بنات بروح باريس وبرشلونة الي عندها فكره تدخل تكفون

[toofy89]

بنات شلونكم تكفون لاتخلوني ضروري ابيكم :yaaaaaarb:

بسافر بذن الله مع ريلي يوم 15 اربعه

شهر. عسل اسبوع بباريس وسبوع برشلونة اسبانيا

شنو أخذ صيفي ولم شتوي ملابس شنو تنصحون بالبس والأماكن. الحلوه والمطاعم ويلون تعاملهم أنا وريلي ميح بلانجليزي وأبي الاسوقه والأسعار تكفون فيدوني

 

[toofy89]

اب
اب
اب

 

[NoOoBy]

حبيبتي مبرووووك مقدما والله يتمم عليج ويهنيج وتكونين احلى عروس

بالنسبه حق باريس الحين الجو حلو على بارد شوي يعني اخذي جاكيتات خفيفه وممكن مطر
واغلبهم مايتكلمون انقلش كله فرنسي بس طقطقي معاهم يفهمون وفي باريس اغبهم مغاربه اللي يشتغلون هناك

ومادري عن برشلونه



تروحين وتردين بالسلامه

 

[toofy89]

ياحياتي مشكوووووره جزاج الله خير زين طمنتيني بميزان حسناتج يارب

 

[الأميرة كيرارا]

حبيبتي أعتقد الجو بارد خاصة بالليل
إخذي ملابس ربيعية و جاكيتات احتياط
وشوفي درجات الحرارة هناك بالقوقل
و ألف مبروك إنشالله

 

[xcvxcv]

انا رايحة باريس وبرشلونة بالنسبة للشوبنج انصج تتسوقين ببرشلونة بس سوقهاااااا عجييييييييييب ولاشي جدام
سوق باريس
كل المحلات الي بباريس تقريبا موجودة بالكويت انصحج بس تشترين ماركات من باريس وبالنسبة للشنزليزي
القهاوي والمطاعم حلوة ماعدا قهوتين حيييييييييييل غالين بس هالثنتين الباجي اسعارهم عادية ومعقولة
والقهوتين قهوت فندق ماريوت والي يمها بالضبط بنص الشانزليزي ومع الاسف كل الكويتيين يطيحون بهالمقلب يقعدون
بهالقهوة وينصلخووون بالسعر وعبالهم كل الشانزيليزي غالي عاد والله في قهوة بنفس سطرتهم احلى منهم بالمينيو وبكل شي وارخص
وبالنسبة لبرشلونة سوقها عجييب يبيلج فلوس وايد حق السوق وفندق اوليفر واااااااااايد حلو ورمنسي حيييل واهوا موجود بساحة الكاتالونيا الي فيها السوق والمحلات وانصحج تروحين سوق الخضرة بشارع الرامبلا الي فيه العروض وتاكلين برد على فيريرو روشية البسكويت

 

[xcvxcv]

لاتحاتين اللغة بباريس اغلبية الي يشتغلون مغاربة اذا انتي متحجبة وين ماراح تمشين يقولولج السلام عليكم
وبرشلونا 10% من الشعب يعرف يتكلم انجلش يعني اغلبية الشعب مايعرف انجلش تكلمي معاهم عربي واشري راح يفهمولج

 

[xcvxcv]

سالي عن الباصات السياحية وشلوون طريقتهم تعقد شوي بس واااااااااايد حلوة سالي اي احد ممكن يفيدج بباريس وب برشلون
حق الرحلات ولا تطوفج ملاهي برشلونة حلوة حيييل وعجيبة الروحة حقا بالنسبة لاكل برشلونا ماعجبني كلللش كنت اكل من الوجبات السريعة احلى من اكلهم بس هذا الي ماعجبني فيها