بنات اللي عندها خبره بلندن وحافظتها حفظ تدخل تساعدني ولي يعافيكم

[hneen2]

السلام عليكم ....


بنات احنا قرارنا باذن الله نسافر لندن بالعطله الصغيره وخبري فيها لندن من زمااان يعني مادري عن اسعارها الحين عاد قلت بستفسر منكم ببعض الاشياء علشان نحسب حسابنا :s141:

شوفو انا وريلي طبعا وعيالي 5 الكبار 15 و14 سنه والصغار 11و6و2 سنه تقريبا التذاكر جم تكلفنا مع المصرف والفندق ادري ماتقدرون تعطوني بالضبط بس ابي تقريبي واحنا ناوين نقعد 5 ايام بس ما اقدر اسافر اكثر من 5 ايام تدرون بالسفر ويه يهال :eh_s(11): شوي صعبه بنات عفيه عطوني فكره ومشكوووووووووورين واااايد :hjy5jewf:

 

[hneen2]

:bbbiu::bbbiu:يارب القا احد يجاوبني

 

[hneen2]

شدعوا بنات ماتبون تساعدوني ناطرتكم من ظهر ماهقيتها منكم بس :080402ask_prv: ....

 

[buffy]

والله انا ما عمري سافرت لندن بس ما هان علي ادخل من غير ما ارد
ان شاء الله البنات يفيدونج

 

[hneen2]

فديتج والله كلللش ذوووق

 

[البسمه العذبه]

هلا بج ............مالج الا البسمه العذبه ........مااقولج خبره بلندن هي مره الي رحت لها .........بس اختج فزززاعه
شوفي انا من النوع اذا اسافر مااحب اكون حدي حدي فاحسبها عدل
بقولج عن سفرتنا
فيزا اول شي حطي باحسابج انا واخوي وعيالي 3 خذوا تقريبا 200 دك
والتذاكر 135الكبير والصغار اقل بعشره او عشرين تقريبا 700دك
والشقه تلوع الجبد 1000 دك بالشهر
السوق انتي ومشتراج انا بالنسبه لي خذيت اغراض شخصيه وبضاعه والله صرفت حيل بس الحمدالله عوضت بالبضاعه ويكفي شفنا لندن

 

[البسمه العذبه]

واي استفسار انا حاضره ومابي منج الا دعوه طيبه عسانا انا وياج من اهل الجنه ادعيلنا بالجنه

 

[fona]

شوفي حبيبتي

التذاكر كل ماتحجزين ابجر كل ماكان السعر ارخص ودوريلج ارخص طيران بين الاماراتيه والقطرية والاتحاد والبريطانيه

والفندق اذا تبين شي قريب من السوق والمطاعم اكيد بيكون غالي يعني عندج الكمبرلاند ليلته اب شي و 80 حق الغرفه وانتي تبين اكثر من

غرفة فاتوقع دوري شقه احسن لج اكيد بتكون ارخص لج روحي مكتب سفريات واهو ابيعطيج الشقق اللي على ميزانيتج وعلى المصرف انتي

الوحيدة اللي بتعرفين وطبعا في اشياء ارخيصه وفي اشياء غاليه اللي تبينه موجود ولا تنسين اتروحين الاوت لت في اغلب الماركات باسعار

ارخيصه حييييييل واذا تبين اي استفسار انا حاظرة

 

[مسك الاثاره]

صباح الورد شوفي حبيبتي عندج طيران القطريه التذكره مع 8ليالي بفندق كمبرلاند للشخص الواحد377 والبريتش 388 وحسبي الفيزا بعد وطبعا مصروفج على حسب مشترياتج
بس نصيحه اول ليله قعدي بفندق بعدين روحي اجري شقه بس شوفيها بالاول لانه شققهم تلوع الجبد
بس حرام تقعدين 5ايام بلندن ماتسوى العنوه وانتي اسم الله عليهم معاج يهال يعني 10 ايام يدووووووب يكفون
وبالتوفيق ان شالله

 

[hneen2]

مشكوووووووووووووووورين كلكم ياحياتي فديتكم والله والبسمه العذبه فديت بسمتج الحلوه ربي يخليج ويوفقج مامنج قصور ياقلبي بس امس ريلي قالي 5 ايام ماتسوا بخليها 10 لوووول بعد شسوي 10 10 بس نونس هاليهال ونغير جو ما قصرتو والله كل وحده بسمها حبايبي

 

[ربوع الحلوة]

شوفي ياقلبي مالج إلا ربوع أنا صار لي سنين أبوي يودينا لندن وأمريكا الطيران القطري أولا نصيحه وخري عنه وايد قالوا تجاربهم إنه

رخييييص بس حراميه يضيعون جناطكم ولما توصل بايقين اللي فيها وحده تقول حتي القفل كاسرينه وكسرت خاطري بايبه ماركات حق بناتها

