بنات انا لاحظت شغلة غريبة !!!!!

[supermarket]

ههههههههههههههههههههههههههههههههه


ضحكتوني الصراحة انا اشوف هالحركة اكثر شي عند عيال النعمة خخخخخخخ


لاحظوا هالشي ان التنزيلات اول مايكونون هم الموجودين

مرة كانت جدامي وحدة ( اعرف اهلها ) تحاسب بماركس ان سبنسر تاااااااااااااااااااااااارسة عربانتها هدوم بس هااااااااا

تعطي الكاشير شي شي تتاكد جم صار السعر وتقرر اذا تبي الشغلة او لا


يعني مو لازم الواحد يكون عنده قرض والا التزامات حتى عيال الفلوس


كانت معاي وحدة بالجامعة تاخذ كتبي اللي خلصت منهم للكورس الياي علشان ماتشتري واهي من بيت خير ونعمة

 

[mooomooo]

صح صاجه وايد ناس جذي

في ناس حتى بالعشر فلوس تحسبها هخخخخ


بس والله انا عادي ماثبت على السعر


بس مرات اثبت عشان ماخربط وايد بس عقب ما اذكر الاسعار انساهم في ناس ماشاء الله عليهم يحفظون سعر الشي

تبون الصراحه بس صج فرق وياي مع جمعية الشرطه

روحوا اشترو اللي تبون من هناك وشوفو الفرق بينهم وبين جمعياتنا

 

[New Mum]

ياليت اثبت انا ادفع و بس !

 

[مرت ريلي]

جمعية الشرطة ظريفة بس هم ما فرق معاي الموضوع لأني ما أعرف الأسعار لووول، وبعدين انا بغير اسمها لجمعية الصعايدة كلها صعايدة وأشياء ..

 

[mooomooo]

جمعية الشرطة ظريفة بس هم ما فرق معاي الموضوع لأني ما أعرف الأسعار لووول، وبعدين انا بغير اسمها لجمعية الصعايدة كلها صعايدة وأشياء ..

انا كنت اقول جذي

كنت اقولهم ماتفرق معاي يتراوالي نفس الشي

بس ترى من عقب مازادونا الخمسين والجمعيات ناااااار

بس والله ما اتعنى واروح هناك بس اذا كنت في بيت اهلي ومحتاجه شي ضروري اروح لها

بس صدقيني فرق

يعني ذاك اليوم خذت اغراض وااااايده طلع علي بعشره بس

وانا اذا شريت من فرعنا خرابيط على 10 و11

هخخخخخخخخخخخخخ

وصاجه كلها صعايده ذاك اليوم شفتهم

والله ماينلامون من الغلا اللي صار مو طبيعي :eh_s(20):

 

[الغاليه نونو]

انا مادير بال حق الاسعار خصوصا بالجمعيه اكتب اللي ابيه بورقه قبل ماروح اعرف جم ماخذه معاي امشى واقط بالعربانه ليييييييييييما تنترس واروح الكاااشير

احط اغراضى واحاسب واطلع والله مادري شاللي عليه عرض أو طول ههههههههههههههههههه بس بالسوق اعرف ابجم خذيت الشغله خصوصا اذا تنزيلات اشوف الفرق بين السعر الاصلي وسعر التنزيلات اذا الفرق يسوا اخذه والا ممايفرق وايد اخليه يولي واخذ غيره

في وايد ناس يفرق معاهم السعر ويدققون خصوصا مدرسين ومدرسات الرياضيات هههههههههههههههههههههههههههههههههههههههههههههههه مرت حماي ابله رياضيات حتي سعر كيلو البصل تعرفه بل عليهااااااا نسره

 

[كيكة كاكاو]

ويه , انا على ما اشتري ماجلة البيت اقعد ساعة بالجمعية بعد اذا بقعد ادور واطالع الاسعار اشكثر بطول .... يعني اقعد طول اليوم هناك

وبعدين في اشياء تكون سعرها فيها وساعات الشي يكون اغلى لان اجود يعني مثلا ماركة كلينكس اغلى يمكن من غبها بس لان مناديلها انعم واحسن ( فيني حساسية عشان جذيه مهتمه في هالموضوع )

 

[دوللي]

كل واحد وطريقته في ناس حييل دقيين بالمحاسبه الفلوس رفيجات اختي بالدوام كانوا طالبين مطعم قامو عطو وحده منهم الفلوس تحاسب سايق المطعم فجأه ولا البنت والله العظيم جايه هاده عليهم انتم منقصين الفلوس وحطيوته على راسي وقالت وحه منهم جم ناقصج وانا ازيدج تدرون جم ناقص والله العظيم 50 فلس هذا شنو يسمونه

 

[أم طه الحولة]

لوووووووووووووووول من صجها ...؟؟؟؟ خخخخخخخخ لو ناقص اكثر جان بجت
لا انا نوعي اخذ معاي اله حاسبة وكل ما اخذ شي احسبه بعدين ادق على ريلي واخذ رايه بالسعر اذا وافق اشتري واذا ما وافق ارد شوي من الاغراض اللي اقدر استغني عنها وارد احسب بالالة الحاسبة .. وارد استشيره ...
( خخخخخخخخخخخخخخخخخ )






