بنات المومتحجبه مالها رب؟

[no-hope]

السلاااااااااام عليكم
شلونكم شخباركم
اول شي مبارك عليكم الشهر
طبعا طبعا تعودتو علي بس هموم على هموم
بس والله الحمدالله صرت احسن و ما قصرو البنات على الخاص
نفسيتي تعدلت
واليوم بكلمكم عن موضوع ما يخصني يخص وحده
بس للامانه اهي ما تدري اني بتكلم عنها و انا ما اعتبر رفيجتها روح بالروح بس مجرد زميله تعرفت عليها صارلي سنه

اول شي انا كنت ما احب احتك مع بنات السفور بحكم اني ملتزمه بس بنات
اكتشفت وايد اشياء

انا قبل كتبت في موضوع اني اذا في واحد زين اذكره حق وحده اعرفها و الحمدالله معارفي وايد و اللي بالدوام يومج معاهم اكثر من اهلهم ف انتي تعرفينهم عدل

مابي اطول عليكم

الله يسلمكم بنات انا اكثر من مره اذكر ناس بس مثلا فلان يشوفها يقول لا والله متينه ابيها ضعيفه و لا والله سمره ابيها بيضه

المهم هذي البنت بصراحه لمن عاشرتها و عرفتها عدل صج حبيتها و تميتلها الخير
اهيا مجالها طب نفسي بس مو نفس التخصص
المهم انه والله و ربي شاهد علي بنات
ذهبببببببه
ادب و اخلاق
و ما كو لسان و حياويه و جماال و طيبه
بس عيبها انها سفور
مشكله مو جذي
مشكله اشوفها فرض ب فرضه و لبسها محتشم و تقرا قرأن
كلمتها قلتلها
انتي مو ناقصج شي والله ليش ما تحجبين ؟
قالتلي ودي بصراحه بس خايفه لاني كبرت ( ترا عمرها 23 لووول ) المهم
و كنت ادز ناس عليها و يردونها عشان هل سبب
طبعا مااااا تدري اني انا دازه ناس
بس على سوالف جست نبضها قلتلها عندج مانع تحجبين قالت اي ودي اول ما اتزوج اتحجب بغيت اقولها والله انه وايد ناس كانو يبونج بس درو انج سفور هونو لانه البيت صج كاامله و الكامل الله
بس ما حبيت اتدخل بخصوصياتها
و لما كنت ادز ناس عليها قلتلهم حرام لا تظلمونها سألو عنها و بتعرفون انها زينه بس قالو لا ما نبي سفور
انا مابي ادش بتفاصيل وايد لانها ادش هني بس ما عندها نك نيم
و مابي تحس انه هل موضوع عنها
بس بغيت رايكم
انتو شرايكم
عادي تخطبون حق ولدكم او اخوكم وحده سفور و مستعده بعد الزواج تتحجب؟
يعني انا لما تخرجت اكتشفت شي
مو كل سفور سفور و مو كل متحجبه متحجبه
كنت احكم على الشخص من الشكل
بس الحين قمت احكم على كل شخص لما اعرفه عدلللل
ناطره ردكم
وبليز بنات لا تقطون كلام يجرح اللي مايعرفك مايثمنك و انا حبيتها و مابي تصير بذمتي تغلطون على البنت

بس ابي رايكم بصراحه لانه قاعده ادز ناس و مايبون و مايقولولي السبب على بو رفيجتي
قلت اطرح الموضوع اهني و اشوف رايكم


نشوفكم على خير

 

[Dancing^Queen]

السلام عليكم ورحمه الله وبركاته

اختي عندي رد واحد عليج


انت لاتهدي من تحب ولكن الله يهدي من يشاء

البنت اللي بتتحجب المفروض تتحجب عشان فرضها ومطلوب منها من ربها مو عشان مظهرها جدام الناس او عشان فرص زواج
الحجاب سلوك وخلق واخلاق مو قطعه خام تنحط علي الراس عشان مظهر اجتماعي
ولا اييب قبول اجتماعي اكثر
لا السفور مقبوله اكثر من المتحجبه ولا المتحجبه حظها قايم اكثر من السفور

