بنات المومتحجبه مالها رب؟

[ALJOORIE]

مشكورين بنات على الردود و فعلا الحجاب مو قطعه قماش على الشعر
بس بنات اهيع بيئتها جي
حتى سألتها قالتلي اهلي كلهم متحجبين و امي عبايه و حجاب
بس احنه قاعدين نتحجب على قناعه مو اجبار

والله انا شكلي بكلمها و بشوف ردت فعلها

و انا دازه ناس عليها اساسن و عفيه اذا صار نصيب من طرف احد اعرفه لها مابي منكم شي
بس ابيكم تدعولي الله يريح بالي و يريح بال امي معاي
هذا كل اللي ابيه

دمتم بود

الله ييسر اموركم ويكتبلكم كل خير ويبارك لكم .. ما اوصيج اعزمينا ع العرس ان شاء الله:d

 

[FOZQ8]

اللي لها نصيب مايرده سفور ولا حجاب ولا مايوه ماله شغل نصيب ومكتوب وياشين الوحده لا تحجبت عشان تتزوج اصلا مافيها اجر تتحجب عشان ربها
وبعدين ترى عادي ان تكون الوحده سفور وتحتم القرآن وتصلي موشي غريب اشدعوا شوفي البنات بالسوق لا اذن الكل يصلي المنقبه والمحجبه والسفور
والله يهدي الجميع

 

[مبسم خجوله]

الله يهديها .. بس عندي عتب بشي واحد وادري انه نيتج صافيه ان شاء الله بس من وجهة نظري انه البنت هي كفيله بنفسها وهي تلقالها ريل والله يوفقها
والسموحه بس ترى مو حلوووه تعرفين وحده بالمنتدى عليها بعد الناس اجناس يا اختي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والله يوفقها ويستر عليها وجزاج الله الخير *

 

[no-hope]

ههههههههه الجوري
لاااااااااااء
مرح اعزم احد من الحين اقولكم خخخخخخخ
انا مابي احد يعرفني و اصلن اللي ادزهم عاي اي شخص مايعرفوني
مو عن شي بس انا ادش اهني افضفض اللي بقلبي
مشاكل اهلي تفشل و لي الستار
انا اسوي خير و اقطه بحر
مابي من اي احد الا الدعاء فقططط لا غير

يلا بنات تصبحون على خير

 

[Miss Cherry]

اول شي الزواج قسمة ونصيب سواء كانت متحجبه ولا سفور ولا منقبه .. واللي تبي تلبس حجاب عشان تتزوج هذي مسكينه صراحة


انا ماراح اقولج الحجاب مو كل شي واهم شي الاخلاق .. لانه مو هذي قناعتي وحنا كلنا ندري انه الحجاب فرض حاله حال الصلاة والصوم .. مثل اللي تقول انا مسلمه وقلبي فيه ايمان بس مابي اصلي .. بالاخير فوقها رب بيحاسبها حنا ما نحكم على شخص بيدش الجنة او النار بس نقول اللي فعلا يحب ربه ومؤمن بقرارة قلبه يحاول يرضي بربه ومايجادل بأمور ثابتة وواضحة .. الا اذا كانت ما تؤمن بفرضية الحجاب هذا موضوع ثاني

الله يهديها وتتحجب مو عشان تتزوج عشان ربها يرضى عنها .. هي لما تقول انا بتحجب بعد ما اتزوج وهي ضامنه نفسها تعيش لما تتزوج لو الله ياخذ امانته وتقابل ربها شنو بتقوله ؟ انا شرطت اتحجب بعد ما اتزوج وانت ما كتبت لي اتزوج .. يعني شي مقابل شي .. هي عمرها 23 يعني مره عاقلة وتعرف تتخذ قرار والحجج اللي اسمعها دايم ومادري يقولونها عن قناعة ولا بس حجة يعني اللي تقول مو كل المتحجبات اخلاقهم زينة صح ولا كل السفور اخلاقهم زينة ولما تقابلين ربج ويقولج ليش ما تحجبتي بيحاسبج انتي على حجابج ماراح يحاسبج على حجاب غيرج وهذي مو حجة

انا ماحكم على اللي جدامي من لبسه 100% بس فيه علاقة بين اللبس والاخلاق مانقدر ننكر هالشي لما تجي وحده لابسه ضيج ولا قصير ولا لبس مو محتشم مستحيل تكون من داخل نظيفة لان هذي قناعتها مستحيل نفصل الشكل عن الاخلاق

 

[(كويتيه عسل)]

اخواني كلهم متزوجين بس اذا كان اخوي يبي سفور عادي نخطبله سفور

انا احترم الكل ماعندي سالفة العنصريه سفور او متحجبه

اهم شي الاخلاق عمر اللبس كان بالنسبه لي مقياس

 

[~ بنت الهدى ~]

مستحيل اخطب لأخوي سفور خلوقه !!
و مستحيل اخطبله متحجبه ماعندها اخلااق !!

