بنات بليز اللى مسوين عمليات تجميل الأنف

[نـــــور]

السلام بنات عندى صديقتى مسويه عملية تجميل بس مو بالكويت و اهى عندها العظمة سوتها الظاهر نحتها او كسرها ما ادرى تقول من بعد ماشال الجبس كان خشمها وايد حلو و مرسوم و الحين صار لها 3 اسابيع مكان العظمة متفوخ كان جلد زايد مو عظم لما تفقصه بايدها ينزل و اهى خايفة انه يرجع ابي اسالكم هالانتفاخ يروح لان صاير كانها مو مسويه الحل يا بنات هذا عادى و الا لازم تسوى بعد

 

[شنشووونه]

وعليكم السلام

لازم الخشم عقب العمليه يكون منتفخ يبي له فتره لي يفش

انا كانت عندي العظمه وشلتها واحس خشمي انفرش يوم شلتها لوووووووووووول

خل تروح عند دكتور تجميل بديرتها ويشوف اذا في شي او ان الوضع طبيعي عقب العمليه

اتوقع انه عادي يبله وقت كل يوم بيطلع لها بشكل عقب ست شهور بيبن والنتيجه النهايه تبين عقب سنه

ان شاء الله ماعليها شر ويكون خشمها مثل ماتبي يااااارب

مشكله اذا تقعدين تصلحين عقب والله سالفه :<

 

[نـــــور]

حبيبتي شنشونة تسلمين بس شفتى مكان العظمة اهنيه طالعتلها تفخة و شكل الخشم مو مستقيم مع ان كان بعد الجبس مستقيم هذا عادى و الا شنو الحل تحط لزقات احسن و شاكرة مرورك

 

[شنشووونه]

يمكن مكان العظمه منتفخ لانه كسرها

بالنسبه حق اللزقات اشوف البنات يقولون انهم تمو يحطونها عقب ماشالوا الجبس

انا دكتوري ماقالي حطيها تم الجبس على خشمي تقريبا اسبوعين << ملل

بس اذا هي متخووفه احسن تروح حق دكتور تجميل ويكشف عليها عشان تتطمن

انا خشمي احسه شوي عوي << عشان ترفع معنويات البنت ههههههههه

انا على فكره سويته 3 مرات تخيلي الحمدلله مب متشوه بس ولاكني مسويه فيه شي باستثناء شل لي العظمه

بس من صوب الارنبه ماتغير يعني صار ضعيف من فوق ومن تحت كنه سله خخخخخخخخخخخ

المشكله الاخت اللي اهيا انا وايد ذكيه ماغيرت الدكتور كله مره ارد حق دكتوري نفسه ماتوووووب يختج ذكااااااااااااء خااااارق :/

 

[أم حوور]

حبيبتي


الف الحمدالله على سلامه رفيجتج




التفخ هذا يبيله فتره ويخف باذن الله


بس اهي لا تحط ايدها وتضغط على مكان العمليه كل شوي



وانشاءالله ما كو ا العافيه ياقلبي

 

[نـــــور]

امبيه عاد اهى كل شوى تضغط عليه صاير مكان العظمة كانها موجودة بس جلد هذا يروح صح

حبيبتي شنشونة امبيه 3 مرات ليش اخاف اهى بعد راح تحتاج انها تسويه 3 مرات لووول لا بس جد ما تحط لزقات و الجبس قالت لى 8 ايام و شاله وحط لها لزقات 4 ايام بس اهى يومين و شالتهم و كل ساع تلعب فيه ويه خل اقولها لا تجيسه الحين اهى جاسته عادى راح يظل جذيه كانها عظمة بالنص

 

[اماراتيه_ جميرا]

رد : بنات بليز اللى مسوين عمليات تجميل الأنف

I think it is need time to be fixed more than three weeks.... So she need to be patient and thank u

 

[نـــــور]

حبيتي تسلمين للرفع

 

[رمشْ الحَيآ]

خل تنطر شوي و عليها بالثلج يخفف الورم وو مبروك عليها الخشم اليديد d:

 

[نـــــور]

انسه لين حطت ماكو فايدة بس اهى خايفة انه يظل نفس ما اهو ما يروح

 

[نـــــور]

وينكم بنات

 

[ليمار الكويت]

ليش ماترد حق الدكتور الي سوالها العمليه واذا بديره ثانيه خلها تروح حق دكتور تجميل ويشوووف شالدبره (شنو الحل )

 

[عسووووولة]

رد : بنات بليز اللى مسوين عمليات تجميل الأنف

اب اب اب

 

[نـــــور]

تسلمون بنات

 

[صبر العمر]

انا صار لي اسبوعين عاملتها وفعلا بعد ما شال الجبص بعد اسبوع كان الانف نحيف ومرسوم لكن بعدها انتفخ من جهة الغضروف وكمان لا زلت اعاني من صعوبة التنفس منه وكمان المكان كإنه مخدر . ويبدو يحتاج وقت ويختلف من وحدة لاخرى حسم طبيعة الجسم .

شنشونة : استغلاربت انك ساويتيه 3 مرات ما شاء الله شو هالجرأة اللي عندكم ، انا مرة وحدة وحسيت طلعت روحي .

 

[أم طلاال]

رد : بنات بليز اللى مسوين عمليات تجميل الأنف

الله يعطيكم العافيه يا بنات
أنا صارلي سبوعين بالضبط مسويه العمليه والحمدلله النتيجه حلوه بس على قولة وحده من البنات ولا جني مسويه فيه شي !!!!!! الدكتور مجرد ان شالي العظمه وبس ! وفعلا لما شلت الجبس مكان الغصروف منتفخ !!! وانا مفكره أسويه مره ثانيه لان ما حسيت بتغيير أبدا .. يعني المبلغ اللي انا دفعته مو شويه وبصراحه ما حسيت ان الموضوع يسوى .. انا عندي مراجعة يوم الأحد وانشالله راح أسأله عن هالشي واذا أقدر افيدكم بشي انا حاضره

 

[فنااااتج]

رد : بنات بليز اللى مسوين عمليات تجميل الأنف

حياتي المفروض رفيجتج تحط اللزقات عشان ما يتغير شكل الخشم

وعادتا الكاترة بعد الجبس يحطون اللزقات عشان ما يتغير شكل الخشم

ولا يفرش ،،،، لأن الخشم بعد العملية يكون لين ويبلة يالله شهر عشان يمسك

 

[نـــــور]

بنات ما قصرتو ناطرتج ام طلال نبي النتيجة للحين مكان العظمة منتفخ عند البنت

 

[شوكولآ]

رد : بنات بليز اللى مسوين عمليات تجميل الأنف

بيروح لاتخاااف .. وخل تروح عند اي دكتور تسأله لو كانت توسوس وخايفه
زين نبهتوني لهالشغله ان شاء الله باجر بشل الجبس .. عشان ماجيس مكان العظم هع

بالتوفيج لها