الاخلاااااااااااااااق اهي اللي تحكم

وياما بنيه سفور اخلاقها وادبها افضل من منقبه متغطيه ولابسه دسوس
مو كل سفور منحله وهالشي (عيب) فيها
ولا كل متغطيه دينيه وعارفه ربها

 

[al3sooola]

صح انا اعرف بنات سفور والله اخلاااقهم عااااليه وادب وما عندهم خرابيط كلش انا نفسج ما احكم على الشخص من الشكل لا احكم عليه من العشره

 

[السهم الصويب]

وينهااااااا ؟؟

انا اعرف واااايد يبون سفور واخلاقهم حلوة

 

[درة أهل الطولات]

شلون يعني تخاف تتحجب لانها اكبرت اللي اعرفه اللي تكبر تتحجب اهية عكس والا شنووو


لا ما اخطب له وحدة سفور ،، ​

 

[FeShinGoOo]

الريال يبي وحده تتحجب وتتستر لربها مو لزوجها

بالعكس انا مثلج كنت اعرفه وحده اذهبببببببببببببببببببببببببببه اتهببببببببببببببببببببببببببببببببل وعلى نيتها فقيييييييره بس ماكانت متحجبه وماكنت احس ان فيها شي غلط وهم دزيتلها ناس والريال كلامه كان مقنع يقول البنيه الي قلبها فعلا فيه ايمان وتخاف ربها الحجاب بيكون اسهل شي عليها .. بس وحده مو قادره اتحط قطعة خام على راسها هاذي اشلون بقلبها ايمان حقيقي ؟؟

 

[miss_whitemocha]

مو مهم حجاب أو سفور..المهم إنها من داخل نظيفة..وياما بنات استروا شعورهم بقطعة خام بس أخلاقهم فاصخة..وياما بنات سفور و أحسن من ألف متحجبة..بالآخر مو الحجاب اللي يميز الزينة من الشينة..أخلاقها أهي الفيصل​

 

[no-hope]

بنات انا ماقلتلكم ما تني تتحجب
بس خايفه
احنا اغلبنا تحجبنا صغار و الاكثريه مجبورين ليما اقتنعنه فيه

بس اهيه قالتلي ودي اتحجب بس تبي اللي يشجعها عشان جذي تقول ابي اتزوج و اتحجب
اللي ايونها يبونها سفور تقولم بس ابي اتحجب يقولون لا نبيج جذي
قالت لا مابي لانه تقول ابي واحد راضي فيني جذي و يبي يحجبني بس اللي ايون يا يبون سفور يا يبون وحده متحجبه

 

[no-hope]

وينهااااااا ؟؟

انا اعرف واااايد يبون سفور واخلاقهم حلوة

عيل دشي علي عشان اقولج عنها
و اذا صج يبون هم خل يردون يسألون عشان يتأكدون
, و سألو عن سوالف اصلها و مادري شنو لانه انا ما اعرف غير امها و ماقدر افيدج الا في معلومات عاديه
انا ما اقدر اكتبلج لانه مشاركاتي شويه

 

[Bamya]

بالعكس هالأيام أشوف أكثر الطلبات إن تكون سفور او سمرة او بيتيت بعد لووول الأذواق تغيرت انشالله نصيبها بييلها

 

[no-hope]

تسلمين باميه اي اهيه بتيت لوول
اهيا مو سالفت انه ميته على الزواج ولا انه ايونلها و يروحين
بس اللي ايون من طرفي ما يبون سفور
بحكم انه اكثر اللي اعرفهم ملتزمين
و دزيتهم على بنات ثانين دينين بس يقوون مو حلوه
ما يعجبهم العجب هل ريايل
قلت حق اخت واحد مره اخذوها دام عاجبته و تتحجب
قالت لا مانبي نبي متحجبه
بحكم انه من كل بيئه ناس تدخل اهني بعرف هل اهمه نفس تفكير اللي دار مداري ولا عادي
عشان جذي قلت استفسر منكم



