بنات المتزوجين ابي رايكم ومشورتكم

[ExtraSweet]

مساء الخير شلونكم حبايبي والله ما ادري من وين ببدي بموضوعي بس بقول اللي بقلبي انا منفصله صارلي 3 سنوات وعندي بنت وحده الله يحفظها وعمرها 3 انا طلاقي صار بتدخل ناس ومشاكل بس ما اقول الا حسبي الله ونعم الوكيل طبعا صارلي فتره كله اسأل عن اخبار طليقي وما اقص عليكم دايما افكر وكل مره ودي ابادر بس متخوفه ما ادري رده فعله المهم دزيتله مسج انه حطيت اسمه بحضانه بنته اذا وده يشوفها وشفت رده تشكر ومستانس انا فرحت من عقبها قمنا نتواصل وتس اب وقبل اسبوع قالي ودي اكلمج وتم اتصالات بينا ووده بالرده واتفقنا علي كل شي وطبعا هاليومين بمر اهلي يكلمهم بس قالي شي والله مستحيه اقوله بس لا حياء في الدين من الكلام قالي بالفتره الأخيره صايره اعذروني يعني وسيعه ومن هالاشياء ففي عمليات تضييج يسوونها انا من الفشله سكت وقلت انشاءالله واهو مستعيل وده يرجع هالاسبوع قتله انطر بضبط اموري والله ماني عارفه وانا وحيده اهلي ومستحيه اقول حق امي عن هالشي تهقون في شي بديل غير العمليه انا خايفه يقولي روحي الطبيبه وسأليها ف شنو ترشحولي اي دكتوره زينه بهالامور ابي اشاورها وودي اصبغ شعري اي صالون حلو يضبط وشنو الالوان اللي هابين فيها ادري وايد قرقت وسوري طولت عليكم نيي حق الميك اب انا ويههي بيبي فيس ف الثقيل لوعه علي حتي اهو نوعه ما يحب فابي وحده تييني البيت مكياجها ناعم ويحلي بنفس الوقت وقلت هاليومين بروح اشتري كذا شغله فشاوروني مده 3 سنين مو شوي صج ابي اروحله نيو لوك ابي رايكم

 

[شادن33]

حبيبتي الله يسعدك وبالنسبة لعمليه التضييق لازم شهر علي الاقل ترتاحين ماتسوون شي وانت بتردين بسرعه مافي وقت شوفيلج طريقه ثانيه بالأعشاب ويمكن ذيج الفتره انتي توج والده وطبيعة يكون مو تمام وانصحج تسوين تمارين كيجل وااايد روعه

 

[*peace*]

حبيبتي الله يتمم عليج يارب ويوفقكم مع بعض

الوسع مايصير من ولاده وحده هذا معناته انج ماهتميتي بنفسج عدل وقت نفاسج تعلمي من غلطتج

وليش ماتسوين عمليه؟!الدنيا كلها تسوي العمليه بسيطه وموخطره ومثل عوار خياط الولاده

انا اقولج استخيري وسويها وتكلف ٣٠٠ دينار بأي مكان بالكويت دشي قسم الحوامل وسألي عن افضل

الدكاتره لهالشي

وعلى سالفة امج ترى مافي شي يفشل عادي قوليلها فلان كان كله يقولي واسعه وانا بسوي العمليه عادي

موفقه يارب

 

[كليـ دلعـ]

حبيبتي انتي

الف الف مبروووووووك

فرحتلج من كل قلبي عفيه عليج

بادرتي وحليتي المشكله

الطلاق ترا مو حل حمدي ربي وشكريه

الف الحمدالله والشكر ع كل حال

والله فرحتلج موعارفه شكتب!

للاسف مافي غير العمليه اهي الاضبط

فيه تحاميل اسمها فيرجن يمدحونها

وفيه البوثيل يمدحونها بعد

بس للامانه ماجربتهم

وفيه سوالف قشر الرمان والرطا وووو

مادري ماحسيت بفايده صراحه!

هذا اللي اعرفه من هالناحيه

شوفي حبيبتي انتي

خلاص دقي ثقل ولاتكلمينه كل شوي خليه يشتاااااق

وانتي

لازم وظروري وبعد ظروري

تتغيرين ١٨٠درجه بكل شي

شكلج

اذا كان شعرج غامج فتحيه ثلجي

واذا كان طويل (حرام تحشينه) فأقولج قصيه على طوله

بس مجرد حركه!

لبسج اذا كان كللللله طويل

خلي لبسج كلللله قصيير

واذا كنتي من النوع اللي يحب الميك اب السمبل

حاولي تحطين اوووفررر

واووفرر مويعني طبقات كريم اساس فاتح وثقيل وروج احمررر

لااا

الثقيل يعني خلي كحلج داكن شوي

الروج حطي الالوان الفوشيه والاورنج اللي ع مشمشي

نوعي. غيري

سوي كل شي!!

شكلج لااازم يتغير

حواجبج شلون صايره!

عمرج سويتي جاينيز!؟

سوي جاينييز!!

بس هااا لاتنمصين ديري بالج

حطي العجينه مالت الحواجب واتفنني!!

حواجبج عريضه؟. ضعفيها

حواجبج قصاار! طوليهاا

قذلتج طويله !؟. قصيهاا

ههههههههه

الزبده لاتردين انتي!

ردي وحده ثانيه!