لا تصدقوووووووون
لا لا انا نوعي كلش ما اطلع الفرق بالاسعار توني ادري ان الاسعار تفرق من مكان لي مكان .. وخصوصا اسعار الاكل والمفروض مايصير تدقيق لهالدرجة شدعوه ,, بالاكل عاد .؟؟؟؟؟ يعني لو بأي شي ثاني جان اوكي يعني مثلا جهاز معين ,, لابتوب مثلا .. لقيت الجاهز اللي ابيه بكل المواصفات ب600 ولقيته بمكان ثاني ب500 اكيد باخذ الثاني وفعلا هذا اللي صارلي اني شفت لابتوبي بيوريكا والغانم سعره غالي مع اني شاريته من توشيبا الاصلي اقل بإمية دينار .. هني اعتقد معاي حق اني ادقق يالسعر

 

[دندرمه]

والله ولاادري عن الاسعار استغفرالله ياليت فلوسي تقعد والله انه معاشي يروح على كروت تلفون وخرابيط حواج وسةالف تافهه للاسف

 

[( نـــور البيـــت )]

ما تشوفون اهلكم يقولون الفلوس صاير ما فيها بركة؟؟؟؟؟
هذا من عدم المبالة أو قلت المسئولية (قلبت جد).
كله يهون ولا سالفة اصرف ما في الجيب يأتيك مافي الغيب:eh_s(1): :eh_s(1):
تستهينون بعشرين فلس وهي ممكن تجيب خبزة ايرانية تشبع جوعان والله جدّ الحين.
انا ادقق عادة بعكس بنتي (نفس النيك)اللي ما يهمها الدينار عشان تفكر بالفلس
جيل يرفع الضغط وبعدين اللي تقول دينار و 985فلس مرة عملية !!!

 

[ضحكة الدنيا]

فيه ناس فعلا ماتدقق بالاسعار وفيه ناس تحسب الفلس
وكلن وعلى حسب حالته الماديه ​

 

[أم طه الحولة]

نور البيت .. كلامج صح بس ماتوصل للأكل !!!!! في ناس ايوعون روحهم عشان لا يدفعون َََ!! شدعوه ؟؟ احس جنه بوهباش مادري ليش !!

 

[أم بدير]

والله انا كل مره اجيل البيت
بس ليلحين ما اعرف الأسعار
بس أعرف المعدل اللي اطلع فيه من الجمعيه كل مره من جذي اخذ فلوس بالمعدل.. ساعات يطلع زايد عشره عشرين
وساعات يطلع اقل

بس صراحه عمري ماشفت احد يكتب السعر بالتفصيل، يعني اشوف دينار ونص..دينارين..ثلاثه ونص..خمسه ونص...
لكن عمري ماشفت احد كتب دينار و985خخخخخخخخ ولا حتى دينار وربع مرت علي​

 

[أم طه الحولة]

ام بدير .. اي والله ههههههه
بس تعالوا اللي كاتبة الموضوع وينها ليش اغمى عليها وين راحت ..؟؟؟؟

 

[رفرف]

انزين مافهمت شنو المشكلة ؟؟

انا ادقق بالاسعار وذاكرتي قوية الحمدلله بهالسوالف ..
واحب اعرف سعر كل شي ...
بس ما اختار الأرخص لأنه ارخص .. لا بالاكل ولا بغيره ..
اشتري الغالي والرخيص حسب الجودة ..

يعني اذا عرفت السعر صرت بخيلة ومادري شنو ؟

 

[ضي الغروب]

مادري يعني عادي خلي الناس تدقق بالاسعار
مافيها شي مع اني اخر وحده ادقق بالاسعار
بس ماشوف هذا شي الواحد يستغرب منه
في ناس على قد حالهم وال50 فلس تفرق عندهم
ليش افج حلجي
وفي ناس عندهم خير وهم يحبون يطالعون لسعار ويحوسون عند العروض عادي في ناس تسنانس على العروض مو عشان ارخص
ماشوفها عيب او شي ينقد عليه !!

 

[nono78]

عمري ما ادقق بل اسعار

في حاله وحده ادقق اذا فجأه اشتهيت من الجمعيه خرابيط ( كاكاو - بطاط ...)

وفي بوكي 3 دنانير اهني عاد لازم ادقق عشان لا ينقص ويهي عند الكاشير
لووووووووووووول

بس البوك عامر ومليان صراحه ما ادقق واخم الجمعيه كلها

الموضوع في روح الدعابه

 

[ايثار]

كل واحد وطريقته في ناس حييل دقيين بالمحاسبه الفلوس رفيجات اختي بالدوام كانوا طالبين مطعم قامو عطو وحده منهم الفلوس تحاسب سايق المطعم فجأه ولا البنت والله العظيم جايه هاده عليهم انتم منقصين الفلوس وحطيوته على راسي وقالت وحه منهم جم ناقصج وانا ازيدج تدرون جم ناقص والله العظيم 50 فلس هذا شنو يسمونه

لووووووووووووووول دمعت عيوووني من الضحك
الله يوسع صدرك بالعافية

 

[زهرة اللوتس]

ماشالله عليهم