اخوي بعييييييد عن العنصريه
بس شفايدة السفور الخلوقه ؟؟ شتفيد اخلاقها و اهيا عاصيه ربها و عصيان اششكره قدام الناس
و شفايده المتحجبه اللي ماعندها اخلااق ؟؟ فرقاها عيد تبط جبد اخوي و تسود عيشته لا يبا مانبيها

اخوي مايبي الا متحجبه و عباية راس و خلووووووووقه و بنت اجاويد

 

[no-hope]

الله يهديها .. بس عندي عتب بشي واحد وادري انه نيتج صافيه ان شاء الله بس من وجهة نظري انه البنت هي كفيله بنفسها وهي تلقالها ريل والله يوفقها

والسموحه بس ترى مو حلوووه تعرفين وحده بالمنتدى عليها بعد الناس اجناس يا اختي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والله يوفقها ويستر عليها وجزاج الله الخير *

لا انا ما اعرف وحده مادري ليش عندكم منظور اللي بالمنتدى موزينين

انا لي معارف وايد
و 5 بنات انا ذاكرتهم
ماحب اقول انا و انا
بس صج وايد اعرف بنات و الحمدالله تزوجو
و ما رحت قلتلهم
انا اللي يايبتلج اياه
عشان ما تتكل علي و ما تسأل عنه عدل و انا اللي اكلها لاني انا اللي يابتلها اياه

و نتبين الصج
يمكن ما تصدقيني
3 من المنتدى دزيتهم على بنات اعرفهم
ترا ما اعرف البنات اللي دازتهم حق اللي اعرفها
و ما قلت حق هذيج
و وحده منهم ملجت
لا تسيئين الظن بالناس ولا بالمنتدى اذا في بنات مو زينين ترا في وايد زينين
و انا مو خطابه
و ترا البنت انا مو قاعده ادلل عليها
اهيه زميلتي بالدوام حتى مو رفيجتي كلووس
بس لانه صج طيبه و زينه
انا قاعده اتكلم عن اخلااقها و سألتكم شنو فكرتكم باللي جذي؟
لانه انا كنت ما احتك بالبنات اللي جذي فقط لا غير
بس لما اشوف وحده زينه والله اذكرها جنه العيد
سواء اهني او بره
و انتي لو اتدشين بروفايلي بتقرين اللي كاتبته
و صدقيني مو غبيه
اروح اكتب موضوع اهني و اروح اقول حق البنيه السالفه لانه انا سويت خير حقها
بس خربت على عمري
انا مو مستانسه خاشه نفسي ورا النك
بس لو مو عاده بنات المنتدى خواتي و اادري يواسوني جان ما كتبت
و تعالي شوفي الخاص اينون شحلاتهم اللي تدعيلي الله يهدي ابوي و اللي تدعيلي الله يوفقني بحياتي و اللي و اللي
لو خليت خربت
و حسني الظن بالناس و حتى لو ذكرت ناس حق ناس و ما صار نصيب مو اخر الدنيا
انا بس ابي الاجر لانه صج قاعده اشوف ناس تتأزم و اهيه تدور حق اخوها

و سامحيني على اسلوبي بس كلششش ما عجبني تفكيرج باللي حولج

 

[+QUEENA+]

شفيها يعني السفور ؟؟؟!!

وليش تنفرين منهم ؟؟؟!!

أنا سفور بس أحب ديني وإغار عليه وملتزمه بصلاتي ومجابله عباده ربي !!!


أسفه على هالكلمه بس إنتي مالج دخل بحجاب البنت

هذا الشي بينها وبين ربها محد له حق يتدخل ويحكم على البنت من الخارج !!

يأما بنات متحجبات وقذذذذذذرررااااااات !!!!

شكثر أعرف بنات من هالنماين

وصار البعض تتحجب كتقليد للموضه لا أكثر !!!!!!

