بنات باركولي سويت عملية التكميم على يد الدكتور خالد العنزي ولله الحمد

[النية الصافية]

رد : بنات باركولي سويت عملية التكميم على يد الدكتور خالد العنزي ولله الحمد

مشكورة على الرد وبصراحه مقصرة بشرب الماي والحركه لان على الدوره وتعبانه منها بس بنفذ كل اللي تنصحين فيه وبحاول اسوي اللي اقدر عليه يارب ولا تنسيني بنصايحج عسى ربي يبارك لج وتوصلين للي كل تتمنينيه يارب

 

[اميره بكلمتي]

حياااتي انتي العفووو لييش ماتشربين تراا مهم لانه جذي رااح يصيبج بالجفااف ومراره بالمعده وتتعبين والمشي امشي قد ماتقدرين احسن عشان الغازات لاتتراكم بطنج وتتأذين منها واهم شي التزمي بالعلاج اللي عطاج الدكتور

وكان جم وزنج قبل العمليه وبعدها وزنتي ولالا ؟

ومشكووره ع الدعووه الحلوة والفااال لج يااارب

 

[ذوق]

ـ ماشاء الله الله يتمم عليج ياأميرة
ـ بغيت أسألج سويتي منظار للمعدة قبل العملية?
ـ وليش الدكتور ماسوا لج صبغة عقب العملية?
ـ والحمد الله على سلامتج

 

[ذوق]

:blueSmCLR::blueSmCLR::blueSmCLR::blueSmCLR:ـ ماشاء الله الله يتمم عليج ياأميرة
ـ بغيت أسألج سويتي منظار للمعدة قبل العملية?
ـ وليش الدكتور ماسوا لج صبغة عقب العملية?
ـ والحمد الله على سلامتج:blueSmCLR:

 

[اميره بكلمتي]

ـ ماشاء الله الله يتمم عليج ياأميرة
ـ بغيت أسألج سويتي منظار للمعدة قبل العملية?
ـ وليش الدكتور ماسوا لج صبغة عقب العملية?
ـ والحمد الله على سلامتج

مشكوووره حياااتي

لاوالله ماسويت منظار يمكن قصدج سونار اذا اهو اي سويت
يمكن سواها لي بحزة العملية

والله يسلمج حياتي


:yaaaaaarb:

 

[الفراوله1]

رد : بنات باركولي سويت عملية التكميم على يد الدكتور خالد العنزي ولله الحمد

الحمدلله عالسلامه موفقه يارب بس بغيت اسالج جم نزلتي ؟ والدكتور قبل العمليه قالج ان في اعراض جانبيه محتمله لا سمح الله ولا لا ؟

 

[اميره بكلمتي]

الله يسلمج من كل شر نزلت ليلحين 34 كيلووو ماشاء الله لاوالله ماقالي عن اي شي @@@@

 

[donat]

بنات تنصحوني بالتكميم؟ انا وايد خايفة ومترددة و ريلي موراضي بس انا تعبت من المتن والله محد حاس فيني
كل من يقول لي لا تاكلين لا تاكلين يحسبون السالفة سهلة جان ماظل في متان بالعالم

شقول بس اللي ايده بالنار مو مثل اللي ايده بالماي

انا وزني 101 وطولي 160 سم
تقريبا كتلة الجسم عندي 39 او 40 بس ابي اعرف يسوى تعب العملية و المخاطرة بالصحة؟ يعني ما تعبتوا أو ما ندمتوا وقلتوا ان لو مسوين رجيم احسن لنا ؟؟؟؟

مايخالف استحملوني انا وايد مترددة

 

[اميره بكلمتي]

بنات تنصحوني بالتكميم؟ انا وايد خايفة ومترددة و ريلي موراضي بس انا تعبت من المتن والله محد حاس فيني
كل من يقول لي لا تاكلين لا تاكلين يحسبون السالفة سهلة جان ماظل في متان بالعالم

شقول بس اللي ايده بالنار مو مثل اللي ايده بالماي

انا وزني 101 وطولي 160 سم
تقريبا كتلة الجسم عندي 39 او 40 بس ابي اعرف يسوى تعب العملية و المخاطرة بالصحة؟ يعني ما تعبتوا أو ما ندمتوا وقلتوا ان لو مسوين رجيم احسن لنا ؟؟؟؟

مايخالف استحملوني انا وايد مترددة

الصرااحه انصحج فيها

مافيها اي شي عشااان تترددين حاوولي تقنعين ريلج وخلي يروح معاج عند الدكتور يمكن يسمع كلام الدكتور يقتنع ويوافق