اشكر ردوودكم بنات

 

[BlackBird]

والله الصراحة مو شرط انا سفور يردونها عشان انها سفور

أنا آسفه بس أغلب المتحجبات الحين محد يحترم الحجاب على راسه أنا بالنسبة لي قاعدتي اذا بتحجب اتحجب وانا ألتزم فيه 100% يعني ما اطلع صوب رقبتي ما أركب شباصات المنتفخه "رؤوسهم كسنام الجمل"هذه السالفة بالذات لحد ينكرها! 3 ارباع الدنيا راسها واصل للسما!
غير سوالف القذله تطلع او تلبس 4 أرباع الجم

حتى بذكر لكم موقف مرة ايمت وحده ومركبه ثنتين فوق راسها قعدت تتفلسف علي بأنه موضه وعادي وكل الناس تسوي الخ الخ بالأخير سألتها سؤال كالتالي"لو ان انتي لا سمح الله خلقتي ورأسج بهذا الشكل كنتي راح تطلعين من بيتكم؟كنتي راح تحبين شكلج حتى لو غطيتي راسج بالحجاب؟
"إنما خلقنا الإنسان في أحسن تقويم"
وللأسف وايد أشياء غزت الحجاب الي ذكرتوه وصار من مسمى حجاب حق ربي ,أغلبهم خذو الحجاب موضه,إلى درجة من غير مبالغه للحين أذكر بالكلية شفت كذا وحده غير الي مشوهين الحجاب الي تقطه يوم والي قطته نهائيا فجاة والي والي"
يعني يا جماعه الحجاب فرض وهشي بينج وبين ربج قبل لا يكون للناس

وصراحة حتى البنت الي ذكرتيها الحين وان الناس ردوها ان سفور لو اهو فعلا يهتم بالدين ويااي يطبق الدين بالعكس دام البنت اخلاق واللبس محتشم ومحترمه بالعكس كل شي بالكلام الحلو والاقناع يمشي
ولو اهو يهتم بالدين جان اهو الي فاز فيها وكسب أجر ومن بعد هداية الله يكون هداها!

الناس ما تنقاس لا بمتحجبه او غير متحجبه,الحين الدنيا تغيرت وحتى لو عاشرتوا أحد من الناس اي يوم تقولون انصدمت بفلانه أو فلان فما بالج الناس الي تتخذ المظهر وتطبق قاعدة من الدين وتترك قاعدة ثانية على حساب مصلحتها؟

تدرين بذكر لج آخر موقف وادري انه طولت عليج بالرد بس اعذريني

مرة من حلقات المقدمه المشهوره الكل يعرفها "أوبرا شو" تكلموا عن الطلاق والزواج والحجاب بالإسلام وللأسف زارو منطقة معينه بمصر وقابلوا ناس لا هم صوب الدين ولا شي, المهم الحلقة صراحة تنرفز وكان فيها تعمد ان يشوهون الدين فرحت دشيت موقع اوبرا وطرشت لها رسالة وذكرت لها عنوان الحلقة الي اهي قدمتها وكتبت لها رد على سؤال اهي طرحته ان الحريم بأمريكا يسعون ليل ونهار عشان يصيرون جميلات على قولتها عشان نجذب الرياييل في حين اقتبست كلامها وقلت لها هالجملة"الأسلام يعامل المراه مثل الجوهره وانتم تعاملون المرأه كمنتج!يتم تناول هذا المنتج من رجل إلى آخر بالنهاية توصل الى منتصف الاربعينات او الثلاثينات تتمنى فيه ان احد يتزوجها ويعيش معاها حياة مستقرة "رسالتي ما طولت أقل من ساعه تم حذف الرسالة^_^

