بنات بسآلكم المصاصه لازم؟؟؟

[Q6RYA]

مساء الخير بنات جمعه مباركه :eh_s(7):

عساكم بخير ؟ انا حامل بالثامن وقاعده اجهز للبيبي والصراحه ماخديت مصاصات ومافكر اخـذ ماحب فكره المصاصه وسالت خالتي اخت امي لاني الاحظ صج انها ماتعطي عيالها مصاصات وتقولي مب لازم لا تعودينه علي هالشي انا كلش ماعطي وان صاح الياهل اعطيه رضعته


وامس وحده من اهلنا تقولي لا اخذي وخليه معاااااج من المستشفي تحملي ماتاخذين المصاصه وايد تهدي اليهال

الصراحه انا احترت بجريه وماعندي خبره وقلت بشوف خبراتكم

 

[•Brown•Sugar•]

في يهال هادين يبجون بس وقت الرضعه او تغيير الحفاضه
مايحتاج تعودينهم على المصاصه

وفي يهال 24 ساعه بجي بدون سبب هني تضطرين تستخدمين المصاصه

الياهل بالمستشفى مايحتاج مصاصه بيكون 24 ساعه نايم
بتعرفين طبع البيبي اول اسبوعين بالاربعين
اذا كان يبجي وايد طرشي احد ياخذلج وحده
ملوت مذركير حلوين ويثبتون بالحلج
واذا تحاتين وايد اخذي وحده من الحين احتياط يكون حجمها صغير 0-3

 

[منيرة خالد]

انا ما احب المصاصه

بس اضطريت اعطيها بنتي عقب عشرين يوم من ولادتها لانها اربع وعشرين ساعه تبجي وتمت تمصها لي عمر اربع سنين

والحمدلله اخوانها اللي بعدها هاديين ما عطيتهم المصاصه بالمره


وبجذي تعرفين اذا محتاجه مصاصه والا لا ،،،،،، انطري ان شاء الله لي بعد الولاده واعرفي نوع الياهل وعقب تشترين والا لا


الله يهون عليج ويرزقج الطفل الصحيح المعافي

 

[كريستال]

انصحج لاتعلمين البيبي عليها

بعدين لوطاحت وهو نايم يقوم من نومته

ادمان بصراحه غير انهالازم تكون نظيفه ومعقمه على طول ولا تنقل الامراض وتملي بطن البيبي بالغازات

مانصحج وايد عيوب

 

[Winter Q8]

انا ولدي ماكان متعلق فيها بس كانت مريحته و ضرورية ما نستغني عنها ..
و قبل لا يكمل 7 شهور و تنبت أسنانه قطعتها بيوم واحد و الحمدلله ..

نصيحتي اشتريها و شوفي طبع البيبي و اذا كان لابد استخدميها و قطعيها قبل لا يتعلق فيها .. و على فكرة المص يريح الياهل و المصاصة مهمة في غير اوقات الرضعة .. ضروري تنظيم الرضعات مو بكل وقت ..

 

[PuPa^^SWeeT]

لا تاخذين حق الاربعيين



بعد الاربعيين

بتحتاجين علشان تنظيم الرضعة



و حق دوامج




و علشان تتفرغين حق ريلج



تعطينه اياها مو على طوول


علشان تقدرين قبل السنة تقطعينها عنه

 

[أوراق مبعثره !]

حبيبتي خلي وحده عندج احتياط انا ماكنت بعطي ولدي بس تخيلي الصدمة بالمستشفى مسوين من راس المميه مصاصه فولدي تعود ويبي مصاصة تخيلي متوهقه معاه انا الحين مايعرف يمسك الا راس المميه و لا مصاصه عرف يمسك 

 

[-فلانة-]

والله يا حبيبتي انا ما كانت المصاصة من ضمن تجهيزاتي..
بس استخدمتها بالأربعين لأنه بنتي الله يحفظها كانت لازم تمص صدري عشان تنام فشريتلها مصاصة..
بس لا تعودين الياهل عليها طول الوقت..
خليها بس حق وقت النومة..
الله يقومج بالسلامة و يفرحج بشوفة البيبي سليم و معافى من كل شر إن شاء الله.​

 

[mafio98]

عن نفسي ماحبها وماعطيتها ولدي كنت اخاف تخرب لقته واسنانه مع انه كان حناااان وايد بس هالمره اذا البيبي طلع نفس ولدي بعطي مصاصه ​