يعني وزنج كبير ويفضل انج تسوينها

انا الصرااحه ماتحسفت نهائيا ولاتندمت بلعكس تمنيت اني لو مسويتها من زمان
والتعب بس اول الايام من العمليه لان كل شي تغير بجسمج
وتتعبين بس اول يوم العمليه من عقب البنج وبعدين عاادي

شاكرتلج مرووورج


:sfg:

 

[الفراوله1]

رد : بنات باركولي سويت عملية التكميم على يد الدكتور خالد العنزي ولله الحمد

اى والله يا دونات انه مشكلتي مثلج خااااايفه واااااايد اطقطق من الخوف ودي بس اخاف وريلي مو راضي وتعبانه نفسيا صج ان وزني مو وايد بس من تحت وايد فخووووذ شسوي ياربي وموراضي ايي معاي حق الطبيب

 

[اميره بكلمتي]

الفراوله حاولي تقنعينه مره ثانيه او انج تروحين عند الدكتور بالاول بروحج وبعدها تقوليله كل الكلام اللي قاله لج الدكتور وبعدها يمكن يقتنع ويروح وتسوينها

 

[donat]

اميرة تدرين انا شنو اللي مرددني بعد؟؟؟
الترهل و التجاعيد و تساقط الشعر
يعني انا زوجي مووايد يحب الضعف يعني لو يصير وزني 75 او حتى 80 اكون زينه بالنسبة له و تدرين الترهل جته الوحدة تصير تلوع الجبد ... سوري على التعبير .... موقصدي .... بس يعني شلون الجلد يتدندل و تصيرين وايد لينه و الريل اذا لمست جنج جلي ... مادري
و الشعر بروحه خفيف بعد يحت اصلع والله ... وويهي يتهدل و يصير شبهي اكبر من عمري مادري انا جذيه افكر
عفية قوليلي اللي صار معاج بخصوص هالاشياء .... بصراحه

 

[اميره بكلمتي]

شووفي الصرااحه انا فيني ترهلات بسيطه مو واجد بعضها بدت تشد من المشي والريااضه

ومن نااحيه الشعر راح يطيح بالبدايه وبعدها رااح يوقف وترا كل شي راح يتصلح ويرجع مثل ماكان

والصرااحه تعبيررج حده عجييب

لان كل بيتعدل وبيشد وبيوقف

فااقولج الريااضه والمشي والسبااحه مهميييييين

 

[اميره بكلمتي]

خلاص دونات انا باااجر عندي موعد عند التغذيه اذا رجعت ان اشاء الله راح اكتب تفاصيلي كلها ومع النظام الغذائي

مع السلامه

 

[donat]

ناطرتج

 

[mahawey]

اميره موجده اهني فديتج

 

[mahawey]

اميره موجوده فدديتج

 

[اميره بكلمتي]

هلا والله قلبي توني اشوف ردج لانه توني قاعده من النوم

 

[اميره بكلمتي]

مهاوي وينج

 

[اميره بكلمتي]

قووه بنااات

اليووم رحت موعدي التغذيه وزني نزل 3 كيلو صاار 75 كيلوو ماشاء الله

وغيرتلي النظام الغذائي لمدة شهر اللي اهو :-

الريوق شريحة توست او ربع خبز اسمر + شريحة جبن قليلة الدسم او ملعقة لبنة قليلة الدسم +كوب حليب قليل الدسم +قطع خضااار مشكل (خيار -طماط - خس ) هذا الريووق راح يكون ثااابت مايتغير

فترة الضحى راح تكون :- 2 بسكوت دايجستيف لايت + كوب شاي اخضر او فاكهه

الغداء :-
سمك فيليه مشوي بحجم كفة اليد + 3 ملاعق ارز مشخول + 3 ملاعق سلطة خضاار
---------------------------------------------------------
نص كوب فاصوليا خضرا بالطماط+ربع رغيف اسمر + 3 ملاعق سلطة خضار
--------------------------------------------------------
صدر دجاج مشوي بدون الجلد بحجم كفة اليد + 3 ملاعق بطاط مشوي + 3 ملاعق سلطة خضار
----------------------------------------------------------

فترة العصر راح تكون :- مكسرات او نص كوب حليب او روب قليل الدسم + فاكهه

العشا :-

3 ملاعق سلطة خضار + 2 ملاعق فول + شريحة توست اسمر
---------------------------------------------
شريحة توست اسمر +علبة تونا حجم صغير + 3 ملاعق سلطة خضار
--------------------------------------------
كوب حليب قليل الدسم + نص كوب كورن فلكس (فنتس)


وبس سلامتكم