سوي تاتو نقش الاغرااء

ع الرقبه

ع الصدر

اخر الظهر

ع الفخوذ

لبسي عدسات

وحطي مكياج لاتقولين ماحب واهو مايحب ماعليج

منه ليشافو اللي يترززوون بهالمولاات بققوو عيونهم

حطي ميكب اب بس تفنني فيه!!

نوعي باللبس طويل

قصير

ضيج

ووووو

لاتخلين شي من الاسلحه الفتاكه

جوود ينهار ليشافج!!

تغيري تغيير جذري ملابسج الداخليه الستايلات اللي كنتي تلبسينهاقبل
وخري عنها

دشي بالغريب الفنتق

الالوان الصارخه

واايد عندي

بس اخلي للبنات مجال

ولي رجعه لموضوعج اكمل

ومره ثانيه الففففف مبرووووك ع الرجعه

وعقبال كل منفصله تحن لزوجها ولبيتهاا

ياارب تصلح حال جميييع البنات وتسخرلهم ازواجهم

والمطلقه ترجعها

والمومرتاحه تريحهاا

والتعبانه تهديهاا

وتصلح الحال وتعين ع هالدنيا الدنيه!!

 

[*peace*]

مره سمعت وحده تمدح تحاميل تتهول منهم والمرا هذي عندها لااله الا الله ٨ عيال الله يحفظهم

تقول ببوتس ب١١ دينار بس ماقالت اسمهم ماتعرف روحي سألي عنهم

بس لو تسوين العمليه احسن

 

[قسوة الزمن]

لا تسمعين كلام الناس وخلج مع ريلج هالمرة لا تخلين احد يتدخل بحياتكم وبالتوفيق

 

[مياسه الحساسه]

الفففففففففففففففففففففففففف الف مبروووووووووووك
الله يسعدك ياااااااااااااااااارب ويألف بينكم ويجملك في عينه ويستر عليك
الحمد لله ياارب بنتك بتتربا بينكم وبتيبين لها اخوان واخوات
الله يهنيك ياارب
حبيبتي اتوقع انك الحين ضيقه
لان لك فتره عن زوجك 3 سنين
بعدين انتي ماتحتاجين عمليه لانك والده مرره وحده
وان شاء الله لمن تردين لريلك بتحملين وتجيبين اخو او اخت لزوجك
ساعتهاا سوي العمليه مع الولاده
الحين سوي غسول لك عباره عن ملح خشن ومره
انقعيها في مويه واستخدميها كغسول كل مادخلتي الحمام
وربي يسعدك ياارب

 

[أم لوله]

الله يجمع بينكم على خير يارب وتصير حياتكم سعاااااااااااااااااااااده عااااااااااااااااااااامره بالأفراح

 

[[[ عيون جابر ]]]

مشالله الحمدلله على كل حال عاد الحين حاولي ترتبين حياتج وتوخرين عن المشاكل والشغلات اللي كانت سبب لفراقكم
ربي يسخره لج

 

[om 7sony]

ما شاء الله
الله يوفقج ويهنيج ويتمم عليج يا رب
مابي افتي بموضوع العمليه... بس الي اتوقعه مثل ما قالت الاخت مياسه , انتي صار لج 3 سنوات اتوقع الوضع رد طبيعي جنج بنت
والله يتمم على خير

 

[Joy Designs]

انا مع مياسة انتي صار لج 3 سنين ماتزوجتي فشي طبيعي تضيق المنطقة
غيري اللوك وعيشي حياتك مع زوجج ولاتخلين احد يتدخل فيها

وعسى الله يهينج ويسعدج ويبعد عنج اذى الناس والف مبروك مقدما

 

[زوجة عزيز]

الله يهنيكم حبيبتي

 

[كويتيه مـزيونه]

ااااالللفففففف الف الف الف الف مبرررررروووووك
وهالله هالله برريلج حمدي رربج انه طول الفتره هذي ما تزوج ؟؟؟؟؟؟
والحمدالله ع كل حال
استخدمي فيرجن يمدحونها بس ما جربتها عااادي اسلي امج ما فيها شي
هذي امج عادي.
والله يررزقج ويهننيج يا رب يارب كلللللووووشششششش
صبغي شعرررج الارضيه بيج فاتح وخصل ثلجي مو طبيعيه تجنننننن او لوون واحد بني فاتح


*

 

[Freakya]

لا تسمعين كلام الناس وخلج مع ريلج هالمرة لا تخلين احد يتدخل بحياتكم وبالتوفيق

معاها

 

[يآسمينه]

ألف مبروك حبيبتي
الله يوفقج​

 

[ام اريج 22]

بلييييييييييييييييييييييييييييييييوووووووووووونــــــــــ مبرووووووووك

 

[ام اريج 22]

والله فرحت لفرحتج اهم شي انج ترديناه وحده غيرررررررررررررررر

 

[ام اريج 22]

وماوصيج بنصايح قسوة زمن خخخخخ محتاره سابقا

 

[سكوتي بذوقي]

الله يوفقك ويسعدك يارب اختي

 

[Loloki]

مبرووووك حبيبتي وابيج تهتمين بيتج وتهتمين بريلج وبينج ولا تخلين احد يدخل بينكم والله اذا احد تدخل بينكم ضياع بيتكم

مادري بنات افيطونج حبيبتي بسبب التضيج