بنات اللي حطت مكياج عرسها بالبستكي تتدخل

[شوارفسكيه :$]

قوة بنات شلونكم شخباركم احترت وين انزل موضوع قلت مافي اللي الحياة الزوجيه لانكم تزوجتوا وخلصتوا والله ايتتم عليكم ان شا الله حبيت استفسر عن مكياج البستكي اللي حطت عندهم بعرسها ابيكم اتردون علي اسالتي 1- اذا حجزت غرفه عندهم اهم يصعدولي اسولي مكياجي وتسرحتي ولا انزل لهم ؟؟؟ 2- واذا انا فووق شلون ادري انه دوري بالمكياج مثلا الساعه الفلانيه اهم انادوني ولا شلوون ؟؟؟؟ 3- لما اروح احجز احجز الغرفه معاها والا بيوم العرس ؟؟؟ 4 - متي احجز قبل العرس بكم اسبوع ؟؟؟ بنات والله من اول ماحددو عرسي وانا احاتي وخايفه وزني نزل الله يستر وتتم علي وعليكم يارب ايوفق كل وحدة اترد علي والله ايوفقها وين ماتروووح ((دعااا بثلث الليل )) اعذروني علي البدليات داخله من ايفواني *

 

[رنيم الروح]

ان شاءالله يفيدونك البنات ياقلبي

 

[حلمي وامالي]

دخلت وقريت كل توقيعك الله يوفقك ويتمم عليك يارب

 

[al6aylaaa]

اااب لعنوونج

 

[حرم_الغلا]

اب



اب



اب

 

[مسـك]

السلام عليكم

اول شي الله يوفقج ويتمم عليج بخير


انا كنت في بستكي

طبعا حجزت الغرفه لما رحت احجز الصالون واحدد اللي تمكيجني وتسوي شعري تقريبا قبلها بثلاث اسابيع


طبعا بالغرفه فوق محد يصعدلج


انتي تنتظرين تحت وتجيكين على دورج بنفسج او اساليها كم وحده قبلج؟؟

خلصت من المكياج رحت فوق اريح شوي لان الشعر كان قبلي ٤ او ٥ عرايس


فا خليت البنات يسالون كل شوي عن دوري ولما وصل نزلت وخلصت شعري وصعدت مره ثانيه عشان التصوير


وبس اتمنى اني فدتج 

 

[مصرقعه كوول]

الله يتمم عليج عجميه ��
والف الف الف مبروك��
انا عن تجربتي فبستكي كنت حاطه عنده بتحوالي كان جناااااان وناعم حييييل وكنت كأن شكلي كاني قطوه كنت منزله شعري وحاطه فيونكه ورا القذله ومكياج مسحوب من تحت وحمرا عنابيه احب حمرتهم هذي دايم احطه شريتها منهم من المعرض
بس احس مو شي حق العروس مايطلعها بالصاله لان كل الي سوو تحسفو لان بصاله كل اليتشوفينه بروحج يختفي بين زحمة مكياج الناس فأنصحج روحي حق كونتنتال كنت رهيييييبه وكانو ينادوني سندريلا كان ناعم بس كريمهم عجيب كنت صج عروس الاحلام والكل اجن علي

 

[برنسيسة2007]

سوي الماكياج عند راتيا والشعر عند زينب
راانيا حبووووبه وتراعي نفسيتج وخااااطرها وسيييييع وتسمع منج
الكريم اخذي مخلوط وردي وبيج والاكثر بيج>>احسه احلى لون
واذا الكريم ما اعجبج لاتستحين خل يعيدونه ترا عادي يعيدونه لو مليوووون مره واتكلمين رانيا احسن يعمي اذا تو ماجا دورج دخلي على رانيا قوليلها احس الكريم غمجته او فتحته ودي اغيره ترا حبوبه اتضبطج اتنادي مالت الكريم واتقول لها
حتى البشر او شي مو عاجبج اتضبطه مليوون مره

مايصعدون لج فووووق انتي تنزلين
ونصييييحه لوجه الفندق يستغلج
فيه غرفه٢٥
سويت ٥٠
انا اخذت السويت وكنت حاجزته قبل يوم العرس طبعا اهما مايقولون لج عن الغرفه ال٢٥ بس انا عموما ماكنت ابيها كنت ابي سويت
وعرس خالتي حجزنا الغرفه نفس اليوم قالوا مافيييه الا جناح قصر دسمان ب١٥٠دينار
والله كانت السويتاتاللي يمنا فاضيهبس جذي استغلال!!
فنصيحه حجزي قبله انا ما اذكر متى حجزت بقبلهالظاهر يحجزون لج بالتلفون قبله بيوم


