بنات امس بجييييييت جداااام كل المعازيم....آزروووووني

[مامة غناتي]

بنت ناس يالغاليه الف الحمد لله حمدي ربج وصدقيني يكفي زوجج يحبج وربي وعسا الله يرزقج انشالله بذريه الصالحه انا نفس الشي حماتي 4 سنين ما حملت وكاهييه مشالله يابت سونه الله يحفضها ويرزقها بخوان وانتي انشالله لاحقتها وكل تأخيره فيها خيره انشالله وماتدرين الخيره فيما اختاره الله يمكن الله كاتبلج شي احسن مع صبرج وحمدج له صدقيني لا تصيرين حساسه لان هذا مو تقصير منج ولا غلط انتي مسويته لا يالغاليه هذا من ربي حبيبي والله يكتبلج انشالله مافيه خير لدينج ولدينياج يارب واذا على الجهال لاحقه على الحنه استانسي انتي وحبيبج ويجيب الله الخير ربي ما يجي منه الا الخير سبحانه بس صيري قويه ولا يهمونج لاحريم حموانج ولا غيرهم ( ادري حريم الحموان ينرفزون ) بس ولا كأنج موجوده يمكن اهي الله عطاها ضنا بس ريلها ما يحبها اكيد الله عطاج شي واخذ منها شي

ولـــــــــــــــــــــــرب ضائقه يضيق بها الفــــــــــــــــــــــتى --- ذرعـــــــــــــــاوعند الله منــــــــها مخرج
ضــــــــــــــــــــــاقت ولما استـــــحكمت حلقاتــــــــــــــــــها --- فـــــــــــــــــرجت وكنت اضـــنها لا تفرج



والله ياربي انشالله يرزقج من واسع ابوابه ويغسل قلبج ويريح بالج ويرزقج الرضا ياربي

 

[BLacK_CaT]

اخييييه الله يرزقج ويرزقنا معاج يارب

 

[كحيلانه]

الله يرزقج ويرزقني وبرزق كل محروم ماباليد حيله
الله يعين

 

[** باربي **]

يا عمري لا تهتمين الي الله كاتبة لج بيصير ورزقج مقسوم وذريتج مكتوبة بييد الله متى امر كان
وياااا شييين هالحريم الي يتليقفون ويدخلون بكل شي وما يحسبو حساب حق مشاعر احد قطع ليش ما زوجتي ..ليش ما سويتي عرس..
ليش ما حملتي..وليش وليش..انتوا شكووو واذا كنتوا حابين تعرفون سألوا عن انفراد انا ادري انة قصدهم خيير بس الي ايدة بالماي مو مثل الي ايدة بالنار وانا عارفة انتي سوالف حريم الحموان ومعايرهم ونضراتهم مثل قبل فترة بنت اكتبت موضوع انها اشافت رفيجتها قديمةورفيجتها هذي مزوجة وهالبنت مو مزوجة وتسألها جدام المعازيم ها فلانة ازوجتي ولا لا وجاوب البنت وويها احمر لا وتقوم ترد عليها الله يرزقج..!!!!
شنو الله يرزقج مو فشلة شنة البنت فقيرة ومعتازة شنو هذا والله حرااام الناس الي ما تقدر حرج الغير ابهالنواحي ويمكن خيرة من ربج ما تدرين يمكن اذا يبتي ابهالفترة ييج ياهل فيه نقص ولا يعييش فترة بسيطه فالله ارحم بعبيدة ولة حكمة صدقيني..
وما علية قلبي انا اختي ضلت 9 سنين ما حملت مو 4 واختي الي اصغر منها وكل الي زوجوا عقبها اعيالهم بالابتدائي واهي من علاج لي علاج ومن دولة لي دولة وماكو فايدة لي اخر شي يسأست واهي كانت بدولة اوربية وقررت ترد الكويت وحجزوا وقبل لا ييون راحوا رحلة اماكن ترفيهيه ولا ادق عليها المترجمة ولا تقولها تعالي بسرعه انتي حامل
شفتي ماشالله حملت ترى طبيعي
والفال لج مالج الا الصبر توج ترى 4 سنين والله شوية توكم معاريس شبعوا من بعض لاحق عالشقا ولا يهمج

 

[%عـجـمـيـه صـريـحـه%]

عسى ربي يرزقج ويرزق كل محرومه الذريه الصالحه

 

[مطيريه ميه ميه_]

الله يرزقج ياااارب ويهنيج

اكثري الدعاء وربي مراح يردج خايبه ان شاء الله

بس لازم تكونين اقوى من جذي ..تدربي على الرد على الناس بخصوص ههالموضوع بينج وبين نفسج

موفقه ياااااااااااااااااااااااااااااااااااااااااااااااااااااااااااااارب

 

[al7nooona]

موقف صعب وماتنلامييييييييييين والله

بس هالشي بيد رب العالمين وهو ارحم وادرى

الله يخليلج زوجج ياااارب ولا يغير عليييييييييييييييه

والله يرزقج ويرزقنا ويرزق كل محرووووووووووووووووووومه بالذريه الصالحه قريبا غير اجل ان شاءالله

 

[om-7amod]

الله يرزقج بالحمل عاجلا غير اجل

ويرزق الجميع بالذرية الصالحه يارب ياكريم

 

[قمر الاحساء]

الله يرزقج ان شاء الله وهذا كله بأمر الله
كااختي عشر سنوات ماجابت وريلها مدللها وموهامه لأن هم يتعالجون والباقي على الله ومرت حماي ثمان سنين وللحين مايابت مع ان زوجها وده بس بأمر الله ومسكين يفرح بولدي وعاده كنه ولده الله هو الرزاق