هذا وانا مو متحجبه لكن غيرتي على ديني ما تسمح لي وكل واحد مثل ما قلت قناعته واستعداده وبالنهاية هشي بينه وبين ربه ^_^لما نشوف بنت تشوه الحجاب وبنت تقطه مرة من ورا الاهل وترد تلبس وبنت مو حاشمه اللبس شنو نقول غير ان البنت حطت الحجاب بس عشان والله تسد كلام الاهل ,وما اهتمت بان ربها اهو الي يراقبها؟واهو الي يحاسب

على العموم شكرا على الموضوع والله يهدي الجميع ^_^

 

[محل ثقتكم]

انا برايي انه الحجاب الكامل اللي هو تغطيه الوجه افضضضل **
وصديقتك الله يهديهاا ياارب ويرزقها

 

[فاقده حنان ابوه]

انا سفور والحمدالله حاشمه نفسي ومتزوجه وعندي بنوته حمدالله مو شرط السفور مو زينه مادري ليش نظرتكم لها جذي الحمدالله نصلي ونعرف ربنا

 

[no-hope]

مشكورين بنات
انا والله كنت نفسكم
انفر من السفور
بس هل بنيه صج غيرت نظرتي حق السفور فوق هذا كله قلبها نظيف عكس الباجي
تسوي روحها عبايه و حجاب و ماااااتحط مكياج و انا ستانست عليها قلت زينه
جك بم ولا البنت تقول ودي نطلع نتمشى و بقط حجابي وانا معاج !!!!
انصدمت ما رديت بصراحه بس قمت اتحاشها
لو خليت خربت بس بنات انا ودي صج الشخص يعرف اللي جدامه من شخصيته و اخلاقه مو مظهره
انا ما اقولج تعرفي على وحده تلبس مرصرص ولا البطن و الظهر طالع قصدي بنت محترمه لبسها

بلاك برد كل كلمه قلتيها على عيني و راسي

دمتم بود
يله وقت الفطوووووور

 

[NEW WOMEN]

حبيبتي السافره اللي ماتتحجب الحجاب الكامل وتغطي وييها مو قماش تلفه على راسها ماتعجبني وليه ماتتغطى هذا امر من الله سبحانه وتعالى وغيره تكون عاصيه واتمنى اختي تنصحيها باسلوب وتكسبين اجر فيها وحسنات برمضان ربي يخلص النيه لج ويتقبل منج

 

[فديت حلاتي]

انا اقول نصحيها تتحجب احسن لها

عشان بعد اذا تقدمو لها مايردونها وبعد من ناحية الدين حررااااام البنت ماتتحجب

 

[classicyah]

بخصوص الي يقولون " يآمآ محجبآت بس أخلآقهم مب شيْ "

يعني هل العيب في الحجآب مثلاً ؟ !!

،

أنآ مآ أحب السفور ْ ، و مآ احب البنآت المب المتحجبآت ،

و استحآله أخطب لأخوويه وحده جيْ ،

لو ان شآءالله كآن يحبهآ و يموت عليهآ ، مآ أرضى . . !!

الحجآب شي أسآسيْ و شرط من أهم شروطيْ ،

و مآ أحب الي اتقول بتحجب عقب الزوآج ،

جنهآ تتحجب عشآن ريلهآ ، مب عشآن ربهآ . .

،

الله يهديهآ . .