للعيد وبالنسبه لطيران الإتحاد وغيرها اللي ترانزيت توقف بدبي بهذله لعيالج يتعبون ويمكن يقعدونكم ليله كامله بالمطار إذا تأخير هذا صار

معاي شخصيا كنت رايحه لأخوي لندن وإضطريت أخذ فندق المطار علشان أتمدد ودفعت صار أغلي من بيع السوق

الحل ثم الحل مايحج ضعييييف حبيبتي إنت بتسافرين أولا أحلي وأريح طيران البريطانيه البرتش سيده لندن تطلع تذاكركم الشخص يمكن 220

ومرات في عروض وعليج الحساب أما هناك يعني شرايج ياقلبي إنتوا 7 أشخاص الفندق لازم 3 غرف لأن أكثر من 3 سراير الغرف مافي

الحل أرخص وأحسن الشقه في غرفتين وصاله وحمامين بالإسبوع تلاقون 1500 باوند أنظف شقه يعني 750 دينار وتري تطلع أرخص

من غرفتين حتي بفندق إسبوع ( فندق ثيستل / فندق كمبرلاند / هيلتون وغيرهم ) الليله الغرفه من 80 دينار وفوق غرفتين ب 160 دينار
إسبوع 1250 كويتي بس إنتوا لازم 3 غرف أكثر شرايج ؟؟؟؟؟؟ شقه أوفر

 

[hneen2]

شوفي ياقلبي مالج إلا ربوع أنا صار لي سنين أبوي يودينا لندن وأمريكا الطيران القطري أولا نصيحه وخري عنه وايد قالوا تجاربهم إنه

رخييييص بس حراميه يضيعون جناطكم ولما توصل بايقين اللي فيها وحده تقول حتي القفل كاسرينه وكسرت خاطري بايبه ماركات حق بناتها

للعيد وبالنسبه لطيران الإتحاد وغيرها اللي ترانزيت توقف بدبي بهذله لعيالج يتعبون ويمكن يقعدونكم ليله كامله بالمطار إذا تأخير هذا صار

معاي شخصيا كنت رايحه لأخوي لندن وإضطريت أخذ فندق المطار علشان أتمدد ودفعت صار أغلي من بيع السوق

الحل ثم الحل مايحج ضعييييف حبيبتي إنت بتسافرين أولا أحلي وأريح طيران البريطانيه البرتش سيده لندن تطلع تذاكركم الشخص يمكن 220

ومرات في عروض وعليج الحساب أما هناك يعني شرايج ياقلبي إنتوا 7 أشخاص الفندق لازم 3 غرف لأن أكثر من 3 سراير الغرف مافي

الحل أرخص وأحسن الشقه في غرفتين وصاله وحمامين بالإسبوع تلاقون 1500 باوند أنظف شقه يعني 750 دينار وتري تطلع أرخص

من غرفتين حتي بفندق إسبوع ( فندق ثيستل / فندق كمبرلاند / هيلتون وغيرهم ) الليله الغرفه من 80 دينار وفوق غرفتين ب 160 دينار
إسبوع 1250 كويتي بس إنتوا لازم 3 غرف أكثر شرايج ؟؟؟؟؟؟ شقه أوفر

ياقلبي والله انتي ...

بس حنا بغينا علي طيران الاتحاد :eh_s(12):صج ماتسوا نا وعيالي ليله بالمطار مو تلوعوز الا :eh_s(11)::eh_s(11)::s141::s141:

تدرين حتي امي قالت حجزو علي البرتش بس احنا سمعنا خبر ان موقفين الطيران ومسوين اضراب فخفنا تروح علينا التذاكر وبالنسبه لرايج شقه اي امس ريلي قالي شقه احسن لنا وااايد ...

والله احترت خنشوف الكوتيه ولو ان الكويتيه امس دقينا عليهم التذكره 299 مادري عاد ؟؟؟:080402ask_prv:

 

[ربوع الحلوة]

الله يسمح دربكم يارب أنا حاجزه علي البرتش نص شهر 1 يناير ماعندهم إضراب ولاشيء إشاعه والكويتيه خليج بعييييده عنها البرتش

أو الإتحاد إذا بتتحملون القعده بالمطار تمشوا وكلوا بالمطار وتشروا ههههههههه إحنا كلا نبي السوق وراح يضيع الوقت ومادام راح تاخذون

شقه أقدم لج نصيحه ثانيه لاتتعاملون مع العراقي ولا السوداني هناك بس اليمني عندج زين وبعد الأكراد زينين في تعاملهم والأفضل تحجزون

عن طريق شركات إنجليزيه من الإنترنيت أضمن بعد وفي بعد بعض العضوات حاطين أرقام كويتيين هناك يشتغلون في تأجير الشقق

