بنات بليز الحقوني ( ( الخبر ) )

[احبج يمه]

اشكر كل اللي ردو
واللي عنها اضافه ماعندي مانع

 

[ظل الياسميـن]

مثل ما قالوا البنات

 

[ميممآإ]

هلا حبيبتي انا من الخبر ~

اذا تبين عبآيآت شغل عدل واسعآر حلوه روحي سوق الحب لمحل سعيد القحطاني واللي حوله كله عبي شي فخم وشي سمبل واغلى شي تلقينه بـ 350 ريآل عكس السويكت تلقين العبآيه عاديه لاتقل عن 500 ريآل ~

واذا على البدل الكشخه سيييده على فينيسيا تلقين فيها الفخم وفيها النآعم الحلوو وفي محل فوق اسمه نورآ يبيع جنآط تقليد مآركه درجه آولى شغل مضبوط وتجنن جنآطه بس اول ماتدخلين قولي لو سمحت طلع لي من الجنآط اللي بالمخزن والجديده لأن اللي يعرضهم كلش مو حلوه وتلقين اسعآرهم 600 وفوق ~

مجمع الظهران خليه آخر شي لأنه شامل كل شي ويعني احسه مايختلف عن مجمع ثاني يعني فيه جميع الماركات بس حلو مريه وادخلي دبنهامز مسوين تخفيضآت حلوه ومعروف دبنهامز بجواتيه الفلات حلوه ومريحه ~

وبالتوفيق حبيبتي ^^

 

[mĬŝ∫Řξξm]

با النسبه للعبياات
الاختيار الاول في (مجمع الرااشد) خييال
ووومجمع الضهرااان فييه بسس نااعميين مرره

 

[مربية المستقبل]

انا توني راده من الخبر

العبي من شارع سويكت عجيييييييييييبه واسعارهم ارخص من الكويت بوااااجد واحلى بعد

البدلات من فينسيااا

البجايم والبدلات العاديه من ظهران ومن الراشد

بالتووووووووووفيق

 

[لمى..]

محل ديون للجزم بالظهران مول
السويكت عباياته حلوووه
وتلقين فيه محل اسمه نوره بالسويكت تقليد الماركه درجه اولى مرررره حلو
دايم عنده زحمه من اهل البحرين والكويت
الحين الماجد مسوي تخفيضات 50٪
قمصان النوم مو كلها اخذتها من لاسنزا ونعومي
لاني اخذت من طابا قمصان نوم كثير ورخييييصه وحلوه

 

[لمى..]

الجمعه سنتر لا تتعبين حالك وتروحي لها
لانه تقريبا بيفضى المجمع
فيه يمكن اربع او خمس محلات فساتين بسس
و الباقي انتقلو لفنيسيا

 

[الملح كله **]

Up up

 

[احبج يمه]

اشكر كل خواتي اللي ردو
الحمدالله ربي يسر لي ورحت الخبر يومين وتوني راده
الجو كان حيل ارطوبه
مامداني افر الا مجمع الراشد يشبه البضايع اللي عندنا بالكويت
في النهايه
جزاكم الله خير
انشالله البنات اللي بيسافرون يستفيدون من المعلومات اللي وفرتوها لهم

 

[صدى الوحدانية]

أنا جًااايًييه من الخببببر شي مو طبيعييييي وربي
بس حسسااافة ماقعدنااا الا يومين
شوفي السوييييكت عبيهم تهبببببببل نفس عبي المجمعاااات
عندج الراشد ماركة مكياج سنيز مكياجهم روعه و شدواتهم مو موجزه بالكويت
بخور الماجد بفانيسيا كل شي فيه حلووو خصوصا خمريةً العروس £
الخبر مول خاماتهم حلوووة وراقيييية

 

[LA TROO7]

خوش موضوع

 

[ياحبي له]

اذا تبين فساتين حق سهره
عندك شارع البيبسي & قريه القصيبي
جميع الماركات العالميه
عندك الراشد & الظهران
بدل استقبال عندك عندك فنيسا مول & فواد سنتر
عندك بعد شارع السويكت
بعد في الدمام طبعا الفرق بين الدمام والخبر ربع ساعه
الواحه مول & المارينا مول & الشاطى مول
اذا تبين بجمامات حلوه ورخيصه ..
عندك في الدمام محل اسمه طابا & الهرم

 

[ام مبارك الافدع]

السويكت وبس والظهران احلي شي