بنات الي عندهم برة بدبي

[pure_angel]

هلا بنات:68_asmilies-com:

انا ان شاء الله بروح دبي الاسبوع الجاي

واريد اسالكم عن الSHOPING شو تنصحوني

وسمعت عن سوق نايف بلنسبه للعبي والمكياج حلو؟؟؟

وبعد سوق ابو هيل مال العبي

اذا مجربيهم فيدوني

 

[الدلال]

انا امووت على التسوق بدبي

سوقهم يهبل

شوفي نايف فيه سوق الوصل للملافع

والعبي تلقينهم في مجمع اسمه ابو الهيل انتي قولي للتاكسي ويدله على طول

وطبعا غير مجمعااتهم الحلوه

دبي موول

الامارات مووول

سيتي سنتر

برجمان

وغيرهم واايد

 

[pure_angel]

بنات قصدي خبرة سوري غلطت في العنوان


الدلال مشكورة يا قلبي بس انا المره الي راحت رحت سوق نايف بس شفته كله محلات مال هنود

 

[هاجس خاطري]

الغلا العبي الحلوة بتلاقينهم في مركز بو هيل وبعد في برجمان وفي ابراج دبي اللي هو سيدتي الجميلة
وباقي الاشياء عندج مول الامارات جنان ودبي مول اروع
عندج السيتي وبن بطوطة وميركاتو يعني مب وايد
اتمنى اني فدتج

 

[افوق الوصف..}]

اختي عندج اماكن وايد حلوه
مثل ابو الهيل ونايف ومرشد
ودبي مول وامارات مول يصلح لليهال لانه فيه مدينه ثلجيه ومدينة مدهش
وآنا بعد شهر رايحتلها ان شاء الله

 

[قلبي تركواز]

انا نفسج اول مره رحت دبي ورحت لسوق نايف ومرشد ماشفت الا محلات الهنود والحر والخيسه
اختي راحت وتدللت من رفايجها وجابت شيال روعه روعه
اهي راحت لسوق عكاظ داخل السوق القديم سأليهم عنه ويدلونج عليه
فيه محلات بابو وكومار وفاطمه درويش كلهم ملافع حللللللللللللللللللوه ورخيصه اسعارها بحدود 50 و 35 درهم
واهني لقيت حريم يبيعونهم ب 12 و 15 دينار
والله حلوين وموديلاتهم جديده
ودوري على محل ابو راشد مايحتاج عشان تاخذين بخور وزعفران ابو راشد مو طبيعي روعه
وطبعا ابو هيل مجمع كامل كله ملافع وعبي بس غاليين شوي