 

[LA TROO7]

مالج الا القطريه مجربتها كثير ورووعه وسع وافلام على كيفج
الكويتيه تضيق الصدر
التذاكر الواحد ب150 تقريباا وترا برد حيييييييييييييييييييييييييييييييييييييييل الحين اخذي ملابس ثقيله لعيالج وفديت لندن

 

[نماين]

ما قصروا البنات

 

[توته توته توته]

متي اشوفج يالندن مره ثانيه واي اتينن امووووووووووت فيها

 

[البسمه العذبه]

مشكوووووووووووووووورين كلكم ياحياتي فديتكم والله والبسمه العذبه فديت بسمتج الحلوه ربي يخليج ويوفقج مامنج قصور ياقلبي بس امس ريلي قالي 5 ايام ماتسوا بخليها 10 لوووول بعد شسوي 10 10 بس نونس هاليهال ونغير جو ما قصرتو والله كل وحده بسمها حبايبي

هلابج يالغلا ماسويت شيء ............حاضرين بس للطيبين .........فديتج والله وعليكم بالعافيه

 

[جوجوا]

انا صراحة ماروح لندن الا على الكويتية كافي انها الطيران الوحيد اللي مافي مشروب على الاقل الواحد قاعد وهو متطمن واذا على التأخير اغلب الطيران يتأخر ،وهم كافي انها دايركت يعني من اصعد الطيارة اعطي عيالي دوا اكتفيد وهم اسهرهم عشان ينامون ومايقعدون الا قبل لا نوصل عشان الحنة والهواش:d ،وانصحج حجزي ابفندق ثلاث ايام على ما تلقين الشقة المناسبة عشان باجي الايام السبعة تكون في الشقة لان اجارهم اسبوعي،واذا على السوق راسليني على الخاص اعطيج اسماء اسوقه راح تدعيلي اذا رحتيهم لانهم واايد رخاص والبضاعة ممتازة

 

[حضاره]

ماشاءالله البنات ماقصروا00

بأكد لج على جم شغله00الفيزا للشخص الواحد اقل شي 6 شهور ب37 او 38دينار

اولا الطيران حق لندن ماكو مثل البرتش00نظاميين00ودقيقين 00ومريحين00ويسوون عروض على التذاكر00

جيكي عليها قبل ماتقصين التذاكر00ممكن يوصل سعر التذكره للكبار 140او 150 والصغار اقل بعشره اوعشرين

بعدين السكن أكيد طبعا الشقه اوفر لكم00

نجي للمصرف00عندج مواصلات00وعندج المطاعم

المواصلات 00استخدمي الاندرجراوند اوفر لج واسرع بعد وعشان يصير استخدامه سهل بالنسبه لج حددي من هني الاماكن اللي بتروحينها

وطريقة الوصول لها 00كل شي بتحصلينه على النت00لاتحاولين تستخدمين التكاسي لان عددكم كبير بتحتاجون 2 تاكسي

والمطاعم عاد بتلاقين الاسعار الغاليه والرخيصه00عندج اللي اسعارها نفس اسعارنا البيتزا هت ولذيذه بعد وفي الماكدونالدز
وفي مطاعم لبنانيه بالجوارد رود اسعارها مناسبه واكلهم طيب00

وبالنسبه للسوق00شوفي شنو بخاطرج وشنو تبين وحددي طلباتج00في ناس هوايتها التسوق00تسافر مخصوص تتسوق

وميزانيتها تسمح الله يهنيهم00وفي ناس تبي شي معين وميزانيتهم تحكمهم00

هذا اللي في بالي ويارب تتوفقين بسفره سهله وممتعه

 

[to0ota]

السلام عليكم
شوفي حبيبتي انا توني حاجزه حق لندن
عروض الطيران الي شفتها كانت البريتش 220 لان يصادف ويك اند فتطلع اغلى ب 20 دينار والايام العاديه ب200 دينار والكويتيه 199 دينار هذا اذا تبين دايركت ونصيحه روحي على البريتش
واذا ترانزيت فكل الطيرانات مثل بعض الامراتيه والاتحاد والخليج والقطريه نفس الشي انتو وحظكم بالطياره اذا كانت قديمه او حديثه او الموظفين نفسيتهم زينه او شينه او الي معاج بالطياره معاهم يهال وحنه ورنه ولا هدووء ماله علاقه مع شركه الطيران
طيران الخليج كان سعرها 140 تقريبا للكبار

بالنسبه حق السكن فالشقه اضبط علشان عددكم بس الله يعييينج عالشقق اغلبهم قدم وناادر ما تلقين شقه شرحه ونظيفه

الباصات والاندرقراوند مايقصرون واخذي اشتراك اسبوعي ارخص من يومي
واي استفسار انا حاضره