بنات اللي استخدمت لعيالها حليب نوفالاك ضد الارتجاع تدش بليز

[نطوووعه]

شريته امس لولدي و شربته منه مرتين بس يلووووووووع الجبد ريحته مأساة و ماااااااايذوووووووووب عورني بطني وانا اخظ المميه ماااااااااااااااكو فاايده اللي مجربته تقولي شرايها فيه؟؟؟ رديت الحين على حليبة ولدي القديمه ابتاميل كومفورت

 

[عشق]

الطبيب اللي معطيه هالحليب والا انتي من كيفج

 

[نطوووعه]

وحده نصحتني استخدمه لانها استعملته لبنتها و ترجيعها اكثر من ولدي وارتاحت عليه فقلت خنجربه لانه وايد يرجع مسكين بس هالحليب مو طبيعي ما يذوووووووووووووب على كثر ما اخظ الممه القى فيها كتل حليب ماذابت انا هديته الحين بس بسال عنه يمكن يطلع زين والا في طريقه معينه اذوبه فيها وانا ماعرفتله

 

[عشق]

حبوبه انصحج تتركينه دام مو استشارة الطبيب انا بنتي يالها فتره ترجع وايد ووديتها الطبيب وقال لي كملي حليبها ولا تغيرينه وصج بعد جم يوم وقفت ترجيع

مو شرط من الحليب يكون السبب

وبعدين جم مره اكتب وانصح في هالشي

يا جماعه الخير

كل ياهل يختلف عن الثاني لازم استشاره مختصه

عيل ليش انا اعطي بنتي حليب وانتي تعطين حليب ثاني وغيرنا يعطي حليب مختلف
كل واحد على حسب

 

[نطوووعه]

مشكوره حبيبتي عالنصيحه .. انا رحت للطبيبه اليوم و قالت مشكله الترجيع سببها تكرمين الامساك حبيبي بال 3 ايام يالله يروح و ساعات لازم تحميله فعطتني حليب ضد الامساك من نفس الماركه و الحمدلله شكله زين .. تعرفين شي طبيعي حق الامساك؟ مدحولي منقوع المشمش و الكشمش يقولون يلين البطن؟

 

[@Miss Dio@]

عاد انا قلت بعطيه بنتي عل كثر ما مدحوه بس انا احب ابتاميل وايد زين
الامساك شوفي نقوع التمر زين سوي له مساج بزيت الزيتون والامساك من الحليب الصناعي

 

[Pinky Dream]

الرشاد زين للامساك عطيه جم حبه باليوم او خلطيها مع تمر

 

[عشق]

عصير قفشه عصير برتقال طبيعي وزيدي عليه ماي

 

[نطوووعه]

مس ديوم والله هبيت اعطيه تمر النتيجه مو واضحه بكمل عليه و اشوف و خووووش فكره فكره المساج بالزيت ادهن بطنه يعني؟





نجود الرشاد يصلح حق بيبي عمره 3 شهور تقريبا؟... مشكووووره




عشق .. جنه ولدي صغير عالعصير تو الناس عليه انتي شرايج؟ و مشكوووره

 

[Pinky Dream]

لا ثلاث شهور صغيره انا عبالي كبيره

 

[نطوووعه]

مشكوره حبيبتي عالرد

 

[قمر ضاوي33]

وي نطوعة انت ينفس حالتي مع بنتي امساك وبعدين ترجيع ...

انا استعملت نوفلاك مال الترجيع وايد زيم ما لك شغل في ريحته بس الدكتورة انصحتني فيه ...

واهوخاثر مايذوب معاناة حطي ماي دافي وذوبي الحليب شوي شوي كنك تفرين الممية موتخظينها فوق تحت لا ... يمين يسار بين كفوف ايدك يعني رقصيها ههههههههههه
وحطي ممية اكبر يعني ولدك يستعمل سمول حطي ميديم ...


ما تشوفون شر

 

[قمر ضاوي33]

وي نطوعة انت ينفس حالتي مع بنتي امساك وبعدين ترجيع ...

انا استعملت نوفلاك مال الترجيع وايد زيم ما لك شغل في ريحته بس الدكتورة انصحتني فيه ...

واهوخاثر مايذوب معاناة حطي ماي دافي وذوبي الحليب شوي شوي كنك تفرين الممية موتخظينها فوق تحت لا ... يمين يسار بين كفوف ايدك يعني رقصيها ههههههههههه
وحطي ممية اكبر يعني ولدك يستعمل سمول حطي ميديم ...


ما تشوفون شر

 

[سمردحه]

السلاام عليكم

اناا بنتي عمرها ثلاااااث شهووووور وضعييييييييييفه جنها توو بالنفااااااس حليبها سيملاك غيرته نوفالاك

من دون استشاارة الطبيب اللهم قالي غيري حليبهها

حبيبتي متقبلته

انتووووو شنو راايكم

 

[الكريستال]

انا جريته صج ما فاد معاها
بس ما كان يتكتل يمكن انتي تحطين لها ماي بارد
اللي حسيته فادها اس 26 مال الترجيع بس يقولون لا تستمرين على حليب الارتجاع اكثر من اسبوع

 

[حور الجوري]

انا استعمل نوفولاك ضد الامساك حق ولدي
الحمدالله طااح عليه و استفاد منه ...اهوه ما كان يخرج كل يوم
واذا اخرج.. مره كل 3-5 ايام و مافيه امساك
فجربت هالحليب قام يخرج وبسرعه وما يتأذى من الغازات
ومنت احطله مع الحليب ماي تمر او حبه حلوه وااااايد زين له

 

[*ماي الورد*]

رد : بنات اللي استخدمت لعيالها حليب نوفالاك ضد الارتجاع تدش بليز

انا جربت حليب الارتجاع اس 26 و كان ماشي تمام

 

[ام نوونه]

انا بعد بنتي فيها ارتجاع الدكتور عطاني اس 26 مال الارتجاع

اهوا طعمه حلوو بنتي حبته وايد بس يسوي مغصص

وذبحني ماينزل من المميه غيرت الراس من سمول لي ميديم ماكو فايده

حتى لارج ماينزل عدل يتكلكع فرديتها على نوفولاك العادي مع دوا الترجيع متيليوم

الدكتور وصفه لي 3 مرات باليوم وصج من اني رديتها على حليبها وترجيعها خف وايد

استخدم الدوا قبل الرضعه بنص ساعه