 

[شقاوه وحلاوه]

اهيا تساعد علي ان سرت الياهل ما تطلع لي برا من كثر البجي

 

[Q6RYA]

انصحج لاتعلمين البيبي عليها

بعدين لوطاحت وهو نايم يقوم من نومته

ادمان بصراحه غير انهالازم تكون نظيفه ومعقمه على طول ولا تنقل الامراض وتملي بطن البيبي بالغازات

مانصحج وايد عيوب

كريستال انا مابي اعطي البيبي مصاصه لهالاسباب بالظيط ،الي قالتلي ان المصااصه لازم دايما تشتكي ان عيالها طول الوقت صياح وصراخ بس شكلي باخذلي وحده صغيره علي كلام البنات حق المستشفي ماعرف طبع البيبي بعد ومابي في المستشفي يحطونلي اي شي بحلجه واتوهق عقب

 

[Q6RYA]

مشكورين بنات عالردود ماقصرتو ووايد استفدت منكم

 

[Q6RYA]

ومشكورين عالدعاوي الحلوه الله يسمع منكم انشالله

 

[ام رينـاد]

انطحج لااااا والف لااااا


بنتي يالله قطعت عنها اللهايه واهي عمرها سنتين

يننتني لوعت جبدي كل ماطاحت اللهايه عالارض قامت خذتها ..

 

[PinkLulu]

يعتمد عالياهل

أنا مثلج ماحب فكرة المصاصة وما كنت ناوية أشتري وحدة

بس خذيت وحدة احتياط

ما استخدمها وكنت أرضع ولدي طبيعي

ولما يبجي أعطيه رضعته يرد ينام أو يسكت

واستخدمهت جم مرة بس ما كان يعرف يمصها

وظليت أشهر كل ما بجى أجرب المصاصة معاه وما يعرف يمصها

وما تعلم عليها ولا خذاها


أنصحج تشترين مصاصة وتخلينها حق الحالات الحرجة وإن شاء الله ما تحتاجينها

 

[BubbLe87]

والله في يهال لازم تعطينهم اياها
انا بنتي ما رضت تاخذها بالاربعين خذتها عمرها شهر و نص تقريبا و بس لما تبي تنام كنت اعطيها
الحين لما اشوفها تحن و مسويتلها كلشي اعطيها اذا بتنام اخليها بس اذا بس جذي تبيها اشيلها و احاول الهيها باي شي
و ترى ما تاثر لا على اسنان و لا على شي بنات اختي خذوها لي الروضة و ما فيهم الا العافية

 

[Q6RYA]

مشكورين بنات الصراحه انا اليوم خذتلي احتياط وانشالله يطلع ولدي هادي وماحتاجهم انا مو ضذ حزات اذا يبجي وايد والا شي بس انا الي اخاف ان يتعود عليها لين بعد ال٦ شهور ويمللني فيها

 

[أم عزيـز]

انا احسها ضرورية لان البيبي لما يعورة بطنه يبي يمص اي شي
واذا كان شبعان حرام تعطينة رضعه ويرجعها
المصاصه هني دورها اول اذا كان يبي ينام اعطيه المصاصه يمص اول ما ينام يقطها او انا اشيلها بس مو على طول ؟

وعلى فكره دكتور اطفال قالي ان المصاصه مفيده لانها تقوي عضلة الفك بس لازم ما يطول الياهل فيها يعني تقطعينها قبل لا يكمل سنه وتطلع اسنانه كامله
عشان ما تطلع اسنانه مخربطه
طبعا انا اتكلم عن اللي ٢٤ ساعه معودة البيبي على المصاصه بس اللي بوقت معين مافي خوف
اصلا حتى اذا قطعتها ماراح تتعب وايد مع البيبي

 

[om MaRyooM]

على حسب طبيعة الياهل

في يهال عادي يحنون شوي ويسكتون<<<هالنوع تحمليه وبيسكت ولاتعودينه عالمصاصة

وفي يهال يحنون يبجون مايسكتون ويصروعوونج وتحسينه دايما خايف <<هذا ضروري تعطينه مصاصة تهديه

ولاتحاتين المصاصة مو سالفة كبيرة
مصيره يهدها

 

[شادن33]

عادي لي الشهر الخامس وبعدين قطيها
ما تضر بس تساعدج وايد