بنات امانة منو فيكم فكها يعورها ساعدوني

[قلبي ابيض]

مثل ما قريتو بالعنوان من سمعت اوفيها الم بالفك امانة ردو لاتحقرووون طلبي ومشكورييييين حبيباتي:0bee2e8d89:

 

[عاقده النونه]

هلا حبيبتي

انا بصراحه مثلج الفك عندي حده تعبان ويطلع صوت لما اكل صراحه

جنه صوت طق والله والسبب يرجع من عقب ما ملجت جتني عين قويه

علي ضروسي صراحه وقمت اعالج فيهم وكلهم الله بالخير صاروا وهالسبب

اتوقع خلا الفك عندي ضعيف حيل لانه طبيبتي قالت لي لازم اتراجعين طبيب

واتسوي تمارين حق الفك لانه مو زين علي كلامها مع الوقت يسبب مضاعفات

بس انا سكت علي عمري وليومج مدري شنو الحل احيان يفشلني والله لما اكل

جدام احد لانه الصوت واضح بس الشكوي لله هذى عين هالناس ماتعطي خير كلش

وياليت هالزواج تم اخرتها تطلقت بس الحمدلله علي كل حال وعسي الله يشافينا

انا وياج وجميع المسلمين يارب واذا لقيتي حل ياليت ماتنسيني وياج تري الحاله كسيفه

:denya::0bee2e8d89:​

 

[ii DareeN ii]

ماتشوفين شر راجعي دكتور جراحه وجه وفكين خل يسويلج اشعه ويشوف شنو المشكله الي عندج بالفك ساعات الي فكهم متحرك يربطونه روحي الطبيب لاتعتمدين على استشاره بنات

 

[^^ROSE^^]

وي عيل انا مو بروحي اعاني هالمشكلة
بس انا بسوي عملية ان شاء الله
انصحكم بالدكتور نائل الهزيم بعيادة الميدان بحولي مجمع بيروت روووووووعه متخصص بالفك وكان هو اللي يسوي عمليات الفك للمصابين بالحوادث بالحكومة بس الحين استقال وصار مدير الميدان فرع حولي
لاتخلون بنات روحوا راجعوه وشوفوا كل وحدة حسب حالتها ناس لازم عملية وناس مايسوى عادي
انا بحالتي لازم عملية لان عندي الفك السفلي رايح شوي ورا لازم يدزه جدام وعلى قولتكم يطق ويعور ويطلع صوت وساعات وانا اكل اوقف اكل والسبة العوار
بس ترى اللي بتسوي عملية لازم تكون حاطة تقويم لان الفك ينربط فترة عقب العملية وتشربين سوائل لفترة معينه
وانا قريت عن هالعملية بسايتات اجنبية ومن تجارب الناس كلهم اجمعوا ان تستاهل الصبر لان النتيجة روعه وراااااااااااحة تدرون ان حتى اللي يشخر بيبطل يشخر لا تعدل فكه!
وترى مع الوقت ممكن الانسجة المحيطة بمفصل الفك تصير حساسة وتتهتك من كثر ما الفك يطقطق ويحك فيها

قلتلكم هالدكتور احسن واحد بالكويت بهالتخصص منتوا خسرانين شي كلها 20 دينار
10 فتح ملف و 10 استشارة وشوفوا شيقولكم وان شاء الله خير

 

[مريوما الحلوه]

حتى انا لما انام غلط ما اقدر ابطل حلجي تخيلي

 

[شهدQ]

انا مااقدر اضحك حيل فاهمتني يعورني

 

[*ام الاميرات *]

اختي شهد انا مثلك ماقدر افتح فمي وكتشفت اني طلعت لي ضروس العقل

 

[قلبي ابيض]

سلامتكم بس المصيبة ان صوت الطق صرت اتعمد اسويه صار عندي عادة

 

[القلب الحساس]

انا فكي يعورني بس انا عندي الفك عوي فيعورني

 

[كيكه]

وانا بعد وياكم على طول يطقطق ويطلع اصوات ومرات لما ابطل حلجي عشان اتثاوب مارضى يصكر واخترع وبعدين حيل
احاول فيه ويصكر بس يطلع صوت ( طقققققققققققق)

 

[^^ROSE^^]

بنات هالمشكله مالها شغل لا بضرس عقل ولا بسعابيل ولا فيتامينات
هذي مشكله شائعه جداااااااااااااا لاتستغربون
وكل اعراضكم فيني ساعات احس حلجي وضعهمضايقني لازم يطق فكي عشان يتعدل مع انه يعور ويطلع صوت وما اتثاوب ولا اكل الا ويطق حتى لما رحت الطبيب قالي بعطيج مسكن لهالألم بس المسكن سببلي صداع عموما انا بنهاية هالسنه عمليتي ان شاء الله
بس تطمنوا مو كل الحالات تستدعي عمليه
بس انتوا روحوا فحصوا لان بتتأذون اكثر لاكبرتوا لاتسكتون

 

[كيكه]

^^rose^^
حبوبه بغيت اسألج وين بتسوين عمليتج وعند منو ؟

 

[^^ROSE^^]

ان شاء الله عند نائل الهزيم بمستشفى الميدان بس اذا مافتحوا المستشفى بيسويها لي بدار الشفا
وتقريبا تكلف من 3 الى 4 آلاف

 

[noonoo]

انا بعد لي تثاوبت او بطلت حلجي حيل يظل امشرع مايتسكر الفك عندي يعلق لازم اسويله مساج عشان يتسكر

 

[الناعمة]

الله يفكني من هالعوار والصوت حدة مزعج

 

[أم منصور]

سلامات كلكم والله فكي قام يعورني لا تعادوني


أم منصووووووووووووور:33_1185028183:

 

[عاقده النونه]

اشوي الحمدلله انه مو بس انا اعاني من هالمشكله

اثاري العالم كلها عسي ربي يشافينا ويعافينا

والله انا كله يتطنزووون علي عشان الصوت وانا انحرج حييييييييل

الله كريم :yaaaaaarb: يعافينا من عنده​

 

[^^ROSE^^]

بنات ترى مو كل الحالات تستدعي جراحة
روحوا فحصوا يمكن يعالجونكم بدون جراحة قبل لا تزيد المشكله وقتها ماكو فكة يا عملية ياتتحملين طول عمرج

 

[حبيبته آنا]

انصحج بالدكتور عباس الرامزي اهو تخصصه هالشي وشاطر واااايد بهالشغلات

 

[كيكه]

حبيبته آنا

وين صاير هالدكتور ؟