أنا سفور ؤمو متزوجه بس عارفه نفسي وعارفه ربي

الأعمال بالنيات ترا

محد يحاسب أحد

 

[Kocheko]

فى ناس يبون سفور شرطهم جذى وفى ناس يبون متحجبات
ما تقدرين تفرضين اختيارات الزواج على احد ...................

 

[روانتي 12]

وعليكم سلام ورحمة الله وبركاته ..

حبيبتي يعني قصدج خايفه لا كبرت تتحجب

حبيبتي اكبرت ولا ما اكبرت بتتحجب الا اذا اهلها ماعندهم مانع انها تقط فهذا شي ثاني

بس في بنات الله يهديهم مايتحجبوون عشان مظهرهم يا يبا انتي بتتحجبين لربج مو لناس ولا تسمعين كلام ناس كلش محد بيضيعج

غيرهم .. و الي تقول فشله اتحجب هههههه من متى و الحجاب يفششل لا والله الحجاب سترر .. تستري احسن

والله يكتب لكم الي فيه الخير

 

[no-hope]

بناااااااااات شفيكم اللي متحجبه هبت علي انتي شكو فيها و الله حسيبها و و و
و السفور هم هبت علي احنا نعرف ربنا


بنات انا مالي شغل في احد قلتلكم من اول الوضوووووووع
انا متحجبه و ماكنت احب السفور لانه البيئه اللي عايشه فيها كلهم متحجبين
لما داومت احتكيت في ناس مختلفه
وغيرو فكرتي
صرت ما احكم على الشخص من المظهر لانه المظاهر خذاعه
هددو شي بنات
كل واحد يقول وجه نظره بدون عصبيه

 

[no-hope]

وعليكم سلام ورحمة الله وبركاته ..

حبيبتي يعني قصدج خايفه لا كبرت تتحجب

حبيبتي اكبرت ولا ما اكبرت بتتحجب الا اذا اهلها ماعندهم مانع انها تقط فهذا شي ثاني

بس في بنات الله يهديهم مايتحجبوون عشان مظهرهم يا يبا انتي بتتحجبين لربج مو لناس ولا تسمعين كلام ناس كلش محد بيضيعج

غيرهم .. و الي تقول فشله اتحجب هههههه من متى و الحجاب يفششل لا والله الحجاب سترر .. تستري احسن

والله يكتب لكم الي فيه الخير

منو اللي قل الحجاب فشله ؟؟؟؟

 

[ياليل مااطولك]

بختصار المشكله ليست با اخلاق المتحجبه او التي لم ترتدري الحجاب المشكله هنا ان من يريد الزواج يريد زوجه متحجبه افضل له من الغير متحجبه لان من تكون متحجبه تفرض جاذبيتها ومن تكون متبرجه الكل ينظر اليها لذلك الرجل يريد امراه تكون محاسنها له فقط ---------- والاسلام حث على الحجاب الشرعي وللله حكمه في ذلك لعدم الفتنه ولكرامه المراه وعزتها

 

[PuPa^^SWeeT]

شوفي اخوي و همن ريلي

اهم شي عندهم الحجاب قبل كل شي


مهما يكون ترا الريال يغار

في بنات بقولون خواتهم عادي بس حريمهم لا

مرته حلاله و مايبي احد يطالع منها شي ابدا


يعني اذا البنية زينة ليش ماتحجب

وليش لما يسالونهم يقولون سفور ليش ماتقول ابي اتحجب انشالله ؟؟؟؟

 

[PuPa^^SWeeT]

بنات انا توني قريت الردود

اوكي اذا اتقولون فيه بنات متحجبات و وسخين و فيه سفور اخلاق


اوكي انا باييبلكم موضوع مقارنة بعد

ريال يصلي و يصوم ولا يرتكب الكبائر ابدا بس مايعرف يمسك لسانه لي عصب
وريال مايصوم ولا يصلي و يسكر و يزني بس لسانه معسول بحكم مغامراته العاطفية ؟؟؟؟

