السلام عليكم بنات
شلووونكم ؟؟
شخباركم ؟؟
صراحه الي خلاني ادش هالمنتدي الشوق والحنين للسوالف القديمه
لان خلاص زهقنا من الاستغرام الي صار كله استعراض وكله دعايات
وكل منتديات الدردشه والسوالف راحت ماعاد في احد يسولف وانتشر الملل بالبلاد
لان محنا لاقين احد نسولف عليه صار كل شي عرض الاستغرام عرض السناب شات عرض
بس نشوف مانسولف مع احد .. انا حابه ان هالموضوع يعيد الحياه للمنتدي ونرجع نسولف مع بعض وننصح بعض ونكون اسره جديده ونحارب برامج التواصل الاجتماعي السامجه الى صارت كل من يقص على الثاني سواء بالعرض او الدعايات وماتت المصداقيه عند الناس .. انا مانكر ان هالمنتدي له فضل كبيييير على وجهزني وبعرسي وبنفاسي .. وهو الوحيد الي ساعدني بكل شي حتى بعنياتي بنفسي .. وعلى النقيض من ذلك الاستغرام مافيه نصيحه بس مدح بمنتجات تشترينهم بفلوس .. وكل شي ممدوح يطلع زباله حشاكم .. فمعا لاعاده الحياه لمنتدي كويتيات ... هلموووو يابنات ...:eh_s(9)::eh_s(9)::eh_s(9)::eh_s(9)::eh_s(9):
كل ما يخطر ببالكم من سهولة لتصفح المنتدى و عودة الحياة للمنتدى شغالين عليها .... المنتدى قصة عشق كبيرة و تجسيد لمعنى الولاء للكويتيات
احنا ادارة جديدة استلمت المنتدى و انشالله تلاحظون بعض الفرق , مثلا فيه بعض العضوات حاليا ردو للمنتدى و مستمرين باضافة الموضوعات و جميع الاقسام بها نشاط , صار فيه تصفح من الاجهزة الجوالة من قبل ما كانت موجودة
شغالين حاليا على اشياء افضل , لكن محتوى الموقع حيييييل كبير و ماخذ وقت طويل للتطوير , انشالله قريبا جدا تلاحظون الفرق