 

[أم الطيب]

الله كريم وقادر يرزقنا
كسرت خاطري لاني دايما بهالموقف

بس ما اقول
الا الحمدلله على كل حاااااااااال
وان شاءالله بتحملين عاااااجل غير اجل

 

[غنج اهلها]

الله يرزقج ولايحرمج يارب العالمين

 

[فديت ولدي]

يارب يرزقك ويفرح قلبك <<حتى انا لي سنتين والناس بسس تتكلم عني واللي اعرفهم كلهم يحملون بعد زواجهم بكم شهر وهم مستغربين واللة تعقدت انا الوحيدة اذا جلست عندهم كلهم يتكلمون عن الحمل ويدقون وانا الدمعة بعيني تكفون ادعولي يارب ارزق كل محرومة :eh_s(16): انا من السعودية احبكم واللة يابنات الكويت

 

[بعيدة الدار]

يارب يا حبيبتي ترزقها بالذرية الصالحة اللي تفرح قلبها يارب

 

[الاستاذة]

صاجه والله المفروض محد يتحجى وانتي ادرى منهم

بس شتسوين ماتقدرين اتسكرين حلوجهم استغفري ربج وايد وخلي ارادتج قويه ولا يهزج احد والله بيرزقج عادي انا اعرف وحده اتصيري خمس اسنين ماحملت مافيها شي لا اهيا ولا ريلها اسمعت حجي لين قالت بس سافرت وغيرت جو والحمدلله الله رزقها بضنى والفال لج يارب

 

[m e m e]

هالحريم مايسوون عالحركات الا لأن فيهم نقص و يبون يحسسون روحهم ان عندهم شي غيرهم ماعنده

فا انتي لا صارلج هالموقف مره ثانيه قثييهم يعني اذاوحده اسألت ليش ماحملتي ؟ قوليلهه العلم عند الله

و بعدين بلشي فيهه اسأله تقث ها ماتزوجتي؟ ماتخرجتي ؟هااو ليييييييش

انا اول شي نفسج يضيق خلقي و حالتي حاله بعدين لا و الله قمت ارادد و اطلع اللي ابقلبي

 

[luxes_430]

حبيبتي لا يضيق خلقج حاسة بشعورج
والله الناس ما يخلون احد بحالة
الله كريم وانشالله الله بيرزقج بالذرية يارب
ويعطيج على قد نيتج بس اني خلج قوية
وكثري الدعاء والله كريم انشاللة

 

[الاسطورية]

الله يرزقج ان شاءالله وخليج قويه

 

[بمبرة]

حياتي .قولي آمين
ما تمر 2009 والا وانت حامل بتوام
نصيحة لج اذا ما فيج شي روحي عند مراخة تشوف رحمج

وعن تجربة جربي ام نادر

وعسى الله يكتب لج الضنى الصالح على ايدها ان شاء الله​

 

[ام يوسف القمر]

حبيتبي لاتضايقين ولا شي كلنا مرينا نفس الموقف

بس خليها على الله وعادي انا صارلي اكثر منج والحمدلله على كل حال هونيها وتهون وماتدرين واين الخيرة فية

ماتدرين يمكن انتي احسن من حريم حوانج واسعد منهم عسى ربي يسعدج يارب

 

[BNT_NAS]

واااااااااااااااااااااااااااااااااااااااااااااااااااااااااااااااااو بنات:wqedqw:






....ماتوقعت هالردود ماشاء الله.....






اشكر كل الي رد على والي دعالي....عسى الله يرزقكم بكل الي تبون.....



الصراحة اخجلتوني ومادري شقول......



اولا احب اوضح شغلة ......انا كل الي كانوا موجودين اعزهم حيييل وانا ادري انهم يعزوني ويحبوني ولاقصدهم شي الا اللهم انهم يخففون عني او يعطوني بعض الحلول.....بس المشكلة شنو ....انهم مو حاسين بحساااااااااااااااااااسية الموضوع....الموضوع مو سهل عالنفسية وخصوصا عالمره....هذي غريزة فينا وكل مرة متزوجة ودها بيهال....فا أهم ماشاء الله مو قاعدين يحسون بالاحراااج ولا الضغط النفسي ولاالتعب الي انا احسه....:cxxxp:


وبالعكس مو قصدهم نغزااات ولا تقطط حجي عالفاضي لا حراااام...عشان ابري ذمتي......



بس انا ودي ان المواضيع الحساسة مثل الحمال مايتكلمون فيها بهالطريقه...الطريقة كااااااااااااانت x ...وحد الاحراج وقصة وي....يعني الواحد ياي يستانس مو يتنكد....:eh_s(1):


بس اتصدقون بنات ....انا كنت حاااسة انهم بيفتحون هالموضوع بس كلش مو مثل ماتوقعت ....يعني تخيلو صاالة طويلة وناس مجابلة ناس ...وفجأة يصير صخة ويتكلمون عنج ...وبشنو ((( بالحمل))) وعلى يميني الوردة الأولى (مرت حماي) وعلى يساري الوردة الثانية(مرت حماي الثانية) ....:s141:




يالله أخذوا... شرايكم..مادري منو داعي علي بهاليوم.._03BA:



بس بنات ترا انا احب حريم حمواني بس والله ساعات اغار منهم بس ماحسدهم والله....غصبن علي:eh_s(16):


وراح آخذ نصايحكم بعين الاعتبار ....ومشكورين ثاني وثالث ورابع مرة