 

[رجــــه بـس رزه]

والله الصراحة مو شرط انا سفور يردونها عشان انها سفور

أنا آسفه بس أغلب المتحجبات الحين محد يحترم الحجاب على راسه أنا بالنسبة لي قاعدتي اذا بتحجب اتحجب وانا ألتزم فيه 100% يعني ما اطلع صوب رقبتي ما أركب شباصات المنتفخه "رؤوسهم كسنام الجمل"هذه السالفة بالذات لحد ينكرها! 3 ارباع الدنيا راسها واصل للسما!
غير سوالف القذله تطلع او تلبس 4 أرباع الجم

حتى بذكر لكم موقف مرة ايمت وحده ومركبه ثنتين فوق راسها قعدت تتفلسف علي بأنه موضه وعادي وكل الناس تسوي الخ الخ بالأخير سألتها سؤال كالتالي"لو ان انتي لا سمح الله خلقتي ورأسج بهذا الشكل كنتي راح تطلعين من بيتكم؟كنتي راح تحبين شكلج حتى لو غطيتي راسج بالحجاب؟
"إنما خلقنا الإنسان في أحسن تقويم"
وللأسف وايد أشياء غزت الحجاب الي ذكرتوه وصار من مسمى حجاب حق ربي ,أغلبهم خذو الحجاب موضه,إلى درجة من غير مبالغه للحين أذكر بالكلية شفت كذا وحده غير الي مشوهين الحجاب الي تقطه يوم والي قطته نهائيا فجاة والي والي"
يعني يا جماعه الحجاب فرض وهشي بينج وبين ربج قبل لا يكون للناس

وصراحة حتى البنت الي ذكرتيها الحين وان الناس ردوها ان سفور لو اهو فعلا يهتم بالدين ويااي يطبق الدين بالعكس دام البنت اخلاق واللبس محتشم ومحترمه بالعكس كل شي بالكلام الحلو والاقناع يمشي
ولو اهو يهتم بالدين جان اهو الي فاز فيها وكسب أجر ومن بعد هداية الله يكون هداها!

الناس ما تنقاس لا بمتحجبه او غير متحجبه,الحين الدنيا تغيرت وحتى لو عاشرتوا أحد من الناس اي يوم تقولون انصدمت بفلانه أو فلان فما بالج الناس الي تتخذ المظهر وتطبق قاعدة من الدين وتترك قاعدة ثانية على حساب مصلحتها؟

تدرين بذكر لج آخر موقف وادري انه طولت عليج بالرد بس اعذريني

مرة من حلقات المقدمه المشهوره الكل يعرفها "أوبرا شو" تكلموا عن الطلاق والزواج والحجاب بالإسلام وللأسف زارو منطقة معينه بمصر وقابلوا ناس لا هم صوب الدين ولا شي, المهم الحلقة صراحة تنرفز وكان فيها تعمد ان يشوهون الدين فرحت دشيت موقع اوبرا وطرشت لها رسالة وذكرت لها عنوان الحلقة الي اهي قدمتها وكتبت لها رد على سؤال اهي طرحته ان الحريم بأمريكا يسعون ليل ونهار عشان يصيرون جميلات على قولتها عشان نجذب الرياييل في حين اقتبست كلامها وقلت لها هالجملة"الأسلام يعامل المراه مثل الجوهره وانتم تعاملون المرأه كمنتج!يتم تناول هذا المنتج من رجل إلى آخر بالنهاية توصل الى منتصف الاربعينات او الثلاثينات تتمنى فيه ان احد يتزوجها ويعيش معاها حياة مستقرة "رسالتي ما طولت أقل من ساعه تم حذف الرسالة^_^

هذا وانا مو متحجبه لكن غيرتي على ديني ما تسمح لي وكل واحد مثل ما قلت قناعته واستعداده وبالنهاية هشي بينه وبين ربه ^_^لما نشوف بنت تشوه الحجاب وبنت تقطه مرة من ورا الاهل وترد تلبس وبنت مو حاشمه اللبس شنو نقول غير ان البنت حطت الحجاب بس عشان والله تسد كلام الاهل ,وما اهتمت بان ربها اهو الي يراقبها؟واهو الي يحاسب

على العموم شكرا على الموضوع والله يهدي الجميع ^_^

معاها :eh_s(15)::eh_s(9):​

 

[زوغه الحقوق]

الله يهديها

صج الا قالوا

الحلو ما يكمل ​