دوانيه بنات العلوم الاجتماعيه عامهّ والمستجدات خاصهْ

مشكوره ياقلبي




up up

 

[gazl~q8]

رد: دوانيه بنات العلوم الاجتماعيه عامهّ والمستجدات خاصهْ

مبرووووووووووووووووووووووووووك حبيبتي القبول,,,

كليتنا رووووووعة احلى من الحقوق مليون مرة وماعليه خيره راح تحبين الكلية وانشاءالله راح تستانسين انج انقبلتي

وفي مواد مشتركة مع الحقوق مثل حقوق انسان وعلم نفس اجرام وثقافة قانونية..

بس نصيحة لاتحولين ترا الحقوق تلوع الجبد ودراستها تقث 100000 مادة بالكورس صج تعب>>لايزعلون بنات الحقوق خخخ

وعادي يصير تاخذين تمهيدي اول كورس انا خذيته اول كورس سهل وتنجحين فيه والله يوفقج..

واقري موضوعي انشاءالله يفيدج...

http://www.q8yat.net/showthread.php?t=205077

 

[كوت الكويت]

الله يبااااااارك فيج ياقلبي
انتي شنو تخصصج وروده؟

 

[gazl~q8]

هلا انا توني تخصصت علم نفس,,

 

[كوت الكويت]

اها موفقه ان شالله ياقلبي

 

[حلم المشاعر]

بنات ردوووووووووووووووووووووا علي منو خذت قبل عند يوسف غلوم ؟

 

[gazl~q8]

هلا حلم المشاعر والله ماعرفه ماخذيت عنده..


ومشكوووووووووورة كوت اجمعين انشاءالله,,

 

[0(مـــســـ(مطير)ــــــك)0]

السلام عليكم شلونكم بنات

بس بقول شغله لكوت اللي تسال عن المواد

علم نفس اجرام وعلم عقاب واجرام ... ما اتوقع يساونها اذا حولتي حقوق لان هالمواد مومشتركه

ينزلونها للحقوقيين ولغير الحقوقين يعني احنا ناخذها بكورس هم ياخذونها بسنه ..
وانا كنت ماخذه علم اجرام وعقاب كان الدكتور يقول لوكم حقوقيين الكتاب كله معاكم ؟؟؟

يعني غير مايساوونها .. والله يوفقج حبيبتي وسالي العماده اضمن لج ..


اما الاخت حلم المشاعر

انا كنت ماخذه عند د يوسف تغيير اجتماعي

هو حبوب بس شديد مايقبل طبيات ومايحب الاعذار التافهه

وامتحاناته صعبه شوي كلها اسماء .. وانا ماكنت مركزه عليهم

امتحاناته اختياري يعطي اووفات ويحب يسولف بس دايما يقرا من الكتاب يشرح سطر سطر وهو قاعد بالمكتب

عشان جذيه كانت محاضراته بنسبه لي ممــــــــــــله لاني احب الدكتور اللي يتحرك ويستخدم ايده ويسولف مو يقرا سطر سطر

اتمنى اكون افدتج واي سؤال انا حاضره .....

 

[حلم المشاعر]

مشكوره حياتي شكلي بسويه تبديل مع محاضره الدكتور عامر نظريه حديثه لان احسن نفس وقته لا يحوشك امتحاناته صعبه يماي

 

[كوت الكويت]

وروده العفوو ياقلبي


...q8... مشكووووره ياقلبي ما قصرتي حبوبه

 

[0(مـــســـ(مطير)ــــــك)0]

حلم المشاعر ........ كوت

العفو حبايبي ... وانا بالخدمه

 

[gazl~q8]

بناااااات تكفون متى الباي فورس استخفيت وانا اسئل محد يعرف اهيئ اهئ!!

 

[كوت الكويت]

بناااااااات بسألكم جم ماده اخذ اول كورس؟؟
وانا قلت من قبل اني بحول حقوق ان شالله بس هالمواد اللي قلتو عليها ما شفتها بالجدول مال المواد<< حقوق انسان وعلم نفس اجرام وثقافة قانونية..

الا علم نفس اجرام لقيته ومو حق المستجدات بعد

شلون جذي؟

 

[gazl~q8]

شوفي حبيبتي اكتشفت شغلة مافي مواد مشتركة لان الحقوق نظام سنين يعني مثل الثنوية ماتحولين الا عقب سنة كاملة واخذي مواد الاجتماعية عادي وشدي حيلج وحولي السنة الجاية موفقة,,

 

[بنوته دلوعه]

مرحبا بنوتات حبوبات (علوم اجتماعيه)
بصراحه ودي استشيركم بشغله
انا مستجده اقبلوني اداب
ودي احول علوم اجتماعيه تخصص علم اجتماع
هل اذا تخصصت علم اجتماع راح اصير مدرسة اجتماع؟؟؟؟

 

[بنوته دلوعه]

وهم في سؤال ثاني جم لازم اخلص وحده عشان احول عندكم
ومرسي بوكو