بنات الله يخليكم ريحوني

[دانه الجنوب]

مساء الخيرات
انا قبل الدوره حسيت بصداع قوي لمده اسبوعين وغثيان وخمول
وجت الدوره مقدمه ب 3 ايام بس مره خفيفه وخلصت خلال 3 ايام فقط بس الصداع استمر والخمول والدوخه
ولعابي كثير اثناء النوم ونغزات في المبيض الايسر هل ممكن يكون حمل
ريحوني انا مغتربه وهنا لازم مواعيد

 

[# غنوجة بيبي #]

الدم اللي نزل عليج شلون كميه؟

و اي لون ؟

 

[جـــواهر]

لازم تروحين طبيب هالأمور ماتحتمل التخمين

 

[دانه الجنوب]

الدم نزل اول يوم خفيف مره وثاني يوم كانت عندي عزيمه نزلت كثير ثالث يوم وقف

ادري ياقلبي لازم دكتور انا ماخذه موعد بعد اسبوع بس لاني اخاف اجهد نفسي ويكون حمل خصوصا هنا نمشي كثير

 

[أمونيتا ~]

ما اعتقد حمل بس اذا شاكه لازم تروحين لدكتوره تتأكدين

و الله يرزقج بالذريه الصالحه يارب

 

[latkt7as]

ماعندي علم بهالسوالف

 

[امـ خــزامـى]

الله يكتب لك الخير ويرضيك فيه

 

[الرو تغليك وح]

انا تاخرت يومين
بعدها جات دوره وغسلت من ثالث يوم
وانا معروفه ان دورتي اغسل سابع يوم او ثامن يو
حتى خفت ان اكون حامل رحت لدكتوره قالت مافي حمل
ولا اقدر اسميها لخبط بالهرمونات لانها اول مره تاخر عليج
وسوت لي مسحه طبيه طلع فيني بكتيريا وعطتني علاج
وحملت بعد هالدوره

امي وخواتي يسمون دوره الي تاخر وتجي كم يوم
يسمونها دوره الحماله او دوره دور الحماله

وبس قرقرت واجد

 

[دانه الجنوب]

مشكورات حبايبي الله يعطيكم العافيه وربي يرزقني وكل من تبغى الحمل

 

[# غنوجة بيبي #]

دام ثاني يوم نزلت كثير خلاص

مافي حمل


لخبطة هرمونات


استشيري الدكتور و جيكي على هرموناتج

 

[أأأميرة الورد]

سوووي تحليل منزلي يبين اذا فيه حمل

واتوقع مو حااامل لان الدوره نزلت عليج ثلاث ايام حتى لو كانت خفيفه

والله يرزقج بالحمل عن قريب