ايييه وشلون تعرفين دورج يدقون على غرفتج فوق بالتلفون يبلغونج

 

[الجوهرا]

الله يوفقج انشاالله ويتمم عليج

 

[سنيار البحر]

اب

اب

 

[مذهــلــه]

نفس ماقالت مسك انا حجزت الغرفه قبل العرس باسبوعين

لكن حجز الصالون قبله بشهرين او اقل شوي

مكياجي عند امل وشعر زينب رووووووعه وجدا راقيات بالميك اب والتساريح

بالنسبه للدور حطيت كريم اساس واستشورت شعري وبعدها قالولي في وحده قبلج صعدت الغرفه وكنت اتصل اجيك بالتليفون

وعادي صليت وتغديت ونزلت كملت شغلي

عادي لاتحاتين ترى كل شي يمشي طبيعي بس اهم شي حجزي قبلها بفتره

 

[Q 8 Y A t]

صراحة انا ما حجزت

كان شغلي ورا بعض

وخلصت وقعد اصور بممرات الصالون

حجز الصالون كان لي قبلها بعشر ايام

واللي حطت لي مكياجي رانيا

 

[انوثتي غير وياك]

Up up

 

[هنووفوو]

والله مادري


بس بقولج شغله عشان مايحطون لج مكيااج حيييل اوفر


اختي بملجتها قبل شهر حطت عندهم
بس ماقالت لهم ان اهي العروس
قالت عندي حفله

ومكياجها حطولها واايد حلووو
يعني لاتقولين لهم انج العروس عشام مايهولون فيج

الله يتمم عليج يارب ويوفقج

 

[empress hoor]

حجزي قبلها ٣او ٤ اسابيع احسلج والمكياااااااج يحطونه لج فووووووق انا منصدمه من البنات اللي نزلو عيل ليش ماخذه الغرفه مو لاني ابي خصوصيتي بعد عن الازعاج وانتي تحجزين قوليلها الللي تحطلي مكياج تييني فوق وانا عن نفسي بدون ماقتلم اهي يتلي فوق واول ما رحت قالتلي راح تصعدلج فوق الساعه ٦ ونص واذا تأخرت دقي عليهم بتلفون الغرفه حتى التسريحه وبيكير منيكير كل شغلج فوق والله يتمم عليج حبيبتي ونصيحه مبين عليج متوتره وخري التوتر ترى المكياج مايضبط عليج وانصحج قبل لا يحطولج نزلي سوي تنظيف بشره يحطونج بغرفه بروحج واجواء ريلاكس وتدلك ويهج باباجهزه وتعطيج نظاره والله يوفقجحببتي​

 

[انونا]

والله ما اعرف
والبنات ما قصروا
بس حبيت ارد عليج علشان تدعيلي بثلث الليل اني احمل

 

[شهد بنت صغيره]

بالنسبه لي حجزت غرفه وعطيتهم رقم الغرفه طبعا الحجز قبل اسبوعين ثلاث وكاااان المكيااج والتسريحه روووعه
الميك اب امل والشعر سوسن او سوزان مادري والله نسيت اسمها

وطبعا قعدت بغرفتي اريح لما وصل دوري اتصلو علي وقالو دورج بس

 

[سنفوره8]

ما عندي اي فكره بالتوفيق. لاتنسيني من الدعا الله يرزقني الذريه الصالحه

 

[mi corazon]

انونا .. ي رب تحملين وتولدين بالسلامه



حبيبتي صاحبة الموضوع انا حجزت كله مره وحده .. الصالون والغرفه


صعدت شفت الغرفه .. اعتقد سويت مو غرفه لأنها غرفه وصاله وحمام ومطبخ

عالعموم انا اتساءل وياليت يفيدونا حبيباتي

الحين لي ييت انزل واصعد امر باللوبي؟ ماكو اسنسير عالصالون او درج داخلي؟ لأنه فشله وخبه امر عالاوادم

شلون الوضع بنات ؟

 

[شوارفسكيه :$]

مشكورين بنات دعيتلكم والله يوفقكم بنات اذا نزل وانا فوووق انزل يعني لازم البس عبيتي وجذي ولا عادي انا ومحد يطالعني قولولي شلون الطريقه وياليت اتردون باسررع وقت نطرتكم