ايهوو احسن ؟؟؟؟؟


لاتقارنين باخلاق البنت بحجابها ولا سفورها


لاا انتي الحجاب فرض حاله حال الصلاة و الصوم ؟؟؟؟؟؟؟؟؟؟؟

ليش كل مايصير موضوع عن الحجاب قمتو قلتو المتحجبات فيه منهم وسخين ؟؟؟؟؟؟؟؟؟؟؟؟؟

اوكي حتى السفور فيه منهم وسخين و قليلات ادب و بنات قمة بالادب

والمتحجبات فيه منهم نفس الشي
؟؟؟؟؟؟؟؟؟؟؟


ليش تمسكون عالحجاب هالشي


بعدين اذا المتحجبى وسخة هذا شي بينها و بين ربها

بس السفور اهيا تعصي ربها كل يوم و بكل دقيقة وجدام الناس علانية


وان ابتليتم فاستترو


ليش تنشبون بالموضوع انه السفور فاضلات و المتحجبات قذرات و لاتقولون ماقلتو شوفو ردودكم


ترا حتى احنا مانرضى انكم تجمعون اذا انتو ماتبون انقول عنكم كلكم

همن احنا مانبيكم اتقولين كلكم


يبقى الحجاب هذا شي بينج وبين ربج حاله حال الصلاة


بس ترا عمرج يمشي و انتي مو متحجبة ماراح اخذ منج شي اذا تحجبتي ولا تحجبتي

ليش لما ننصح بالحجاب اتهجمون

ماتبين اتحجبين كيفج


بس مايمنع انه ننصح

 

[موج-البحر]

الله يهديها

الحجاب فرض من ربنا مثل ما الصلاة فرض علينا

وفي بنات متحجبات اوكي وفي اللي مو اوكي طبعا اتكلم عن الاخلاق كذلك البنات اللي مو متحجبات في الزينة وفي الشينة

الوحدة ماتدري متى يومها يعني اللي تقول بتحجب لما اتزوج ولا لما يصير كيت وكيت مايصير جذي

والحجاب ستر وغطا للبنت

 

[ام سعود ديكسون]

النصيب ما يعرف شكليات النصيب مكتوب حق المتحجبة و حق السفور
المهم الأخلاق و الوحدة اذا بتتحجب لربها مو عشان تبي النصيييب

والله ما تدرين نصيبها وين مخشوش و ربي يعطيج علي طيب نياتج و تشوفين هالخير يرد لج بالدنيا قبل الآخرة

 

[جود المري]

لا حبيبتي لنا رب

وخواتي المشتطين شفيكم تره احنا مسلمات مثلكم نصلي ونصوم ونشهد ان لا اله الا الله وان سيدنا محمد رسول الله

عمره ماكان الشكل مقياس للاخلاق

اعرف بنات يقطون حجابهم من ورا اهلهم يعني هذي اذا شفتيها بتخطبينها حق اخوج لانها متحجبة بس بعد ما ياخذها بينصدم انها مو محترمة وكلش ماكو اخلاق لانكم خذيتوها ع الظاهر يعني خذيتو حجاب مو انسانة محترمة حق ولدكم
حبيبتي النصيبب ماله شغل بسفور او متحجبة !وانشالله اييلها الزوج الصالح المحترم وبثث


ثانكيوو

الحمدلله مسلمة واشهد ان لا اله الا الله وان محمد رسول الله

يا أختي الفاضله من دخل في صحة اسلامك حبيبتي في الله ؟

نعم كلنا مسلمات ولكن الإلتزام بدين الله له مستويات وإلا فلماذا جعل الله عزوجل الجنة درجات ؟!

يا أختي الحجاب دلالة على مدى التزام المسلمة بدين الله

أتعجب حينما تقول احداكن ان المظهر ليس بمقياس !!

الآن حينما نرى في دولة أجنبيه مثلاً إمرأة متحجبه والأخرى لا فمن سنظنها المسلمة عقلاً ؟!!

لن تقول عاقله أن المتحجبه هي النصرانيه لأن المظهر يوحي أنها مسلمه ,,

أما قولك أن هنالك محتجبات يرمون الحجاب من خلف أهلهن فلا أقول لك لا كما قال أحدهم :

ليس لخلق الله إلا ماظهر والسرائر أمرها لله وحده ..

بودي أن أضيف أننا أناس على مذهب أهل السنة والجماعه لا نفصل النوايا عن الأعمال كما هو مذهب المرجئه

وفقكم الله

 

[Nanoosa]

الله يهديها ترى 23 كبيرة مو ياهل! وايد تأخرت على الحجاب

بس اذا اخوي يبي وحدة سفور بالعكس ماكو مشكلة اهم شي الاخلاق

و اهو بعدين اذا تزوجو يقدر ان شاء الله يقنعها انها تتحجب

مع ان ما اعتقد امي ترضى اخوي ياخذ وحدة سفور