fdeet_shosho
New member
حبيبتي مثل ما قالت وحده من البنات انتي زوجج مضغوط بين الدوام والدراسة وترى الدراسة هم لانه مسؤول عن بيت وعن طفل وتلاقينه خايف يقصر معاكم، هو محتاج وحده يعتمد عليها اهيا اللي تنسق حياته وتبدر اموره ما يبي وحده تحن عليج والا تقعد تبجي كل شوي وتضيق خلقه.
1. اذا رجع من الداوم خلي الغدا يكون جاهز وتكونين لابسة وكاشخة بس مو قميص نوم، لان اذا لبستي قميص نوم وما قدر يقرب منج بسبب العمل والتعب راح يحس كانه هو مو ريال، فخليج لابسة شي حلو وكشخة وتعطري واذا اهوا طلب الفراش قولي له ميخالف حبيبي مو اللحين انت تعبان ارتاح شوي، خليه يحس باهتمامج فيه وخوفج على صحته.
2. اشغلي نفسج باي شي، روحي دورات روحي دروس دينية عشان الفترة اللي يكون فيها بالجامعة ما تقعدين بروحج وتملين وعشان اذا رجعتي البيت تكون نفسيتج احسن وفريش.
3. سوي الشي بدون لا يطلب منج، يعني اذا زاركم احد سوي لهم عشا او غدا وصدقيني اذا شاف الاكل جدامه ما راح يطلع، لان بعض الرياييل يحب المرا تسوي الشي من نفسها وما يحب تاخذ راييه بكل صغيره وكبيرة، الريال يحب المره الظفرة النبيهه.
4. حبيبتي اكبر غلط تدخلين ناس بيتج بدون موافقة او علم زوجج، واذا حابة تجمعين جاراتج عندج شاوريه وحددي معاه يوم معين وعزميهم عندج او اذا تبين خلي لج زيارات اسبوعية لجيرانج بس بعلمه وبرضاه.
5. اذا اهوا زعل بدون سبب او لسبب تافهه لا تروحين تعتذرين له، تقربي منه بطريقة غير مباشرة يعني جهزي اكله وشربه وملابسة وكشخي ولبسي وتعطري وكلميه عند الحاجة بس
6. لا تشاورينه بكل صغيره وكبيرة، ترى الريال يزهق اذا كل شوي المرا تساله تبي جاي تبي قهوة تبي عشا تبي اجهز لك شي .... الخ، بالعكس انتي سوي الشي بدون لا يطلب، والله يبي يشرب جاي حياه الله ما يبي انتي قعدي جابلي التلفزيون وشربي ما عليج منه
7. حبيبتي اقولج مرة ثانية شغلي وقتج ولا تخلين زوجج اهوا محور يومج
واخيرا عذريني حبيبتي على كلامي ان كان فيه شي يضاقيج بس والله انتي مثل اختي الصغيرة وما ابي لج الا الزين عسى ربي يوفق ما بينكم ويهديكم لبعض
معاها :rerrerek:
وبزيد شغله لاترخصين بنفسج وتبينين انج ضعيفة الرجال مايحب المره الضعيفة جربي هالطريقة اسبوع وشوفى اذا 4بينت وياج ولا لاء منتى خسرانه شي
اولا الابتسامه على وجهج لاتعبسين ولاتبينين انج متضايقه بيني انج فرحانه وستانسه حيل
ثانيا قومى بكل واجباته واشغلى نفسج بولدج او باي شي ثانى
قوى علاقاتج بجيرانج وكوني صداقات عشان مايصيلا كل همج زوجج راح زعل عصب طلع
بالاخير سوى شغل بيتج كامل لاتشاورينه تبي وماتبي حطي شغلج وخلاص عشان مايقول باجر عنج رفله
والله يهديه لج يارب ويسخره لكم
وبزيد شغله لاترخصين بنفسج وتبينين انج ضعيفة الرجال مايحب المره الضعيفة جربي هالطريقة اسبوع وشوفى اذا 4بينت وياج ولا لاء منتى خسرانه شي
اولا الابتسامه على وجهج لاتعبسين ولاتبينين انج متضايقه بيني انج فرحانه وستانسه حيل
ثانيا قومى بكل واجباته واشغلى نفسج بولدج او باي شي ثانى
قوى علاقاتج بجيرانج وكوني صداقات عشان مايصيلا كل همج زوجج راح زعل عصب طلع
بالاخير سوى شغل بيتج كامل لاتشاورينه تبي وماتبي حطي شغلج وخلاص عشان مايقول باجر عنج رفله
والله يهديه لج يارب ويسخره لكم
