بنات امانة منو فيكم فكها يعورها ساعدوني

[^^ROSE^^]

عباس الرامزي اعرفه وايد زين اللي ببنيد القار مال الاسنان
بس مو مال فك هالدكتور
مشاكل الفك يبيلها دكتور متخصص بجراحة الوجه والفك
اسمه بالانجليزي
orthognatic surgeon
او
maxillo-facial surgeon

اللي اعرفهم بالكويت نائل الهزيم
وواحد ثاني ولد العصفور نسيت اسمه بالميدان اللي بصباح السالم
هالاثنين ممتازين
بس عباس الرامزي ما اظن تخصصه جراحة فك

 

[حبيبته آنا]

شوفي د.عباس الرامزي مثل ماقالت روز ببنيد القار وهم بعد عنده عياده خاصه اهو معالج اختي وهي راجعته ببنيد القار واللي عالجها معاه اسمه دكتور علاء الموسوي

 

[حروف]

تصدقون .... انا اعاني من نفس الشي

وبالنسبه لنائل الهزيم

مليون نعم انا رحتله بناءا على توصيه من الدكتور فرج بهبهاني

وبصراحه مبين عليه فاهم وانا فكي اللي تحت متحرك يمين شوي ويعورني طبعا مااقدر ابطل حلجي وايد وقالي لازم عمليه بس بيني وبينكم انا خوافه حيل من قالي جذي واقعد ابجي ماادري ليش ... بس قالي شوفي يابنتي العمليه ماتاخذ اكثر من نص ساعه والبنج كامل
واستخيري واذا حبيتي تسوينها تعالي انا حاضر وانا متخوفه حيل حيل ماادري شسوي

 

[سحر الليالي]

مشكورين على هالمعلومات الحلوة

 

[رقية وسبيجة]

وي وي وي

نفس الشي

بس انا غير غير غييييييييييييييير

انا الله يسلمكم الفك عندي مايطلع صوت
يطق فيه عرج خاصة اذا ضحكت من قلب وفجيت حلجي

من تحت اذوني لي فكي عرج الله لايوريكم اقعد افرفر من اعوار
ويظل حلجي مفتوح واحاول اسكره واتم على هالحالة لا اقدر اتكلم ولاشي لما يروح العرج ويخف

مااعتقد في وحدة مثلي

شنو الحل برايكم

 

[قلبي ابيض]

الله يشفينا يارب

 

[^^ROSE^^]

تصدقون .... انا اعاني من نفس الشي

وبالنسبه لنائل الهزيم

مليون نعم انا رحتله بناءا على توصيه من الدكتور فرج بهبهاني

وبصراحه مبين عليه فاهم وانا فكي اللي تحت متحرك يمين شوي ويعورني طبعا مااقدر ابطل حلجي وايد وقالي لازم عمليه بس بيني وبينكم انا خوافه حيل من قالي جذي واقعد ابجي ماادري ليش ... بس قالي شوفي يابنتي العمليه ماتاخذ اكثر من نص ساعه والبنج كامل
واستخيري واذا حبيتي تسوينها تعالي انا حاضر وانا متخوفه حيل حيل ماادري شسوي

حبيبتي خل اقولج سالفه
انا رفيجة امي كانت تروح حق نائل الهزيم ايام ماكان بالحكومة تسوي زراعة اسنان
تقول وانا انطر موعدي يمي بنية تهبل وضروسها وحلجها عنونو
قلتلها انتي معالجة عنده؟ قالت اي كان فكي ناط جدام اخرع جني عايشة الكيلاني جان تعرفونها الممثله المصرية ام ضروس ناطة مسكينه
وتقول هو سوى فكي وحتى ضروسي تضبطوا لان بالتقويم بروحه ماراح يتعدلون دام المشكله بالفك


وانا بعد واااااااااايد سمعت عنه وقلتلكم مشكلتي بالمفصل مال الفك وهم فكي العلوي ياي جدام والسفلي راد ورى شوية فلازم يصير بينهم balance وهم بعالج الطقطقة بالفك
صراحة الحين البنج والعمليات مو مثل قبل الحين كل شي متقدم ومتطور وسهالات ان شاء الله
وانا بعالج قبل لا يفوت الفوت ويقولون لي بعد جم سنه ماينفع نسويلج عملية لان الحالة متقدمة والانسجة ضعيفة شالله حادني

فاللي بتسوي تتوكل على الله

 

[قلبي ابيض]

ممكن بنات اللي سوت عملية لفكها وارتاحت تعطيني رقمه وجزاكم الله خير